Sawal la giled’a 74:1 - Bible azumeina

¹ Ni sawal la gile d’a Asaf mi hlata. Alo mamina, ni kayam me ba, ang arami woi ki irang hina fafat ke? Ni kayam me ba, hurung zal ata ami tumiyô mang suma ang nga polomina na ge?

Sawal la giled’a 74:1 Referans Kwoze

Gat ta a hat á mbàd’id’a 29:20

Ma didina mba mi vat hurum mbei kam mbi. Hurum mba mi zal kamu. Vun ma ge ma a b’irim kur mbaktum mba wandina pet, Ma didina mba mi gumziya, mba mi tchum simiyêm mbei yam andagad’a.

Sawal la giled’a 100:3

Ar agi wagi ala Ma didina nAlona. Mi lei ni mamu, ei ni sum mama, ei nades tumiyô mam suma mi poleina.

Sawal la giled’a 79:13

Hina wani, ami mang suma ang polomi d’igi tumiyôna na na, ami mba gileng burâ ki burâ, ami mba dami woi yam subur manga kur atchogoi d’a lara ge pet mi.

Sawal la giled’a 95:7

Kayam mam mi Alo meina, ei ni suma mi poleina, ei nades tumiyô mam suma mi ngomeina. Ini agi humugi zla d’a mi data. Mi dala:

Sawal la giled’a 44:9

Ami nga suburung burâ ki burâ, ami mba gileng simiyêng gak didin. Tchol ndjö.

Wana ni Zla d’a Djivi d’a Luc mi b’irita 12:32

Jesus mi had’azi kua ala: Agi ades ma gorâ, ar agi lagi mandar ri, kayam ni djivid’a ir Abugi á hagi leu mamba.

Ezekiyel 34:31

Salad’a Ma didina mi dala: Agi tumiyô mana, agi tumiyô suma kur yi man ma te hatnina, agi ni suma wurana, an nAlo magina mi.

Jeremi 31:37

Ma didina mi de kua ala: Ladjï sana mi ndak á nga fiyak ka akulod’a d’oze mi fek ad’u ged’a handagad’id’a ni, an pî ni mba mi tchuk andjafâ hi Israel-lîna woi yam tcho d’a azi lata na mi.

Jeremi 23:1

Ma didina mi dala: Ni zla d’a hohoud’a yam suma pol suma tcho suma a nga pol tumiyô mana a nga b’lagazi woi a nga ndjoyôzi woina.

Sawal la giled’a 79:5

Ma didina, ang hurung mba zal kami hina gagak mindja ge? Ang hurung mba zal kami ni d’igi akud’a ti ngal yina na zu?

Sawal la giled’a 77:7

Kur andjeged’a an nga ni djib’er yam sawal manda, an nga ni dugud’ot kurun krovo, muzugan nga mi fek ad’u ahle ndazina ala:

Sawal la giled’a 42:11

Tan tchuk wa susub’ok, ata yima man suma djangûna a nga mbud’un zulona ki zla mazi d’a ded’a burâ ki burâ ala: Alo mangâ, mi nga ni lara ge d’a.

Ezekiyel 34:8

An Salad’a Ma didin ma bei matna ba na ni dala: Tumiyô mana a nga hurumuziya. Azi mbut ni vama vika hamburei suma abageina yam tchod’a hi suma polid’a. A nga djib’er yam timi man tu d’i, kayam azi polî azi tazid’a gogo, a nga pol tumiyô mana d’i.

Sawal la giled’a 78:1

Ni sawal la gile d’a Asaf mi hlata. Agi sum mana, agi humugi hat manda, agi tinigi humagi humugi zla d’a avunanda.

Sawal la giled’a 60:10

Mowap nangot man nda mbus tanda, Edom ni yima an tchuk atuguru mana kuana. Filistê-na a mba hle sawal la kus ayîna kanu.

Sawal la giled’a 60:1

Ni sawal la gile d’a David mi hlat mi hat mi ma ngolâ hi suma hle sawala á hat ki sumid’a.

Sawal la giled’a 42:9

Ma didina, ang tagan djivi manga faleya, ar an hle sawal manga andjege á tcheneng ang Alo ma han arid’ina.

Sawal la giled’a 18:8

Ata yima hurum zalâ, andagad’a yir gigidji, ti giget mi; ad’u ahuniyôna pet a yira, a giget mi.

Sawal la giled’a 10:1

Ma didina, ni kayam me ba, ang tchol sä woi hina dei ge? Ni kayam me ba, ata yima ndaka nga na ang ngei tang nge?

Buzuk ka Abud’a 32:11

Wani Moise mi tchen Ma didina Alo mama ki hud’a, mi dum ala: Ma didina, ni kayam me ba, hurung zal ngola ata mang suma ang pad’azï woi kur ambas sa Ezipte-d’a kad’eng mang nga ngola ki sib’ik mangina ge?

2 Amuleina 21:14

An mba ni noî man suma a arâ woyo, an mba ni hazi abo mazi suma djangûna, a mba hurumuziya, a mba yozi ahle mazina pet mi.

Sawal la giled’a 50:1

Ni sawal la Asaf mi hlata. Ma didina Alo ma yam alona petna, mi de zlad’a, nga mi yï suma yam andagad’ina ei abo ma yorogona dei gak abo ma fladegena.

Sawal la giled’a 77:8

Na ni Salad’a mi arei ni woi ki iram fafat tchu? Mba mi wei hohowei kua d’uo zu?

Sawal la giled’a 80:5

Ma didina, Alo ma ad’engêng kal petna, ang hurung mba zal hina gagak mindja á hulong humba mi sum mangâ ge?

Sawal la giled’a 85:6

Ang nga zalî hurung kami hina gagak su? Hur ma zal mangâ i navok hina gak kur atchogoid’a katchogoid’a zu?

Isai 64:8

Ma didina, ar hurung zal kal lei kang ngi, ar ang djib’er yam tcho mamid’a teteu d’uo mi. Ar ang wami ala ami pet ni sum mangâ.

Hor ma tchina 5:22

Na ni ang arami ni woi ki irang fafat tchu? Kur hur mang ma zala, ang noyômi ni woi ki irang fafat mi zu?