Sawal la giled’a 79:1 - Bible azumeina

¹ Ni sawal la gile d’a Asaf mi hlata. Alo mamina, andjaf suma dingâ a kal wa kur ambas manga, a mbut wa gong mang nga kud’ora ndjendjed’a, a b’lak wa Jerusalem mbei kakazeî mi.

Sawal la giled’a 79:1 Referans Kwoze

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

2 Sunda Hamuleinid’a 36:19

Suma Babilon-na a ngal gong nga kud’ora hAlonid’a woyo, a to gulumun ma Jerusalem-ma kä woyo, a ngal azì ma amula woyo, a b’lak ahle suma guzuzi kal tegles suma kur azinina woi pepet mi.

Hor ma tchina 1:10

Ma kus katna mi mat abom mi yo ahle suma djivi suma kal tegles suma ndat nga ki na pet. Ti we andjaf suma ang d’elezi á kal aduk tok mangina, a kal kur gong mat ta a tinit irat vata mi.

Jeremi 26:18

Mika ma Moreset-na mi djok vuna kur atchogoid’a hi Ezekiyas amul ma Juda-nid’a, mi de mi suma Juda-na pet ala: Ma didin ma ad’engêm kal petna mi dala: A mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Jeremi 52:13

Mi ngal gong nga kud’ora hi Ma didinid’a kazì ma amula kazì ma ding ma Jerusalem-ma pet, mi ngal azì ma nglo ma dingâ woi kakud’a pepet mi.

Sawal la giled’a 78:71

Mi vumï woi ata yima nga mi pol tumiyônina, kayam mi mbut ma pol sum mama andjafâ hi Jakob-ma, Israel sumala ni djo mama na.

2 Sunda Hamuleinid’a 36:17

Kayam ndata, Ma didina mi sunï amul ma Babilon-na ataziya. Mi tchi azungeî mazina ki mbigeu d’a fiyaka kur gong mazi d’a kud’ora. Alona mi ar nga gor azong ngoze gor wei d’oze mamar roze ma yam abus si, mi hazi woi abo amul ma Babilon-na pet.

2 Amuleina 24:13

D’igi Ma didina mi de avok na, Nebukanezar mi yo ahle suma a nga kur gong nga ngom ndjondjoî d’a kur gong nga kud’ora hi Ma didinid’ina ki suma nga kur gong nga ngom ndjondjoî d’a kur azina hamulîd’ina pet, mi to ahle suma lor suma Salomon amul ma Israel-lâ mi minizi á le ki sunda kur gong nga kud’ora hi Ma didinid’ina woi pepet mi.

Buzuk ka Abud’a 15:17

Ma didina, ang mba i ki sed’ezi á tinizi yam ahina mang nga ang mba tat djonid’a, yam yima ang min á kaka kuana, yam yima ang tanga gäd’u yima a mba kud’urong kuanina.

Vama ndum mbeina 11:2

Wani ang ar yima huyok gong nga kud’ora hAlonid’a bei ngad’a, kayam a humî mi suma bei wAlona. Azi mba miret azì ma ngolâ hAlonina kä kasezi gak tilâ dok fid’i yam mbà.

Wana ni Zla d’a Djivi d’a Luc mi b’irita 21:24

A mba tchi suma dingâ ki mbigeu d’a fiyaka, a mba yo suma dingâ magomba aduk andjaf suma pet. Andjaf suma dingâ a mba miret Jerusalem kä kasezi gak atchogoi mazid’a ndaga.

Ezekiyel 9:7

Mi dazi kua ala: Agi mbud’ugi hur gong man nda kud’ora ndjendjed’a, agi oyôgi hur atranga woi ki mad’a suma, agi buzugugiya! Azi buzuga, a tchi suma hur azì ma ngolîna.

Jeremi 39:8

Azigar suma Babilon-na a ngal azì ma amula kazina hi sumina woi pet, a hô gulumun ma Jerusalem-ma kä woi mi.

Isai 47:6

Gola! An hurun zal adjeu ata sum mana, an mbut man suma an tazi djonina zulona, an haksi hur abogu. Ndak wazi nga hohowozi d’i, ndak ge djuk mak ma ane’â kel momorogeina.

Sawal la giled’a 50:1

Ni sawal la Asaf mi hlata. Ma didina Alo ma yam alona petna, mi de zlad’a, nga mi yï suma yam andagad’ina ei abo ma yorogona dei gak abo ma fladegena.

Isai 63:18

Ami mang suma yed’etna ami kagami yam ambasa ni hina ndjö. Mami suma djangûna a miret yi mang ma a tinim iram vama kä kaseziya.

Jeremi 51:51

Suma hAlonina a dala: Zulona mi vami yam ngul la a nga ngulumid’a. Zulona mi vami kekei, kayam andjaf suma dingâ a mba, a tchuk kur gong nga a tinit irat vata hi Ma didinid’a.