Sawal la giled’a 83:18 - Bible azumeina

¹⁸ Ar azi mbut zulona, ar azi mbut mandarâ ki irazi fafat, ar a mang ngei avun nga hur mazina, ar a dap pei mi.

Sawal la giled’a 83:18 Referans Kwoze

Buzuk ka Abud’a 6:3

An nde tan ndei ir Abraham, ir Isak, ir Jakob ni ki simiyên ma ala Alo ma ad’engêm kal petna na, wani a we nga simiyên ma ala Ma didina na d’i.

Sawal la giled’a 59:13

Zla d’a ndavunazid’a ni tchod’a; ar azi puk kä yam yam mba ad’eng mazid’a, yam vun ma ge ma azi nga gum mi suma ki zla mazi d’a kad’ina mi.

Ezekiyel 38:23

Hina wani, an mba ni tak tan ndei mandjaf suma pet ala an nAlo ma ngol ma bei tchod’a ba na. Ata yi máma azi mba wala an ni Ma didina.

Sawal la giled’a 97:9

Kayam ang Ma didina, angî ma sä akulo ma kal tegles ma yam andagad’a petna, ang kal alona pet akulo mi.

Jeremi 16:21

Ma didina mi dala: Ki tchetchem wanda, an mba ni tagazi ad’eng manda ki sib’ik manda. Ata yi máma azi mba wala simiyên ala Ma didina.

2 Amuleina 19:19

Wani ki tchetchemba, ang Ma didina Alo mamina, ang sud’umi woi abo Sanakerip. Hina wani, Ma didina, suma yam andagad’ina pet a mba wala ang tu nAlona.

Daniel 4:32

A mba diging ngei aduk suma, ang mba kak aduk ahle suma abageina, a mba hang asuna á ted’a d’igi amuzleina na. Ang mba kak hina gak bizad’a kid’iziya, gak ang mba wala Alo ma sä akulo ma kal teglesâ nga mi te yam leu d’a yam andagad’id’a pet, nga mi hat mi sama mam hurum minima.

Ezekiyel 30:19

An mba ni ka sariyad’a yam Ezipte-na. Hina wani, azi mba wala an ni Ma didina.

Isai 42:8

An ni Ma didina. Wana ni simiyênu! An mba ni he subur manda malo ma ding ngi, an mba ni ar hu manda mi fileina d’uo mi.

Mise 4:13

Ma didina mi dala: Agi suma Jerusalem-ma, agi tchologi akulo, agi togi awuna. An mba ni mbud’ugi ad’enga d’igi adif ma kaweina na, d’igi alif ma kaweina na mi. Agi mba kazlagi andjaf suma ablaud’a kä kakahl, ahle mazi suma ndjondjoî suma agi mba yozina, agi mba tinindji irazi vazi mi an Sala andagad’a.

1 Amuleina 18:37

Ma didina, ang humunu, ang humun kayam sum ndazina a wala ang Ma didina nAlo ma gagazina, ang hulongôzi djib’er mazid’a kang mi.

Isai 54:5

Ma mi la’â ni ndjuvugu, simiyêm ala Ma didin ma ad’engêm kal petna. Ma mi wurak ka’â ni Ma tin tam irat vat yam Israel-lîna, a yum ala Alo ma te yam andagad’a petna.

Sawal la giled’a 92:8

Le suma asa’atna a nga d’uf d’igi asuna na, le suma bei d’ingêra a nga b’o ni, a le hina pet ná ba woi ki irazi fafat.

Sawal la giled’a 9:2

Ma didina, an mba ni gileng ki hurun pet, an mba ni dugot ded’a woi yam sun mang nga ndandala.

Sawal la giled’a 9:16

Andjaf suma bei wAlona a puk kä kur zul la azi tazi djugud’ota, asezi mi tchuk kur dau ma azi tazi ngeyem kä na.

Ad’u Tinda 22:14

Abraham mi yi yi máma ala Ma didina nga mi he. Kayam ndata gak ini suma a nga dala: Ni yam ahinad’a hi Ma didinid’a ba, mam mba mi he.

Zakari 4:14

Mi hulong dan ala: Suma mbà ndazina ni suma a vozi mbulâ kazi á tinizi irazi vazi á le sunda mi Salad’a ma te yam andagad’a petna.

Daniel 4:25

A mba diging ngei aduk suma, ang mba kak aduk ahle suma abageina. A mba hang asuna á ted’a d’igi amuzleina na. Mbad’ï d’a akulod’a mba d’i gangû. Ang mba kak hina gak bizad’a kid’iziya, gak ang mba wala Alo ma sä akulo ma kal teglesâ nga mi te yam leu d’a yam andagad’id’a pet, nga mi hat mi sama mam hurum minima.

Isai 5:16

Ma didin ma ad’engêm kal petna, a mba suburum yam sariya mam mba ka d’a d’ingêra. Alo ma bei tchod’a ba na mba mi tak tam mbei ala mam mi Ma bei tchod’a ba na yam d’ingêr mamba.

Sawal la giled’a 18:13

Ata yi máma d’ugula b’rau woi abo wile mamba, mogoina kakud’a ki gordjona a yak kä.

Sawal la giled’a 35:4

Ar suma a min á tchan ndeina a mbut zulona, a mbut vama lasa; ar suma a hal á lan tchod’ina a hulong bugol ki zulona.