Sawal la giled’a 81:7 - Bible azumeina

⁷ An hlaneka woi kangû, ang tchuk abong ngei ata gagalagad’a mi.

Sawal la giled’a 81:7 Referans Kwoze

Buzuk ka Abud’a 19:19

Adifa tchiyat nga mi b’ik kä b’ib’ik. Moise mi de zlad’a mAlona; Alona mi hulong dum zlad’a ki delem akulo mi.

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.

Ndumba 20:13

Wana ni mbiyo ma Meriba-na. Ni yima Israel-lâ a yal ki Ma didina kua, mi tagazi subur mamba woi adigazina.

Buzuk ka Abud’a 2:23

Bugol la biza d’a ablaud’a kala, amul ma Ezipte-na mi mid’a. Israel-lâ a nga zam tazi abo magom mba a nga lazizid’a, a nga tchi mi. Tchi mazi ma abo magombina mi i gak mi fAlona.

Buzuk ka Abud’a 14:10

Kid’a Faron mi mba go ki sed’ezid’a, Israel-lâ a hle irazi akulo, a gol wani, Ezipte-na a nga djï blogoziya! Israel-lâ mandarâ vazi ngola, a nga tchi ki delezi akulo yam Ma didina.

Buzuk ka Abud’a 14:24

Ki yorogo tcholola, Ma didin ma nga aduk d’ugul la aku d’a nga tchola gongzongina, mi gol kangâ hi Ezipte-na, mi mbud’um batuwak.

Gat ta a hat á mbàd’id’a 33:8

Mi de yam andjafâ hi Levi-na ala: Ma didina, Tumim mangâ ki Urim mangâ, ang hazi nabo mang suma d’engzengâ. Bugola, ang kuguzi kur Masa, ang tchi tuguyod’a ki sed’ezi avun mbiyo ma Meriba-na.

Ndumba 20:24

Aron mba mi mid’a, kayam mam mba mi kal kur ambas sa an nga ni hat mi Israel-lîd’a d’i, kayam agi tchilagi yam vun man ma hed’a ata yima mbiyo ma Meriba-na.

Buzuk ka Abud’a 6:6

Kayam ndata, ang i de mi Israel-lâ ala: Alona mi dala: An Ma didina nga ni pad’agi woi kur sun nda anek ka Ezipte-na a tinigizi kagid’a, an nga ni pad’agi woi kur magom mba a nga lagizid’a mi. An mba ni ngobozi ngop pa tchod’a, an mba ni prud’ugi woi ki bigan nda zid’a kan akulo zid’a,

Buzuk ka Abud’a 20:2

An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.

Gat ta a hat á mbàd’id’a 5:6

An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.

Jeremi 16:14

Ma didina mi dala: Kayam ndata, burâ nga mi mba, sa mba mi dala: An gun tan ki Ma didin ma bei matna ma buzugï Israel-lâ woi kur ambas sa Ezipte-d’ina d’uo d’a.