Sawal la giled’a 74:2 - Bible azumeina

² Ang djib’er yam mang suma ang guzuzi adjeu dedeina, ang djib’er yam andjaf sumala ni mang suma ang hlazi djona na, ang djib’er yam Siyon ndala ni yi mang ma kaka d’a.

Sawal la giled’a 74:2 Referans Kwoze

Jeremi 10:16

Wani ma ala ni ndjondjoîd’a hi Jakob-pa na, mi nga na d’i. Mam mi ma ad’engêm kal petna, Israel-lâ ni sum mama mi. Simiyêm ala Ma didin ma ad’engêm kal petna.

Gat ta a hat á mbàd’id’a 32:9

Wani b’raud’a hi Ma didinid’a ni Israel-lâ, andjafâ hi Jakob-ma ni djo mama.

Buzuk ka Abud’a 15:16

Vunadigazi mba d’i pat fek, mandarâ mba mi lazi ngola. Yam ad’eng mang nga ang tagat teid’a, azi mba ngel lei d’igi ahinad’a na gak sum mangâ a mba kal tua, gak suma ang prud’uzi woina a kal tua mi.

Buzuk ka Abud’a 15:13

Yam we hohou manga, ang tin mang suma ang prud’uzi woina; yam ad’eng manga, ang nga izi ata yi mang ma ang tinim iram vama.

Sawal la giled’a 135:4

Kayam Ma didina mi man Jakob, mi tin Israel mi ka’î mama.

Gat ta a hat á mbàd’id’a 4:20

Wani agiya, Ma didina mi yogi mi buzugugï woi kur aku d’a für ra kaweina hi Ezipte-nid’a kayambala agi kagagi ni sum mama d’igi agi nga ini na d’a.

Vama ndum mbeina 5:9

Azi nga hle sawal la awilid’a ala: Ang ndak á hle mbaktum ndata, á hô dubang máma woi mi. Kayam a tchang adjewe. Ang gus suma mAlona ki buzuwang ad’u andjafâ pet, ad’u vun ma ded’a pet ki suma pet, ad’u andjaf suma teteng pet mi.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

Sunda hi suma a sunuzinid’a 20:28

Agi gologi tagi djivi kadesâ hi suma pet ma Muzuk ma bei tchod’a ba na mi tinigi kam á polina. Agi pologi suma toka hAlona d’a mi guzut ki buzuna hi Goromid’a.

Jeremi 51:19

Wani ma ala ni ndjondjoîd’a hi Jakob-pa na, mi nga na d’i. Mam mi Ma ad’engêm kal petna, Israel-lâ ni sum mama mi. Simiyêm ala Ma didin ma ad’engêm kal petna.

Isai 63:17

Ma didina, ni kayam me ba, ang arami ami vid’imi woi hina dei ki gat manga ge? Ni kayam me ba, ang b’alami hurumi hina kiki á lang mandarang nge? Ang hulongî yam azungeî mangâ, yam andjaf ma ang tum djonina mi.

Isai 63:9

Kur ndak mazid’a pet mi sun nga sama ding á ndjunuzi d’i, wani ni mam tamba ba, mi sud’uziya. Kur o mamba ki we hohou mamba mi ndjunuziya, mi hlanek mazid’a kamu, mi zizi akulo ahlabam kur tit mazi d’a fiyaka pet mi.

Isai 62:12

A mba yagi ala Suma a tinizi irazi vazina, a mba yagi ala Suma Ma didina mi tchuguzi akulona. Ndak Jerusalem, a mba yak ala Azì ma ngol ma a aram mbeina d’uo d’a, wani a mba yak ala Ta a le kat heîd’a.

Isai 51:11

Ni hina ba, suma Ma didina mi prud’uzi woina, a mba hulongîya, a mba mba kur Siyon ki sawal la bangâna. Furî d’a didinda mba d’i mbut navaval la kazid’a, a mba le hur ma hapma ki furîd’a. Hur ma wurana ki zam tad’a a mba kal lei mi.

Sawal la giled’a 106:40

Ma didina hurun zal yam sum mama, mi gol sumala ni djo mama na is.

Sawal la giled’a 77:15

Angî Alo ma lahle suma atchapmina, ang tak sib’ik manga woi aduk andjaf suma dingâ mi.

Sawal la giled’a 68:16

Ahina d’a Basan-nda nahinad’a hAlonid’a, ahina d’a Basan-nda nahina d’a yat ta fuyogeid’a ablaud’a heîd’a.

Sawal la giled’a 33:12

Andjaf suma Ma didina nAlo mazinina a le furîd’a; suma mi manazi d’igi djo mama na na a le furîd’a mi.

Sawal la giled’a 9:11

Ma didina, suma a wang simiyêngâ, a nga deng tazi atangû, kayam ang nga ar suma a halangâ woi d’i.

Gat ta a hat á mbàd’id’a 9:29

Hina pet pî, azi ni mang suma ang tazi djonina, ni suma ang buzuguzï woi avo Ezipte ki sib’ik mang nga kal teglesa ki bigang nga nga zid’a kang akulo zid’ina.

Gat ta a hat á mbàd’id’a 9:26

An tchen Ma didina ala: Salad’a Ma didina, ang b’lak mang suma ang tazi djona suma ang tchuguzi akulo kad’eng manga suma ang buzuguzï woi avo Ezipte kabong ma sib’ikina woi d’i.

Sawal la giled’a 9:12

Agi gagi sawala ki simiyê Ma didin ma nga kaka kur Siyon-na, agi dagi sun mam mba ngol la mi lata woi aduk suma.

Sawal la giled’a 94:14

Kayam ang nga ar sum mangâ woi d’i, ang nga noî mang suma ang tazi djonina woi d’uo mi.

Isai 62:6

Ndak Jerusalem, an tin wa suma ndjola yam gulumun ma’â. Azi mba ba vunazi falei d’oze andjege d’i; agi suma nga gagi hum Ma didina yam ahle suma a le ki Jerusalem-mina, agi tugugi tagi d’i.