Sawal la giled’a 76:6 - Bible azumeina

⁶ Suma dur ayî suma ad’engâ, a hurumuziya wa, azi pet a bur wa sen ma ki irazi fafatna. Suma dur ayî ndazina, ad’engêzi d’a dur ayîna nga d’uo d’a.

Sawal la giled’a 76:6 Referans Kwoze

Buzuk ka Abud’a 15:1

Ata yi máma Moise azi ki Israel-lâ a hle sawal la wanda mi Ma didina, a dala: An mba ni hle sawala á gile Ma didina, kayam me mi tak ad’eng mam mba kal teglesa woi abua. Mi tchuk akulumeina ki suliyozina kä kur alum ma ngolâ.

Buzuk ka Abud’a 15:21

Miriyam ti hulong dazi ala: Agi hlagi sawala á gilegi Ma didina, kayam me mi tak ad’eng mam mba kal teglesa woi abua, mi tchuk akulumeina ki suliyozina kä kur alum ma ngolâ.

Ezekiyel 39:20

Agi mba hobogi ki te ma yam tabul manina ki hliwa akulumeina ki hliwa azigar suma a ndjangâzina ki hliwa azigar suma gangrangâ ki hliwa azigar suma arâ pet mi. An Salad’a Ma didina ni de na.

Sawal la giled’a 80:16

Ang ngom vama ang pum kabong ma ndjufîna, ang ngom gor ma ang tang hum ad’engina mi.

Zakari 12:4

An Ma didina nga ni dagiya: Kur bur máma an mba ni mbut akulumeina lilid’a pet, an mba ni gurut suma a djangâzina woi mi. Wani an mba ni tin iran ni yam suma Juda-na, an mba ni duk ir akulumeina handjaf suma dingîna woyo.

Nahum 3:18

Ang amul ma Asiri-na, mang suma nglo suma avok sumina a bo wa, grang mang suma durâ a bur wa sena ki irazi fafat. Sum mangâ a ndjoî wa woi yam ahuniyôna, sama mi togozina nga d’i.

Nahum 2:13

Azlona nga mi ve, nga mi kizak vama mi vuma mazlod’a ki grot suma gureina, nga mi oî domi mama ki hliwa vama mam vum mi kizagam mbeina mi.

Nahum 1:6

Ni nge ba, mba mi tchol avorom ata yima hurum zalâ ge? Ni nge ba, mba mi tchol avok ayî mam ma bibiliuna ge? Hur mam ma zala nga mi ngal d’igi akud’a na, nga mi to ahuniyôna woyo.

Jeremi 51:57

An mba ni gurut mat suma nglona, mat suma ned’a, mat suma te yamba, mat suma nglo suma ka sariyad’a ki grang matna. Sum ndazina a mba bur sen ma ki irazi fafatna, a mba zlit akulo d’uo d’a. An amul ma simiyên ala Ma didin ma ad’engên kal petna na ni de na.

Jeremi 51:39

Fata d’od’oka lazid’a, an mba ni lazi te ma luna, an mba ni gurud’uzi woi ki süma, kayam azi le furîd’a. Bugola, a mba bur sen ma ki irazi fafatna, a mba zlit akulo d’uo d’a! An Ma didina ni de na.

Isai 37:36

Malaikana hi Ma didinina mi mba kur kangâ hi suma Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

Sawal la giled’a 104:7

Kid’a ang ngobomba, mi ringâ, mi b’at tam á ring abo breî manga.

Sawal la giled’a 18:15

Mi yet mam suma djangûna ki yeû mamba, mi b’rawazi woyo; wile mamba ti ndjoyôzi woi vivreng.

2 Samuel 10:18

wani a wet ringâ abo Israel-lâ. David mi tchi azigar mazi suma a nga ki pus ma dur ayînina kikis kid’iziya, mi tchi suma djang akulumeina 40.000, mi ge Sobak ma ngolâ hi azigar mazinina mbilâ; mi mit ata yi máma wat.

1 Samuel 26:12

David mi hlasapa ki gugur ra mbina suma a nga tinda kama, a iya. Sa mi wazi nga d’i, sa mi we nga ad’u ahle suma a lena d’i, sa tu pî mi zlit nga akulo d’uo mi, kayam azi ki zla tazi pet Ma didina mi buruzi sen ma ngolâ.

Buzuk ka Abud’a 15:10

Ma didina, ang fo simet ma avunangâ; alum ma ngolâ mi hlubuzi kä! Azi sir kä d’igi lomba na aduk mbiyo ma d’id’ilima.

2 Amuleina 19:35

Kur andjege ndata malaikana hi Ma didinina mi kal kur kangâ hi Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

2 Sunda Hamuleinid’a 32:21

Ata yi máma Ma didina mi sunï malaikana tu, mi dap suma gangrangâ ki suma nglona ki suma avok suma woi tchid’a kur kangâ hamul ma Asiri-nina. Ata yi máma amul ma Asiri-na mi hulong yam ambas mamba ki zulona, mi kal kur gong nga kud’ora halo mamid’a. Ata yi máma grom suma vuta a tchum ki mbigeu d’a fiyaka.