Sawal la giled’a 73:25 - Bible azumeina

²⁵ An nga ni ki nge ma ding sä akulo ge? Ni ang tu d’uo zu? Ata yima an nga ki sed’engâ, an nga ni le furîd’a yam vama ding ka hî yam andagad’a d’i.

Sawal la giled’a 73:25 Referans Kwoze

Filip-ma 3:8

An gol ahle ndazina pet ni d’igi vama hawana na, wani vama djivi ma kal tegles ma an halama ná we Jesus Christ Salana, mam ma an ar ahlena woi pet kama. An gol ahle ndazina pet ni d’igi siligitna na á fe Christ,

Sawal la giled’a 16:2

An nga ni de mi Ma didina ala: Angî Salad’a ma kal teglesâ; an nga ki vama djivi ma kalang angâ nga d’i.

Sawal la giled’a 63:3

Kayam ndata, an nga ni golong kur gong mang nga kud’ora á wad’eng manga ki subur manga.

Sawal la giled’a 16:5

Ma didina, te mana ki tche manda a tcholï natangû, ni ang ba, nga ngom yi man ma kaka.

Matiye 10:37

Sama le yam abum mboze asum kalan ana, mi ndak nga sa mana d’i. Sama le yam goroma d’oze goromba kalan ana, mi ndak nga sa mana d’uo mi.

Sawal la giled’a 104:34

Ar djib’er manda ti lang tang djivid’a. Ma didina, an min le furîd’a kangû.

Sawal la giled’a 37:4

Ang le furîd’a yam Ma didina, mam mba mi hang vama hurung minima mi.

Sawal la giled’a 89:6

Ma didina, ar ahle suma ang lazi sä kur akulod’ina a gileng yam sun nda atchap pa ang lata, ar mang suma akulona a gileng d’engzeng manga kur tok mazid’a mi.

Sawal la giled’a 43:4

Hina wani, an mba ni i ata yi mang ma ngal ahle suma ngat buzuna gen ang Alo man ma furîd’a ki hur ma hapma. Ang Alo mana, an mba ni gileng kadingâ.

Sawal la giled’a 16:11

Ang mba tagan lovot ta i kur arid’id’a; furî d’a ngola sä navorongû, zlezleû d’a bei dabid’a nga ni yam bigang nga ndjufa.

Vama ndum mbeina 21:3

An hum del la ngola ti tcholï akulo ata yima zlam mba amula ti dala: Ki tchetchemba, yima kaka hAlonina mi nga aduk suma, mba mi kak ki sed’eziya, azi mba mbut sum mama. Alona tamba mba mi kak ki sed’eziya, mam mba arî Alo mazina.

1 Jean 3:2

Buniyôn suma od’a, ki tchetchemba, ei nAlona groma. Ei wei nga d’uo tua ei mba mbud’i ni nana, wani ei wei ala fata Christ mi nde woid’a, ei mba mbud’i dedege d’igi mam na, kayam ei mba wum mbei tetet.

Matiye 5:8

Suma huruzi yed’etna a le furîd’a, kayam a mba wAlona.

Sawal la giled’a 17:15

Wani anu, yam d’ingêr manda, an mba ni wang irangû; ata yima an mba ni zlit akulona, an mba ni golong tatâ ni hop van hop.