Sawal la giled’a 71:19 - Bible azumeina

¹⁹ Alo mana, d’ingêr manga ti kal akulo gak hur alona, kayam ang lahle suma nglo suma kal papana. Alo mana, ni nge ba, a mba ngam ki ang nge?

Sawal la giled’a 71:19 Referans Kwoze

Sawal la giled’a 35:10

An mba ni de zlad’a ki hurun pet ala: Ma didina, ni nge ba, mi ndak d’igi ang na ge? Angî ma sut sama hohoud’a woi abo sama ad’eng mamba kalama, ang nga sut ma hohoud’a ki ma houd’a woi abo suma a nga hurumuzi ahle mazinina.

Sawal la giled’a 57:10

Salad’a, an mba ni suburung aduk suma, an mba ni hle sawala á gileng aduk andjaf suma mi,

Isai 55:9

D’igi akulod’a ti kal akulo yam andagad’a na, hina mi, sun man nda led’a ti kal akulo yam sun magi d’a led’a, djib’er manda ti kal akulo yam djib’er magid’a hina mi.

Wana ni Zla d’a Djivi d’a Luc mi b’irita 1:49

kayam Alo ma ad’engêm kal petna, mi le vama ngolâ kanu. Mam mi Ma bei tchod’a ba na.

Jeremi 10:7

Angî amulâ handjaf sumina. Ni nge ba, mi lang ang mandarang nguo ge? Ang ndaga sana mi lang mandarangû, kayam aduk suma ned’a handjaf sumina pet, kur leu mazid’a pet mi, sama mi hle tam d’igi ang na na nga d’i.

Isai 40:25

Ma bei tchod’a ba na mi dala: Agi ngan ndi ni ki nge ge? An hle tan ni ki nge ge?

Isai 40:18

Agi min á ngagi Alona ni ki me ge? Angus vama tchet ma vragam blangâma ni me ge?

Sawal la giled’a 86:8

Salad’a, alo ma ding ma d’igi ang na na nga d’i, sun manga a nga ngat ki ndrat ti.

Sawal la giled’a 72:18

Ar ei suburi Ma didina Alo meina, Alona hi Israel ma tu ma ndak á lahle suma atchapmina!

Wana ni mbaktumba hi Job-pa 5:9

Mam mi sama mi lahle suma nglo suma sana mi ndak á vazi ad’uzi woi d’uo na, ni sama lahle suma atchap suma sana mi ndak á ndumuzi d’uo na mi.

Buzuk ka Abud’a 15:11

Ma didina, ni nge ba, aduk alo ma tetengâ d’igi ang na ge? Ni nge ba, ma kal papa ma yed’et ma kal tegles ma ndak á hud’a ma lahle suma ndandalâ d’igi ang na na ni nge ge?

Isai 5:16

Ma didin ma ad’engêm kal petna, a mba suburum yam sariya mam mba ka d’a d’ingêra. Alo ma bei tchod’a ba na mba mi tak tam mbei ala mam mi Ma bei tchod’a ba na yam d’ingêr mamba.

Zla d’a d’ogolâ 15:24

Sama wad’ud’a mi hle ni lovot ta ari d’a i akulod’a á sut tam mbei ata yima azulei ma nga ad’u kä na.

Sawal la giled’a 139:6

We ndata ni we d’a ndandal la kal kanda; ti sä nakulo dei; an ndak á wat ad’ut ti.

Zla d’a d’ogolâ 24:7

Ned’a ni vama kal yam sama lilid’ina, mba mi mal vunam á de zlad’a ata yima ka sariyad’a d’i.

Gat ta a hat á mbàd’id’a 3:24

Salad’a Ma didina, ang nde tagan an azong mangâ ngol manga ki sib’ik manga. Nalo ma lara ma kur akulod’a d’oze ma yam andagad’a ma ndak á le sunda kahle suma ndandalâ d’igi suma ang nga lazi wa na na ge!

Sawal la giled’a 36:7

D’ingêr manga nga d’i i akulo d’igi ahina d’a fiyaka na, sariya manga nga d’i i kä d’igi zul la yiyika na. Ma didina, ang nga ngom suma kahle suma a nga karid’ina mi.