Sawal la giled’a 72:16 - Bible azumeina

¹⁶ Ambas mamba mba d’i wul awuna heî, agu ma yam ahuniyôna mba mi hô kä ki vuta d’igi agu ma Liban-na na. Suma a mba zul kur azina d’igi asuna nga mi zul na mi.

Sawal la giled’a 72:16 Referans Kwoze

Vama ndum mbeina 7:9

Bugol ahle ndazina, an wablau suma mimiyâ’â a nga toka, ni suma sana mi ndak á ndumuzi d’uo na. Azi nad’u andjaf ma yam andagad’ina pet, nad’u andjafâ hi sumina pet ki suma pet ki vun ma ded’a pet. Azi nga tchola avok zlam mba amula, avok Gor timina mi, a tchuk baru d’a fiyak ka hapa ataziya, ki hum tumura abozi mi.

Sunda hi suma a sunuzinid’a 4:4

Wani ablaud’a aduk suma a hum zla ndatina, a he gagazid’a, ndum mazid’a suma ni d’igi dudubud’a vahl na.

Sunda hi suma a sunuzinid’a 2:41

Suma a ve zla mambina, a lazi batemba. Kur bur máma a fe suma kazi kua d’igi dudubud’a hindi na.

Sunda hi suma a sunuzinid’a 1:15

Kur bur máma Pierre mi tchol akulo aduk b’oziyom suma a nga tokina, a ni d’igi kis yam dok mbà na, mi dazi ala:

Jeremi 33:22

D’igi sana mi ndak á ndum ahle suma akulona d’oze mi ndak á nga les ma avun alum ma ngolîna d’uo na, an mba ni zul andjafâ hazong mana David-na ki suma hi Levi suma a lan sundina ni hina dedege mi.

Isai 35:2

B’od’a mba d’i nguyum kä, mba mi le furîd’a, mba mi hle sawal la bangâna ki hur ma hapma. Ma didina mba mi hum subura hi Liban-nda, mba mi hum djifâ hi Karmel-lâ ki ma hi Saron-na. Suma a mba we subura hi Ma didinid’a ki wiled’a hAlo meinid’a mi.

Isai 32:20

Agi suma nga zaragi awuna avun mbina ata yima lara ge pet suma nga aragi amuzleina ki korona a tit hawa bei gazi ziyona asezi kä ba na, agi lagi furîd’a.

Isai 32:15

Wani bur tu Ma didina mba mi voï Muzuk mama kei kä. Hur fulâ mba mi mbut nandaga d’a a pagu ma vuta kuad’a, mba mi mbut nagu d’a ndindika mi.

Isai 30:23

Ma didina mba mi sagi alona yam awu ma agi mba zaram kä na. Awu ma andagad’a mba d’i wulugizina mba mi mbut ni te ma djivi ma d’or sumina. Kur bur máma agi pologi d’uwar magina ata yima te hat ma vivid’i’â mi.

Isai 29:17

Yina ar nga ngol li, Liban mba d’i mbut ni d’igi asine ma wul awuna heîna na. Asine máma mba mi mbut ni d’igi agud’a na mi.

Sawal la giled’a 104:16

Ma didina, agu mang ma nglona, mbina ndagamu; agu sedre ma Liban ma ang puma, mbina ndagam mi.

Sawal la giled’a 72:6

Ar amulâ mi mbut ni d’igi alo ma mi se yam asu ma a tchawam mbeina na, mi mbut ni d’igi mbiyo alo ma mi d’idje andagad’ina na mi.

Wana ni mbaktumba hi Job-pa 8:7

Ahle mang suma avo’â a mba mbut nakid’eid’a irang hina ngiyeû, abo ahle suma ang mba fazi bugolâ.

Wana ni mbaktumba hi Job-pa 5:25

Ang mba we sum mangâ a mba zul avogovogo, andjavang mba mi d’ufî d’igi asu ma yam andagad’ina na.

1 Amuleina 4:20

Suma kur ambas sa Juda-d’ina ki suma kur ambas sa Israel-lina a zul d’igi les ma avun alum ma ngolîna na; a nga te, a nga tche, a nga le furîd’a.

Vama ndum mbeina 7:14

An hulong dum ala: Salana, ang ba we. Mi dan ala: Azi ni suma a buzuk kei kur djop vun ma ngolâ, azi ni suma mbus baru mazi d’a fiyaka woi a mbud’ut hapa ki buzuna hi Gor timinina.