Sawal la giled’a 81:5 - Bible azumeina

⁵ Kayam ni gat ta yam Israel-lîd’a, ni vun ma hed’a hAlona hi Jakob-mina.

Sawal la giled’a 81:5 Referans Kwoze

Sawal la giled’a 114:1

Ata yima Israel-lâ a buzuk kei avo Ezipte-na, ata yima suma hi Jakob ndazina a wal lei ki suma a de vun ma dingîna,

Jeremi 5:15

Ma didina mi de kua ala: Agi Israel-lâ, gola! An nga ni mbeï kandjaf ma dingâ ata yima dedeina á durugiya. Nandjaf ma ad’engâ, nandjaf ma mi nga adjeu dedeina, nandjaf ma agi humum nga vunam mbuo na, ni ma agi nga wagi ad’u vama mam nga mi duma d’uo na mi.

Gat ta a hat á mbàd’id’a 28:49

Ma didina mba mi tcholï kandjaf ma dei ma sä avun dabid’a handagad’a ma agi nga humum vunam mbuo na. Mba mi sir asem kagi kä d’igi agigilauna mi sir asem yam vama mi vuma na.

Sawal la giled’a 77:15

Angî Alo ma lahle suma atchapmina, ang tak sib’ik manga woi aduk andjaf suma dingâ mi.

Isai 28:11

Gagazi, Ma didina mba mi de zlad’a mi sum ndazina navun suma ambrozlod’a avun ma dingâ mi!

Buzuk ka Abud’a 12:27

agi hulong dazi ala: Ni vun til ma Pak ma a ngat buzuna á he ngola mi Ma didin ma kal yam azina hi Israel-lâ avo Ezipte-na. Ata yi máma mi tchi Ezipte-na, mi ngomomi amiya. Ata yi máma Israel-lâ a grif kä andaga a kud’or Ma didina.

Buzuk ka Abud’a 12:12

Kur andjege ndata, an mba ni kleû tita hur azì ma Ezipte-na, an mba ni tchi gro suma Ezipte suma a vut avo’â woi pet, tinï ad’ud’a yam suma gak mba yam d’uwarâ. An mba ni ka sariyad’a yam alona hi Ezipte-nina pet, kayam an ni Ma didina.

Buzuk ka Abud’a 11:4

Moise mi de mi Faron ala: Ma didina mi dala: An mba ni kal andjege dangâla hur azì ma Ezipte-na.

Amos 6:6

Agi nga tchagi süm guguzlud’a ki kop ma nglona, agi nga lagi mbul ma d’igil ma hirwilingâ atagiya, wani agi nga had’agi hurugi yam b’lak ka ti mba yam andjafâ hi Josef-fîd’a d’i!

Ezekiyel 20:20

Agi tinigi bur man ma sabatna iram vamu, ar mi ka’î vama taka adigagi ki anu, kayam agi wagi ala an ni Ma didina Alo magina.

Sawal la giled’a 78:6

Kayam azi had’at mi suma kur atchogoi d’a nga d’i mba bugola, grozi suma a mba vud’uzi ndazina a tchol a dat tei mi grozina

Gat ta a hat á mbàd’id’a 4:45

Wana ni gata ki vun ma hed’a suma Moise mi djogozi woi mi Israel-lâ bugol buzuk ka a buzugï woi kur Ezipte-d’a.

Buzuk ka Abud’a 12:29

Kur andjege d’a dangâlad’a, Ma didina mi tchi gro suma Ezipte suma a vud’uzi avo’â woi pepet, tinï ad’ud’a ni yam Faron ma nga kaka yam zlam mam mba amulina gorom ma ngolâ gak mba yam magom ma nga kur dangeinina gorom ma ngolâ, gak mba yam d’uwarâ grozi suma a vud’uzi avo’â pepet mi.