Sawal la giled’a 77:14 - Bible azumeina

¹⁴ Alo mana, sun mang nga led’a ni vat zenen, nalo ma lara ba, mi ngola d’igi ang na ge?

Sawal la giled’a 77:14 Referans Kwoze

Sawal la giled’a 136:4

Mam tu ni sama lahle suma nglo suma ndandalîna, kayam o mamba nga d’i dap pi.

Daniel 6:27

Ni ma nga mi sut sana, ni ma nga mi prud’um mbei mi na. Ni ma nga mi lahle suma simata kahle suma atchapma sä kur akulod’a, ka hî yam andagad’a mi na. Ni ma sut Daniel lei avun azlonina mi.

Buzuk ka Abud’a 15:11

Ma didina, ni nge ba, aduk alo ma tetengâ d’igi ang na ge? Ni nge ba, ma kal papa ma yed’et ma kal tegles ma ndak á hud’a ma lahle suma ndandalâ d’igi ang na na ni nge ge?

Sawal la giled’a 72:18

Ar ei suburi Ma didina Alo meina, Alona hi Israel ma tu ma ndak á lahle suma atchapmina!

Buzuk ka Abud’a 13:14

Fata grogina a mba djobogi avin ala: Ad’u zla ndata nana ge d’a, agi mba dazi ala: Ni Ma didina kad’eng mamba ba, mi buzugumï woi kur Ezipte kur yima a lami magomba kuana.

Isai 51:9

Ma didina, ang zlit akulo atogo zak kad’eng manga, ang zlit akulo d’igi ang zlit adjeu kur atchogoi d’a kal lei dedeid’a na. Ni ang ba, tchi ambur ma Ezipte-na, ang tchok ambur ma a yum ala Dragon ma kur alum ma ngolîna mbilâ mi d’uo zu?

Vama ndum mbeina 15:3

Azi nga hle sawala hi Moise azongâ hAlonid’a ki sawala hi Gor timinid’a ala: Salad’a Alo ma ad’engêm kal petna, sun manga ni sun nda ngol la kal papad’a. Amulâ handjaf sumina, nga hur mangâ ni d’ingêr gagazi.

Buzuk ka Abud’a 15:6

Ma didina, abong ma ndjufâ mi tak ad’eng manga woyo. Ma didina, abong ma ndjufâ mi hahl mang suma djangûna woyo.

Daniel 3:29

Wana ni vun man ma he ma an hum ki tchetchembina: Sama lara ma aduk suma d’oze ma aduk andjaf suma d’oze ma ad’u vun ma ded’a teteng ma mi de zla d’a tchod’a yam Alona hi Sadra’â yam Alona hi Mesa’â yam Alona hi Aben-Nego-nina, ar a kizagam mbeyo, ar aziyam mi mbut djona! Kayam alo ma ding ma ndak á prut sana woi d’igi Alo mazina na na nga d’i.

Isai 52:10

Ma didina mi tak abom ma bei tchod’ina woi ir andjaf suma pet. Suma avun dabid’a handagad’ina pet a mba we suta hAlo meinid’a.

Sawal la giled’a 106:8

Wani mi sud’uzi woi yam simiyêm á tak ad’eng mamba woyo.

Sawal la giled’a 86:10

Angî Ma ngol ma kal papana, ang le sun nda atchapa, ang tu nAlona.

Sawal la giled’a 105:5

Agi andjafâ hazong mama Abraham-ma, agi andjafâ hi Jakob ma mam manama, agi djib’eregi yam sun mam mba ndandal la mam lata, yam ahle suma yoyouna ki sariya d’a nga mi kata mi.

Sawal la giled’a 68:25

Alo mana, Amul mana, suma pet a we mba mang nga ei ata yima kus ayînid’a, a we kal mang nga kur gong mang nga kud’orid’a mi.