Sawal la giled’a 84:11 - Bible azumeina

¹¹ Bur ma tu ma an kal kur gulumun mangîna, mi djivid’a kal bur ma dubu ma an kak kei abuna. Alo mana, tan lan djivid’a á kak ndjola avun gong manga kal la an kak kur zlub’ud’a hi suma asa’atnid’a.

Sawal la giled’a 84:11 Referans Kwoze

Zla d’a d’ogolâ 2:7

Nga mi ngom ndjunda yam suma d’ingêrâ, mam mi mbareid’a hi suma iratnid’a

Matiye 6:33

Wani ar agi halagi leud’a hAlonid’a ki d’ingêr mamba avok tua. Hina wani, Alona mba mi hagi ahle suma a arâ kam kua.

Filip-ma 4:19

Wani Alo mana mba mi hagi ahle mam suma ndjondjoî suma kal teglesâ yam kid’ak magi d’a yam Jesus Christ-sa.

Sawal la giled’a 85:12

Gagazid’a mba d’i tcholï ka andaga; d’ingêra hAlonid’a mba d’i tcholï nakulo mi.

Zla d’a d’ogolâ 10:9

Sama mi tit tit ta ata yatina nga mi kak ki halasa, wani sama nga mi tit tit ta ata yat tuo d’ina, ad’um mba d’i ge woyo.

Vama ndum mbeina 21:23

Azì máma nga mi min afata d’oze tilâ á b’o kurum mbi, kayam subura hAlonid’a nga d’i b’o kurumu, Gor timina ni lalam mamba mi.

Jean 8:12

Jesus mi de mi Fariziyêna kua ala: An ni b’od’a hi suma kur duniyad’ina. Sama tit ad’una, mba mi tit kur nduvunda d’i, wani mba mi tit ni kur b’o manda.

Sawal la giled’a 3:3

suma ablaud’a a nga de kan ala: Alona mi dok ndjunum mbuo d’a. Tchol ndjö

Ad’u Tinda 15:1

Bugol ahle suma lena, Ma didina mi nde tam mbei ir Abram, mi dum ala: Abram, ang le mandar ri; an ni mbarei manga, wurak manga mba d’i zul avok ngola.

Zla d’a d’ogolâ 28:18

Sama nga mi tit kur lovot ta d’ingêrina mba mi kak ki halasa, wani sama nga mi tit kur lovot ta mbàmbà d’a gundina mba mi nde kä kur ra dinga tu.

Sawal la giled’a 27:1

Ni sawal la David mi hlata. Ma didina ni b’o manda ni ma sud’una; ni nge ba, an mba ni lum mandaram nge? Ma didina ni ma ngomona; ni nge ba, an mba ni zlak abom nge?

Filip-ma 1:6

Kayam an wala Alo ma tin ad’u le sun nda djivid’a kurugina, mba mi lat gak bur ma mbad’a hi Jesus Christ-sâ.

Sawal la giled’a 15:2

Ni sama tit tit ta iratina, ni sama le sun nda d’ingêrina, ni sama nga mi de zla d’a gagazi d’a kurumba woina mi.

Jean 1:16

Ni yam ndak memet mamba ba, ei pet fei sumad’a yam ndrat sumad’a.

2 Korente-na 4:17

Ndak ka afefet ta nga d’i lami kä ndjö wanda, mba d’i mba ki subur ra ngol la didinda, kal ndak ka ka tchetchem wanda.

Sawal la giled’a 119:114

Angî yan ma ngeid’a, angî mbarei manda; an tin hurun ni yam zla manga.

Zla d’a d’ogolâ 28:6

Sama hohou ma nga mi tit kur lovot mamba d’ingêrâ, mi kal ma ndjondjoî ma nga mi tit kur lovot ta gundina.

Mise 2:7

Agi suma hi Jakob-ma, wana ni zla d’a agi data zu? Ma didina hurum mi zal atogo zu? Mi ndak á le hina zu? Na ni zla manda ni djivid’a ir sama mi tit yam d’ingêrina d’uo zu?

Galat-na 2:14

Wani ata yima an golozi a nga tit d’ingêr kur gagazid’a hi Zla d’a Djivid’a d’uo na, an de mi Pierre avunam mbei avok suma pet ala: Ang mala angî ma Juif-fâ na, ang nga tit d’igi andjaf suma dingâ na, ang nga tit d’igi Juif-fâ na d’i. Ni kayam me ba, ang nga le andjaf suma ding suma a he gagazid’ina kad’enga ala a tit d’igi Juif-fâ na ge?

Sawal la giled’a 84:9

Ma didina, Alo ma ad’engêng kal petna, ang hum tchen manda; Alona hi Jakob-ma, ang tin humangû. Tchol ndjö

2 Korente-na 3:18

Wani ei suma a yoi baru d’a ka ira woi ireina, ei nga golei subura hi Ma didinid’a, ni d’igi sana mi gol iram kur kotroma na. Muzu’â hi Ma didinina nga mi mbud’i dedege d’igi Ma didina na kur subura kam kua kam kua kala.

Jean 1:9

Ndat ni b’o d’a gagazi d’a mba kur duniyad’a á b’o yam suma peta.

Sawal la giled’a 47:9

Ni mam ba, nga mi te yam andjaf suma, mi nga kaka yam zlam mam mba amul la a tinit irat vata.

Gat ta a hat á mbàd’id’a 18:2

Azi mba fe djo ma ted’a aduk b’oziyozina d’i, kayam Ma didina mba mi arî djo mazina d’igi mam tamba mi dazi na.