Sawal la giled’a 78:6 - Bible azumeina

⁶ Kayam azi had’at mi suma kur atchogoi d’a nga d’i mba bugola, grozi suma a mba vud’uzi ndazina a tchol a dat tei mi grozina

Sawal la giled’a 78:6 Referans Kwoze

Sawal la giled’a 102:18

Mba mi hum tchenda hi suma hohoud’id’a, mba mi gol tchen mazid’a is suo mi.

Joel 1:3

Agi dagizi woi mi grogina, ar grogina a dazi woi mi grozina, grozina a dazi woi mi suma kur atchogoi d’a sä avokina mi.

Sawal la giled’a 145:4

Ar suma kur atchogoi d’a lara ge petna a suburung sun manga, ar a de woi yam sun nda ad’eng nga ang lata.

Sawal la giled’a 90:16

Ang ar ami azungeî mangâ wami sun mang nga ad’enga, ar gromi ngolona a we subur manga mi.

Sawal la giled’a 22:31

Andjavazi mba mi lum sunda, mba mi de zla Salad’a woi mandjavazi ma kur atchogoi d’a nga d’i mbad’ina.

Sawal la giled’a 71:18

Alo mana, an djeng wa mamara, yan deî wa abusa, ang aran dei d’i tala an tak ad’eng manga mi suma kur atchogoi d’a wanda, an tak sib’ik manga mi suma kur atchogoi d’a nga d’i mbad’a mi d’a.

Sawal la giled’a 48:13

Agi tid’igi nguyugi gulumun ma Siyon-na, agi ndumugi azì mam ma fiyak ma ndjola.

Ester 9:28

A nga ngom bur ma vun til máma, kur atchogoi d’a lara ge pet, kur azina hi sama lara ge, kur azì ma ngol ma lara ge pet mi. Bur ma Purim-ma ni burâ hi Juif-fâ ma bei ara ba na, mi arî vama ge humba kazi kandjavazi gak didin.

Gat ta a hat á mbàd’id’a 4:10

Agi djib’eregi yam bur ma agi tchologi avok Ma didina Alo magina yam ahina d’a Horep-pina. Ata yi máma Ma didina mi dan ala: Ang togonï suma; an min ala a hum zla manda tala azi hat á lan mandaran burâ ki burâ yam andagad’a ka hî, a had’at mi grozina mi d’a.

Buzuk ka Abud’a 10:2

Ni kayambala ang mba de zla ndata woi mi grongâ ki grong ngolona ala ni nana ba, an ngop Ezipte-na kahle suma simat suma an lazi adigazina ge? Ni hina ba, agi mba wagi ala an ni Ma didina.