Sawal la giled’a 77:18 - Bible azumeina

¹⁸ D’ugula nga d’i se mbina kûkû, d’ugula nga d’i breî mi. Gagazi, wile manga nga d’i djang kikilir ata yina pet d’igi yeûd’a nga d’i djang na.

Sawal la giled’a 77:18 Referans Kwoze

Sawal la giled’a 97:4

Wile mamba ti b’o yam duniyad’a, andagad’a ti wad’u, ti nga d’i zlaga.

Vama ndum mbeina 11:19

Ata yi máma, a mal vun gong nga kud’ora hAlona d’a akulod’a woyo, a we zanduk ma vun ma djinda hAlonina mi nga tinda kur gong mamba. Ata yi máma, alona mi wile, dela ti de zlad’a, alona mi breyâ, andagad’a ti yira, alona mi se mogoina ngola mi.

2 Samuel 22:14

Ma didina mi breî ei akulo d’igi alona mi breî na, Ma kal teglesâ delem nga d’i zla ngungur.

Vama ndum mbeina 20:11

An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.

Vama ndum mbeina 18:1

Bugol ahle ndazina, an we malaika ma dingâ mi tcholï akulo, mi tchugï asem kä. Mi nga kad’enga ngola, wile mamba ti b’o yam andagad’a pet.

Matiye 28:2

Atogo hina zak, andagad’a ti yir ngola, kayam malaikana hi Salad’ina mi tcholï akulo, mi mba, mi ligat ahinad’a woyo, mi kak kad’u.

Matiye 27:51

Gola! Baru d’a ka ir ra kur gong nga kud’ora hAlonid’a ti haû woi aduk mbà tcholï akulo dei gak ti tchuk kä, andagad’a ti yira, ahuniyôna a wak kei mi.

Habakuk 3:4

Wile mamba ni d’igi b’od’a hafatid’a na, wile ndata ti tcholï nabomu. Nata yi máma ba, ad’eng mamba nga ngeid’a kua.

Sawal la giled’a 104:7

Kid’a ang ngobomba, mi ringâ, mi b’at tam á ring abo breî manga.

Sawal la giled’a 18:7

Kur yor ta manda, an yi Ma didina, an tchi yam Alo mana. Ata yam ma kaka mi humun delen kur gong mamba, tchi mana mi ndeza humamu.

2 Samuel 22:8

Ata yima hurum zalâ, andagad’a ti yir gigidji, ti giget mi; ad’u ged’a hakulod’id’a ti yira, andagad’a kakulod’a a giget mi.

Suma ka sariyad’a 5:4

Ma didina, kid’a ang nde woi Seir-ra, kid’a ang mbeï hur ful ma Edom-mid’a, andagad’a ti yira, akulod’a ti lau woyo, d’ugula ti tchugul mbina mi.

Buzuk ka Abud’a 19:18

Andosâ mi rip yam ahina d’a Sinai-d’a ririp, kayam Ma didina mi tchugï asem kä aduk akud’a. Andos máma mi tchol akulo d’igi andosâ halam mba ngolina na, ahinad’a ki zla tat pet ti giget ngola.

Buzuk ka Abud’a 19:16

Kur bur ma hindina ki yorogod’a, d’ugul la wura d’a i’îlika ti nga yam ahina d’a Sinai-d’a, alona mi wile mi breî mi. Adifa tchi ad’enga, suma pet suma a nga kur kangîna a nde zlaka.

Sawal la giled’a 18:14

Ma didina mi breî ei kur akulod’a, ma sä akulo ma kal teglesâ delem nga d’i zla ngungur, mogoina kakud’a ki gordjona a yak kä.

Sawal la giled’a 18:15

Mi yet mam suma djangûna ki yeû mamba, mi b’rawazi woyo; wile mamba ti ndjoyôzi woi vivreng.