Sawal la giled’a 65:8 - Bible azumeina

⁸ Ang nga seng vun alum ma ngolâ kabil mama, ang nga seng siwela hi sumid’a mi.

Sawal la giled’a 65:8 Referans Kwoze

Sawal la giled’a 148:3

Afata ki tilâ, agi gilegiziya! Agi tchitchiu d’a b’o yina pet, agi gilegiziya!

Sawal la giled’a 136:8

Mi lafata á te yam faleid’a, kayam o mamba nga d’i dap pi.

Sawal la giled’a 126:2

Ata yi máma siyami nga ngad’a woi ki sanda hina ges, ami nga hlami sawal la bangâna ki furîd’a mi. Andjaf suma pet a nga dala: Ma didina mi lahle suma ndandalâ ki sed’eziya!

Sawal la giled’a 74:16

Faleid’a ni manga, andjeged’a ni manga mi, ni ang ba, lafata ki tilâ mi.

Vama ndum mbeina 11:13

Ata yi máma na wat, andagad’a ti yir gigidji, abo azì ma a walam aduk dogona, ma dogona mi dris kä, suma a bo dudubud’a kid’iziya abo yir ndata. Suma a arâ a le mandarâ, a subur Alo ma akulona.

Sawal la giled’a 135:9

Mi sunï ahle suma simata kahle suma yoyouna yam andaga d’a Ezipte-d’a á dur Faron kazungeî mama pet.

Sawal la giled’a 19:5

zla mazi d’a ded’a ti nde woi yam andagad’a pet, zla mazid’a ti b’rau woi avun dabid’a handagad’id’a pet mi. Alona mi ve nga zlub’ud’a akulo mafata.

Sawal la giled’a 2:8

Ang tchenenu, an mba ni hang andjaf suma djona, ang mba te yam suma yam andagad’ina pepet.

Gat ta a hat á mbàd’id’a 4:19

Ar agi hlagi iragi akulo hur alona á gol afata tilâ ki tchitchiud’a kahle suma akulona pet ba, a lobogi vunagi á kud’urozi á lazi sunda d’i, kayam nahle suma Ma didina Alo magina mi hazi mandjaf ma ding ma nga kaka yam andagad’a petna.

Sawal la giled’a 66:3

Agi dagi mAlona ala: Sun manga ni sun nda ndandala. Yam ad’eng manga, mang suma djangûna a hulong yazi kä avorongû.

Sawal la giled’a 65:13

Ang nga d’uf hat ma djivina hur fulâ; suma yam ahuniyôna a nga oî ki furîd’a mi.

Wana ni mbaktumba hi Job-pa 38:12

Dedei d’a ang nga kur duniyad’id’a, ang he wa vuna mi yorogod’a zu? Ang tak wa pipira yi mat ma fod’a

Ad’u Tinda 8:22

Ata yima andagad’a nga tua na, zara nga, duta nga mi, zumala nga, ab’lenga nga mi, vun simetna nga, amenda nga mi. Faleid’a kandjeged’a a mba kal lei d’i.

Sawal la giled’a 89:10

Angî ma te yam subur tad’a halum ma ngolîd’a, ata yima abilâ tchol led’ina, ang nga vum vunam kä.

Sawal la giled’a 107:29

Mi d’el babarâ; babarâ tchol b’et, abilâ ba mi.

Isai 17:13

Andjaf suma vunazi nga mi tchi wü d’igi mbiyo alum ma ngolâ vunam nga mi tchi wü na, wani Ma didina mi ngoboziya, a ring ngei dei d’igi brad’a ti fel lei abo simet ma tcholï akulo yam ahuniyônina na, d’igi ir mau d’a simetna mi sirit akulo aduk mbirlimba na mi.