Sawal la giled’a 73:1 - Bible azumeina

¹ Ni sawal la gile d’a Asaf mi hlata. Gagazi, Alona nga mi le djivid’a mi Israel-lâ, nga mi le djivid’a mi suma huruzi yed’etna mi.

Sawal la giled’a 73:1 Referans Kwoze

Matiye 5:8

Suma huruzi yed’etna a le furîd’a, kayam a mba wAlona.

Sawal la giled’a 51:10

Ang dan zlad’a woi yam vat hurâ; an mba ni le furîd’a ki hur ma hapma, tan nda kus d’ad’ameîd’a mba d’i gra mi.

Wana ni Zla d’a Djivi d’a Luc mi b’irita 12:32

Jesus mi had’azi kua ala: Agi ades ma gorâ, ar agi lagi mandar ri, kayam ni djivid’a ir Abugi á hagi leu mamba.

Sawal la giled’a 84:11

Bur ma tu ma an kal kur gulumun mangîna, mi djivid’a kal bur ma dubu ma an kak kei abuna. Alo mana, tan lan djivid’a á kak ndjola avun gong manga kal la an kak kur zlub’ud’a hi suma asa’atnid’a.

Jacques 4:8

Ar agi hud’ugi go gen Alona, mam mba mi hud’ï gevegi go mi. Agi suma le tchod’a, agi mbuzugi abogi woyo. Agi suma lop ira, ar agi mbuzugi hurugi woi yed’et.

Jean 1:47

Kid’a Jesus mi we Natanayel nga mi djï gevemba, mi de kam ala: Agi gologi ma Israel ma gagazi ma bei mbut ira kurum ba na.

Wana ni mbaktum mba Paul mi b’irit mi Tit-ta 3:5

mi sud’i ni yam sun nda d’ingêr ra ei lata d’i, wani ni yam we hohou mamba. Mi sud’i woi ki mbusa ata yima Muzuk ma bei tchod’a ba na mi vud’i vut ta awilid’ina, mi hei ari d’a awilid’a mi.

Romê-na 4:16

Kayam Alona mi hlum vunamî yam he gagazid’a, kayam ti ka’î d’igi he d’a hawa mamba na yam andjafâ hi Abraham-ma pet; nga ni yam suma a ge yazi kä ad’u gatina hol li, wani ni yam suma a he gagazid’a d’igi Abraham na na. Mam nabui pet,

Sawal la giled’a 50:1

Ni sawal la Asaf mi hlata. Ma didina Alo ma yam alona petna, mi de zlad’a, nga mi yï suma yam andagad’ina ei abo ma yorogona dei gak abo ma fladegena.

2 Sunda Hamuleinid’a 29:30

Amulâ Ezekiyas ki suma nglo suma sunda a de mi suma hi Levi-na ala a subur Ma didina ki sawal la David azi ki Asaf ma djok vun Alona a hlata. A hlat ki furîd’a. Bugola, a grif kä andaga a kud’or Ma didina.

Jeremi 4:14

Ma didina mi hulong dazi ala: Ndak Jerusalem, ndak le min á sut tak keyo ni, ndak mbus huruk ma tchona woyo. Ndak mba kak kur djib’er mak ka tcho ndata hina gagak mindja ge?

Sawal la giled’a 83:1

Ni sawal la gile d’a Asaf mi hlata.

Sawal la giled’a 73:18

Gagazi, ang tinizi ata yima azlard’eina, ang zud’uzi kä kur yima b’laka.

Sawal la giled’a 42:11

Tan tchuk wa susub’ok, ata yima man suma djangûna a nga mbud’un zulona ki zla mazi d’a ded’a burâ ki burâ ala: Alo mangâ, mi nga ni lara ge d’a.

Sawal la giled’a 24:4

Ni sama abom nga mi do vama tcho d’uo na, ni sama hurum yed’etna, ni sama nga mi he tam yam ahle suma hawa ya’â d’uo na, ni sama bei gun tam ir gurzula ba na.

Sawal la giled’a 2:6

Mi dala: Ni an ba ni man amul ma an tinim iram vama yam ahina man nda Siyon nda a tinit irat vata.

1 Sunda Hamuleinid’a 16:37

David mi tin Asaf azi ki b’oziyoma avun zanduk ma vun ma djinda hi Ma didinina mi nga kuana á lum sunum teteu d’igi a ngat á led’a burâ ki burâ na.

1 Sunda Hamuleinid’a 16:7

Ni kur bur máma ba, David mi tin ad’ud’a á tin Asaf ki b’oziyoma á gile Ma didina.

1 Sunda Hamuleinid’a 15:17

Suma hi Levi-na a ndjaraziya, a tin Heman Joel goroma; aduk b’oziyoma, a tin Asaf Berekiya goroma; aduk b’oziyom suma hi Merari-na, a tin Etan Kusaya goroma mi.

1 Sunda Hamuleinid’a 6:39

Asaf ma mi nga tchola yam wiyema Haman bigam mba ndjufina abuyom ngolo ba wana: Berekiya, Samma,