Sawal la giled’a 82:3 - Bible azumeina

³ Ar agi kagi sariya d’a d’ingêra mi suma amangeîna ki suma hokuyod’a. ar agi kagi sariya d’a d’ingêra mi suma hohoud’a ki suma kid’aka mi.

Sawal la giled’a 82:3 Referans Kwoze

Sawal la giled’a 10:18

á hum zlad’a hi suma hokuyod’a ki d’a hi suma a nga kid’eyêzi irazinid’a, á kazi sariya d’a d’ingêra. Ar sama yam andagad’a ka hina, mi mbut suma mandarâ d’uo d’a.

Jacques 1:27

He gagazi d’a irat ta memet ta avok Alona Abuid’a ba wana: Mi i d’u suma hokuyod’a ki suma modonod’a kur ndak mazid’a, mi gol tam ped’et ki tchod’a hi duniyad’id’a mi.

Jeremi 22:16

Mi ka sariyad’a hi suma houd’a ki suma hohoud’a ata lovod’od’u. Ni kayam ndata ba, mi kak ki djivid’a. Mi le hina ni kayam we d’a mi wanda d’uo zu?

Jeremi 22:3

Ma didina mi dala: Ar agi kagi sariya d’a d’ingêra, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Ar agi lagi angeina d’oze ma hokuyod’a d’oze ta modonod’a tchod’a d’i, ar agi lagi murud’umba d’i, ar agi tchagi suma bei zlad’a kazi ba na kä ata yima wana d’uo mi.

Jeremi 5:28

Azi nga d’orâ, tazi nga d’i ngal wiwilik, a nga le tcho d’a kal kazid’a, a nga d’el vama tchona d’i, a nga ka sariyad’a hi suma hokuyod’id’a d’i, a nga i avogovogo, a nga ka sariyad’a hi suma houd’id’a ata yat tuo mi.

Gat ta a hat á mbàd’id’a 24:17

Moise mi de kua ala: Ar agi lagi ir angeina d’oze ma hokuyod’a ata yima ka sariyad’a d’i, ar agi vagi barud’a hatcha d’a modonod’a denga d’uo mi.

Isai 1:23

Mang suma nglona a mbut suma bei hum vuna, a ndjak vunazi tu ki suma kula. Azi pet a min ni he d’a hawa d’a mbut ira, azi nga ring bugol wuraka, azi nga ka ir zlad’a hi ma hokuyod’id’a d’i, azi nga djib’er yam zlad’a hatcha d’a modonod’id’a d’uo mi.

Isai 1:17

Agi had’agi á le djivid’a, agi halagi d’ingêra, agi hulongôgi ma a nga djobom vunama kur lovot ta djivid’a, agi kagi ir zlad’a hi ma hokuyod’id’a, agi ndjunugi yam atcha d’a modonod’a mi.

Gat ta a hat á mbàd’id’a 10:18

ni ma nga mi ndjun ma hokuyod’a katcha d’a modonod’ina, ni ma nga mi le yam angeinina, ni ma nga mi hum tena ki baruna mi na.

Buzuk ka Abud’a 23:3

ar agi wagi sama houd’a hohowom ata yima ka sariyad’a d’uo mi.

Buzuk ka Abud’a 23:6

Le sama houd’a mi mba ki sariya mamba avorogiya ni, agi kamzi tchod’a d’i.

Wana ni mbaktumba hi Job-pa 29:12

An sut ma hou ma nga mi yi ala a ndjunumu na, ki ma hokuyo ma sama ndjunum nga d’uo na mi.

Wana ni mbaktumba hi Job-pa 31:21

Le an ngop ma hokuyod’a ata yima sariyad’a kayambala an we suma ka sariyad’a a ndjununda ni,

Zla d’a d’ogolâ 31:9

Ang ngo vunang á ka sariya d’a d’ingêra á ndjun suma hohoud’a ki suma kid’aka mi.

Jeremi 21:12

Agi suma hi David-na, Ma didina mi dala: Agi kagi sariya d’a d’ingêra yorogo, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Le d’uo ni, ayî mana mba mi fo d’igi akud’a na, mba mi ngal ahlena woi pet bei sana ndak á tchum mbei ba, kayam sun magi d’a asa’at ta agi lata.

Zakari 7:9

Ang ge hum suma yam zla d’a an Ma didin ma ad’engên kal petna ni dat adjeu ala: Agi kagi sariya d’a d’ingêra, agi wagi hohou tagiya,