Sawal la giled’a 74:19 - Bible azumeina

¹⁹ Ar ang he mang suma ang hurung vazi heîna abo suma tchona d’i, ar ang mar yam mang suma hohoud’a d’uo mi.

Sawal la giled’a 74:19 Referans Kwoze

Sawal la kal teglesa 2:14

Gugu manda, ndak ka nga kaka angra ahinad’id’a, ndak ka nga ngei d’a kä ata yima ligitimid’a, ar an wak iragu, ar an humuk delegu, kayam delek ki djivid’a, irak ki djif heî mi.

Matiye 10:16

Jesus mi dazi kua ala: Gola! An sunugi ni d’igi tumiyôna na aduk ngûna. Agi kagagi ki ned’a d’igi guguyona na, agi kagagi kukud’uk d’igi gugud’a na mi.

Sawal la giled’a 9:18

Ar suma asa’atna a i ata yima azuleina, nala, andjaf suma bei wAlo ndazina pet suma a mar rei yam Alonina.

Sofoni 3:12

An mba ni ngom suma lulumana ki suma hou suma kuruk suma a nga hal yima ngeid’a atana.

Isai 60:8

Ni suma lara ba, a nga tit hina hitirizik d’igi d’ugula na d’oze d’igi gugud’a ti pir ti i kur aziyat na ge?

Sawal la kal teglesa 4:1

Mi dala: Ndak ka an le kak heîd’a, ndak ki djif heî, ndak ki djif heî. Irak ki djifâ krovo kur baru d’a zlupa kaka ni d’igi gugud’a na. Tumus sa kaka ti ni d’igi ades b’ogei suma a nga i sulugota kä yam ahina d’a Galät-tina na.

Sawal la giled’a 72:2

Ar mi ka sariyad’a yam sum mangâ ki d’ingêra, yam mang suma hohoud’a ki gagazid’a mi.

Sawal la giled’a 68:13

A dala: Amuleina ki b’rang mazid’a a ringâ. A ringâ, wani atcha d’a ti ar kaka avo hurazinid’a, ti nga d’i b’rau ahle suma a hurumuzïna.

Sawal la giled’a 68:10

Ang Alona ang se alona ngola yam andaga d’a ang hle vunang kata, ata yima ti nga d’i wul awuna d’uo da na, ang mbud’ut tub’ad’a.

Sawal la kal teglesa 6:9

Wani gugu manda, ti ni vat tu. Ndjondjoî manda, ti nabo asut vat tu, ni d’a ta vud’uta ti le kat heîd’a. Yuguneina a golod’u, a nga dala: Ar va mi lak ki! Aropma hamulîna kamiyôm suma gureina a nga gilet mi, a nga dala:

Sawal la giled’a 10:12

Ma didina, ang tchol akulo, Alona, ang ndjunumiya, ang mar yam suma hohoud’a d’i.