Sawal la giled’a 71:21 - Bible azumeina

²¹ Ang mba han ngol la kala, ang mba b’lengên hurun kua mi.

Sawal la giled’a 71:21 Referans Kwoze

2 Samuel 3:1

Ayîna nga mi i avogovok aduk suma hi Saul-lâ ki suma hi David-na. David nga mi i avogovok kur ayî ma durâ, wani suma hi Saul-lâ a nga ngar kazigaziya.

Sawal la giled’a 86:17

Ang le vama tak ma djivina kanu; ar man suma djangûna a we, a mbut zulona, kayam ang Ma didina ni ma ndjununa, angî ma b’lengên huruna mi.

Sawal la giled’a 23:4

Wani le an nga ni tit kur hor ra nduvun nda i’îlika pî, an nga ni le mandara va tu d’i, kayam me ang nga zlapa ki sed’enu. Ang nga polon ki totogo manga ki dungûru mangâ, ni azi ba, a nga b’lengên hurunu.

2 Korente-na 2:14

An le mersi mAlo ma mi yomi d’igi azigar suma a yozi avun ayînina na ad’u Christ á tak kusa hi Christ-sa woi burâ ki burâ. Mi tinimi á tak Christ woi ata yina pet, d’igi his ma afufuîna mi b’rau woi ata yina pet na.

Isai 49:6

Mi dala: Ni vama akid’eina iran tala ang kak azong mana á tchol kandjafâ hi Jakob-ma akulo, á hulongî ki Israel suma a arâ d’a, wani an tining d’igi b’od’a na yam andjaf suma dingâ, kayam ang tak sut manda woi mi suma gak avun dabid’a handagad’id’a.

Isai 12:1

Kur bur máma ang mba dala: Ma didina, an nga ni gilengû, kayam hurung zal kanu, wani hurung vat tei kanu, ang b’lengên hurun mi.

Sawal la giled’a 32:10

Sama asa’atna mba mi fe ndaka ngola, wani sama deng tam ata Ma didinina, mam mba mi nguyum kä ki djivi mamba.

Sawal la giled’a 18:35

Mi had’an á dur ayîna, mi han ad’enga á gan kawei ma hleuna yeûd’a.

Isai 49:13

Ndak akulod’a, ndak er ad’uk akulo ki furîd’a; ndak andagad’a, ndak le hur ma hapma; agi ahuniyôna, agi eregi ad’ugi akulo, agi ayâgiya, kayam Ma didina mi b’leng wa hur sum mama, mi wazi wa hohowozi kur ndak mazid’a mi.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

Sawal la giled’a 72:11

Amuleina pet a mba grif kä avoromu, andjaf suma pet a mba mbut ni magumei mama mi.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

1 Tasaloni’â 3:9

Nandjaf mersi d’a me d’a ami ndak á lat mAlona kagi kayam furî d’a pet ta ami fat kagi avoromba ge.

2 Korente-na 7:13

Ni kayam ndata ba, ami hurumi b’lenga. Nga ni kayamba ami hurumi b’lenga hol li, wani ata yima ami wami Tit nga ki furîd’ina, ami lami furîd’a ngola kayamba agi b’lengêm hurumba mi.

2 Korente-na 7:6

Wani Alo ma b’leng hur suma a nga kur djib’erina, mi b’lengêmi hurumi ata yima Tit mi mbana.