Sawal la giled’a 77:13 - Bible azumeina

¹³ An nga ni djib’er yam sun nda teteng nga ang lata, an nga ni de kurun teteu yam sun nda nglo d’a ang lata.

Sawal la giled’a 77:13 Referans Kwoze

Sawal la giled’a 73:17

gak bur ma an kal kur gong mang nga kud’orina. Ata yi máma an wäd’u dabid’a hi suma asa’atnid’a.

Buzuk ka Abud’a 15:11

Ma didina, ni nge ba, aduk alo ma tetengâ d’igi ang na ge? Ni nge ba, ma kal papa ma yed’et ma kal tegles ma ndak á hud’a ma lahle suma ndandalâ d’igi ang na na ni nge ge?

Isai 40:25

Ma bei tchod’a ba na mi dala: Agi ngan ndi ni ki nge ge? An hle tan ni ki nge ge?

Gat ta a hat á mbàd’id’a 32:31

Kayam ahina mazi d’a ndjunda nga d’igi an Ahina d’a ndjunda hi Israel-lîd’a na d’i, mazi suma djangû tazid’a pî, a we na mi.

Sawal la giled’a 63:2

Alona, angî Alo mana, an nga ni halangû, zlang nga d’i lanu, an nga ni hat hurun kang d’igi andaga d’a so d’a mbiyona nga mi ndagat tuo d’a na.

Sawal la giled’a 27:4

An nga ni tchen Ma didina yam vama an nga ni halam ki hur ma hatina: Nala, an min kak kur gong nga kud’ora hi Ma didinid’a teteu gak mat mana á gol subur mamba, á gol gong mam mba kud’ora ki furîd’a mi.

Isai 46:5

Agi ngan ni ki nge ba, ami mba ndjagami tu ge? Agi ndjagan ni ki nge ba, ami mba ndjagami abo tami tu ge?

Isai 40:18

Agi min á ngagi Alona ni ki me ge? Angus vama tchet ma vragam blangâma ni me ge?

Sawal la giled’a 86:8

Salad’a, alo ma ding ma d’igi ang na na nga d’i, sun manga a nga ngat ki ndrat ti.

Sawal la giled’a 71:19

Alo mana, d’ingêr manga ti kal akulo gak hur alona, kayam ang lahle suma nglo suma kal papana. Alo mana, ni nge ba, a mba ngam ki ang nge?

Sawal la giled’a 68:25

Alo mana, Amul mana, suma pet a we mba mang nga ei ata yima kus ayînid’a, a we kal mang nga kur gong mang nga kud’orid’a mi.

Sawal la giled’a 105:2

Agi hlagizi sawala, agi gilem ki sawala, agi dagi woi yam sun mam mba ndandala mi.

Sawal la giled’a 119:27

Ang had’an á wäd’u gat manga; an mba ni de woi yam ahle mang suma ndandalâ.