Sawal la giled’a 78:59 - Bible azumeina

⁵⁹ Alona mi we hina wani, hurum zal ataziya, mi golozi is.

Sawal la giled’a 78:59 Referans Kwoze

Sawal la giled’a 106:40

Ma didina hurun zal yam sum mama, mi gol sumala ni djo mama na is.

Zakari 11:8

An dik suma pol suma hindina woi kur til ma tuna, an ve nga tan kazi d’i. Azi tazi a golon an ni vama ndjendjed’a mi.

Hor ma tchina 2:7

Salad’a mi gol yi mam ma ngal ahle suma ngat buzuna is, mi noî yi mam ma a tinim iram vama woyo, mi he gulumun ma amula hi Siyon-na abo ma djangûna. Suma djangûna a nga siwel kur gong mamba d’igi suma a siwel adjeu kur bur ma vun tilâ na.

Sawal la giled’a 11:4

Ma didina mi nga kaka kur gong mam mba kud’ora; zlam mam mba amula sä tinda akulo. Mi nga mi gol suma yam andagad’ina, mi nga mi wahle suma azi nga lazina.

Gat ta a hat á mbàd’id’a 32:19

Ata yima Ma didina mi we grom suma andjofâ ki grom suma aropma a nga lazama, mi noyôzi woi mi.

Sunda hi suma hi Levi-nid’a 26:44

Wani fata an mba ni izi kur ambasa hi mazi suma djangûnid’a, an mba ni arazi woi ki iran fafat ti, an mba ni golozi is gak mba ni dabazi woi d’i, an mba ni but vun man ma djin ma an djinim ki sed’ezina woi d’uo mi, kayam an ni Ma didina Alo mazina.

Sunda hi suma hi Levi-nid’a 20:23

Andjaf suma an nga ni digizi woi avorogi wana, agi tid’igi yam gat mazid’a d’i, kayam ni yam sun nda tcho d’a hina d’a ba, an mbud’uzi huyogon wana.