Sawal la giled’a 85:8 - Bible azumeina

⁸ Ma didina, ang tagami o mang nga didinda, ang sud’umiya.

Sawal la giled’a 85:8 Referans Kwoze

Sawal la giled’a 29:11

Ma didina nga mi had’enga mi sum mama; Ma didina nga mi b’e vunam yam sum mama ki b’leng nga halasa.

Vama ndum mbeina 3:19

Suma an nga ni le kazina pet, an nga ni ngoboziya, an nga ni gad’azi mi. Kayam ndata, ar ang b’at tang á mbut hurung yam tcho manga.

Zakari 9:10

An mba ni yo pus ma dur ayîna hi suma Efraim-mina woyo, an mba ni yo akulumei suma Jerusalem-ma woyo, an mba ni yo yeû d’a dur ayîna woi mi. Amul máma mba mi de zla b’leng nga halasa mandjaf suma, mba mi te leud’a gak avun dabid’a handagad’id’a, avun alum ma ngolâ abo hî abo hî mi.

2 Timote 2:19

Wani ad’u ge d’a Alona mi gata, ti nga tchola ngingring. Zla mam mba a b’irit ki geunid’a ti dala: Salad’a mi we sum mama; a b’ir kua ala: Sama lara pî ma nga mi yi simiyê Salad’ina, ar mi wal lei ki tchod’a.

Habakuk 2:1

An mba ni djak akulo yam gong nga fiyaka ked’iwurenga á ndjola, an mba mi tchol akulo kua á we vama Ma didina mba mi dandjina, á djup zla d’a mam mba mi hulongôndji yam yor ta mandid’a.

Jean 14:27

An aragi b’leng nga halasa, an hagi b’leng nga halas manda, an hagizi nga ni d’igi suma duniyad’a a nga he na d’i. Ar hurugi mi hat ti, ar agi lagi mandar ruo mi.

Sawal la giled’a 130:4

Wani angî ma vat hurung ngei yam sumina. Ni kayam ndata ba, ami nga hungû.

Ad’u Tinda 34:7

Kid’a Jakob groma a tcholï abagei a hum zla ndatid’a, huruzi mi zal ngola. A tchol kayîna ngola, kayam Sikem mi le nahle suma nga ata yazi d’uo na aduk Israel-lâ, mi bur ki Jakob goromba; ni vama ndak á led’a d’uo na.

Hebre-na 12:25

Agi gologi tagi djiviya, ar agi noyôgi mam ma nga mi dagi zlad’ina d’i. Kayam le suma a noî mam ma nga mi gigid’ezi yam andagad’a ka hina a prut nga woi d’uo, le ei nga humî gigeta hi mam Ma akulona d’uo mi ni, ei mba prud’i woi ni nana ge?

2 Tasaloni’â 3:16

Ar Salei ma b’leng nga halasa, mi hagi b’leng nga halasa teteu ata yina pet. Ar Salad’a mi kak ki sed’egi pet mi.

Efes-sâ 2:17

Hina, Christ mi mba, mi tchi wal Zla d’a Djivi d’a b’leng nga halasa mi agi andjaf suma ding suma woi deina, mi Juif suma go ki sed’ema mi.

Galat-na 4:9

Wani ki tchetchemba, agi wagi wa Alona, kal pet Alona mi wagi mi. Ni nana ba, agi dok hulongôgi ata hat ta adjeu d’a amangeî d’a hohoud’a d’ei ge? Agi min mbud’ugi magumei mazina d’ei zu?

Sunda hi suma a sunuzinid’a 10:36

Agi wagi zla d’a Alona mi sunut mi Israel-lâ d’a. Mi sunuzi Zla d’a Djivi d’a b’leng nga halas sa tcholï ata Jesus Christ-sa. Mam mi ma Sala suma pet.

Sunda hi suma a sunuzinid’a 3:26

Kid’a Alona mi tchol azong mama akulo aduk suma matnid’a, mi sunumï atagi adjeu tala nge nge pî adigagi mi ar tcho mamba woi Alona mba mi b’e vunam kamu d’a.

Jean 20:26

Dimas sa mbàd’a, suma hata hi Jesus-na a nga klavi kua, vun azina nga duka mi. Toma mi nga ki sed’eziya. Ata yi máma, Jesus mi mba, mi tchol adigaziya, mi dazi ala: An gagi depa.

Jean 20:19

Kid’a afata nik dad’a, ni bur ma dimas máma, suma hata a duk vun azì ma azi nga kuana, abo mandarâ hi Juif-fîna. Ata yi máma, Jesus mi mba, mi tchol adigaziya, mi dazi ala: An gagi depa.

Jean 8:11

Ti dum ala: Salana, sa nga d’i. Jesus mi dat ala: An tanda nga ni kak sariyad’a kak kuo mi; ndak iya, ndak dok le tchod’a d’uo d’a.]

Jean 5:14

Bugol ahle ndazina, Jesus mi fum kur gong nga kud’ora hAlonid’a, mi dum ala: Gola! Ang sut wa da’. Ang dok le tcho d’uo d’a, kayam vama tcho ma kal ma wana mi lang nguo d’a.

Wana ni mbaktumba hi Aze-d’a 2:9

Ni kayam ndata ba, subura hi gong nga danandid’a mba d’i kal la avoka. Ni kur yima wana ba, an mba ni hagi b’leng nga halasa. Wana ni zla d’a an Ma didin ma ad’engên kal petna ni data.

Isai 57:19

Ma didina mi de kua ala: An mba ni tin giled’a avun suma a mba dala: Halasa, halasa yam sama sä deina, yam sama gona mi. An mba ni sud’uziya.

Zla d’a d’ogolâ 25:11

Zla d’a irat ta sana mi data, ti hle tat ni d’igi ahle suma lor suma djif suma guzuzi kal tegles suma sama d’alâ mi yorozi mi gulud’uzi ki kawei ma hapmina na.

Sawal la giled’a 50:5

Mi dala: Agi togogï man suma d’engzeng suma a djin vunazi ki sed’en ki buzu ma ngatina.

Zla d’a d’ogolâ 27:22

Le ang du sama lilid’a kur zuzud’a zlapa kawuna pî, lili mamba mba d’i wal lei ki sed’em mbi.

1 Samuel 25:25

Salana, ar ang ve zlad’a hi Nabal ma asa’at mámid’a d’i. Mam mi d’igi simiyêm ma a yum ala Nabal-lâ na, mi ni lilid’a. An wei manga ni we nga azungeî suma ang sunuzïna d’i.