Sawal la giled’a 77:2 - Bible azumeina

² An nga ni tchi yam Alona ki delen akulo, an nga ni yAlona akulo, kayam mi tin humam mi humunu.

Sawal la giled’a 77:2 Referans Kwoze

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.

Ad’u Tinda 37:35

Ata yima grom suma andjofâ ki suma aropma pet a mba á hal á b’lengêm huruma, mam min nga d’i, mi dala: An mba ni i gen gorona azulei kä ni ki yor tad’a; nga mi tchi hora goroma.

Isai 26:9

Andjege an nga ni halangû, an nga ni halang kurun krovo mi, kayam me, ata yima ang nga ka sariyad’a yam andagad’a ka hina, suma a nga hat á tit tit ta d’ingêra.

Isai 26:16

Ma didina, ata yima ami nga kur ndakina, ami halangû, ata yima ang ngobomina, ami tcheneng ala ang ndjunumiya.

Hebre-na 5:7

Kid’a Jesus mi nga yam andagad’id’a, mi tchen Alo ma mi ndak á sud’um mbei abo matnina tchen nda hud’a, mi tchi ki simina iram mi. Alona mi humumu, kayam mi ge yam kä ad’umu.

Wana ni mbaktumba hi Oze-d’a 5:13

Suma Efraim-ma a we tugud’ei mazid’a, suma Juda-na a we mbil mazina. Suma Efraim-ma a ge sunda ata amul ma ngol ma Asiri-na. Wani amul máma mi nga kad’enga á sud’uzi d’oze a hazi kumana yam mbil mazina d’uo mi.

Jeremi 31:15

Ma didina mi dala: A hum dela avo Rama. Ni hor ma tchina, ni tchi ma hat hurâ mi. Rachel nga d’i tchi yam grotna, ti noî b’leng hur ma suma a b’lengêt tchina yam grotna, kayam a bo da’.

Jean 11:31

Juif suma a nga kak kä gevet avo hatat á yorotna, a wat kid’a ti tchol atogo zak ti ndabud’a, a i ad’ud’u, a djib’er ala: Ti i ni sä hî yam asud’a á tchina.

Wana ni mbaktumba hi Oze-d’a 6:1

Agi mba dagi ala: Agi mbeyegïya, ei hulongeî gen Ma didina. Mam ma kizagei mbuleinina, mba mi tchiliya, mam ma toina, mba mi djini mbiliya.

Zla d’a d’ogolâ 18:14

Ve tad’a hi sanid’a ti ndak á ndjunum kur tugud’ei mamba, wani le ve tad’a ti nga d’uo ni, ni nge ba, mba mi tcholom akulo ge?

Sawal la giled’a 86:7

Ata yima an nga kur ndakina, an yangû, kayam ang mba humunu.

Sawal la giled’a 63:6

An mba ni hop pei kahle suma djivina d’igi te ma djivi ma mbulâ na, an mba ni le furîd’a, an mba ni gileng mi.

Sawal la giled’a 18:6

Ziyona hi yima azuleinina mi nguyun wa, dauna hi matnina mi nga gunda kä avoronu.

Wana ni mbaktumba hi Job-pa 11:13

Wani le ang min hurung woi djivid’a tetet, le ang mat abong mAlona,

2 Sunda Hamuleinid’a 6:28

Fata baktarad’a ti nde yam andaga ndata, d’oze tugud’ei d’a tcho d’a tchi matna ti nde, d’oze ahlena a nga so abo huwaka akulo kaseziya, d’oze teb’rezena ki djera a mba adesâ adesâ, d’oze suma djangûna a nga djop vun Israel-lâ, a nga lazazi gak kur aziyazi ma ad’eng ma ngunguna, d’oze le b’lak ka lara ti mba, d’oze tugud’ei d’a lara pî,

Ad’u Tinda 32:28

Sa máma mi hulong dum ala: A dok yang ala Jakob puo d’a, wani a mba yang ala Israel. Kayam ang ndjiget kAlona ki sumuna, ang kuza.

Sawal la giled’a 55:17

Wani an nga ni yAlona; Ma didina mi sud’unu.