Sawal la giled’a 71:5 - Bible azumeina

⁵ Salad’a, Ma didina, an tin hurun ni kang angû, an tin hurun kangî ki gogoron dei.

Sawal la giled’a 71:5 Referans Kwoze

Jeremi 17:7

Wani an nga ni b’e vunan yam sama mi tin hurum kan ma nga mi hal halas mamba atana.

Sawal la giled’a 39:7

Gagazi, sana mi tit ni d’igi angusâ nga mi pret na; mi le sunda, mi kau tamî hawa yak; mi tok ahlena, nga mi we sama mba mi yozina d’i.

Sawal la giled’a 71:17

Alo mana, ang had’an ni ki gogoron dei, gak ini an nga ni de woi yam sun mang nga kal teglesa.

Sawal la giled’a 119:81

An kau wa abo djup pa an nga ni djup sut mangid’a, an tin hurun ni yam zla manga mi.

Jeremi 17:17

Ang ma ala angî yan ma ngeid’a kur bur ma ndaka na, ar ang mbut vama mandarâ kan ndi.

Sawal la giled’a 119:166

Ma didina, an tin hurun ni yam sut manga, an tit ni yam vun mang ma hed’a mi.

Romê-na 15:13

Ar Alo ma tin hurâ tcholï atama mi oyôgi ki furîd’a ki b’leng nga halasa kur he gagazi magi d’a agi hat kamba. Hina wani, hur ma tin magina mba mi i avogovok yam ad’enga hi Muzuk ma bei tchod’a ba nid’a.

Jeremi 17:13

Ma didina, angî ma Israel-lâ a tin huruzi kangâ, suma a arang ngeina, zulona mba mi laziya; suma a wal lei ki sed’engâ a mba dap pei d’igi simi ma a b’irim kä aduk andaga d’a gugud’upa na, kayam a arang ang Ma didina mbiyo ma lau ma arid’a woyo.

Jeremi 14:8

Ang ma Israel-lâ a tin huruzi kangâ, ang ma sud’uzi woi ata yima ndaka mba kazina, ni kayam me ba, ang kak d’igi sama ding ma mi kal tita kur ambasina na d’oze d’igi akoi ma mi ve zlub’ud’a á le bur tu go na na ge?

2 Timote 3:15

Kid’a ang gogora tua d’a, ang we mbaktumba hAlona d’a ndak á hang ned’a á ing kur suta yam gagazi d’a ang hat yam Jesus Christ-sa.

Wana ni Zla d’a Djivi d’a Luc mi b’irita 2:40

Gor máma nga mi wula, nga mi sira, mi mbut sama ned’a heîna, sumad’a hAlonid’a nga ki sed’em mi.

Sawal la giled’a 13:5

Ar man ma djangûna mi de kan ala, mi kuzun wa d’i, ar man suma djangûna a le furîd’a yam puk manda d’uo mi.

1 Samuel 16:13

Samuel mi hle mbulâ, mi vom yam David avok b’oziyoma. Muzu’â hi Ma didinina mi ve David, mi kak ki sed’em kur bur máma gak kur bur ma avo’â mi. Bugola, Samuel mi hulong avo Rama.

Jeremi 50:7

Suma a fazina a nga mud’uziya. Mazi suma djangûna a nga dala: Zla nga kami d’i, kayam ni azi ba, a le tchod’a avok Ma didin mala ni Sala d’ingêrâ na, a le tchod’a avok Ma didin mala ni Hur ma tinda habuyozi ngolona na mi.

Ma tchi wala 12:1

Ang azongâ, ang le furîd’a kur azong manga, ang le furîd’a kurung krovo ata yima ang nga kazongina, ang le vama hurung minima, ang tit kur lovot ta ang wat djivid’a iranga. Wani ang we woi tetet ala Alona mba mi yang ata yima ka sariyad’a.

Sawal la giled’a 42:11

Tan tchuk wa susub’ok, ata yima man suma djangûna a nga mbud’un zulona ki zla mazi d’a ded’a burâ ki burâ ala: Alo mangâ, mi nga ni lara ge d’a.

1 Amuleina 18:12

Wani ata yima an wal ki sed’engâ, Muzu’â hi Ma didinina mba mi hlang ing ata yima an wum mbuo na. An mba ni de mi Ahap, mam mba mi fang nguo, mam mba mi tchanu. Wani an azong mangâ ni sama kud’or Ma didina kazongôn deina.

2 Sunda Hamuleinid’a 34:3

Wani kur biza d’a klavandi d’a mam nga mi tamulid’a, ata yima mam nga kazongôm tua na, mi tin ad’ud’a á hal Alona habum ngolo David-na. Kur biza d’a dogo yam mbàd’a, mi nde to yima nding ma a tinim iram vama ki gong nga kud’or ra a minit malo d’a a yat ala Asera-d’a ki filei ma a tched’ema ki filei ma kawei ma a yoroma woi kur ambas sa Juda-d’a ki suma kur azì ma Jerusalem-mina woi mi.