Sawal la giled’a 60:2 - Bible azumeina

² Mi hlat ni kid’a mi dur ayîna ki suma Siri suma Mesopotami-na ki suma Siri suma Soba-na mi d’a. Ata yi máma Jowap mi hulongîya, mi dur suma Edom-ma kur hor ra Ndjuvuna, mi tchi suma 12.000.

Sawal la giled’a 60:2 Referans Kwoze

2 Sunda Hamuleinid’a 7:14

le man suma a nga yan simiyêna a hulong wa yazi kä, a tchenenu, a hal á wan iranu, le a ar tcho mazid’a woyo ni, an mba ni humuzï akulo, an mba ni vat hurun ndei yam tcho mazid’a, an mba ni mbut ambas mazid’a djivid’a.

Wana ni mbaktumba hi Oze-d’a 6:1

Agi mba dagi ala: Agi mbeyegïya, ei hulongeî gen Ma didina. Mam ma kizagei mbuleinina, mba mi tchiliya, mam ma toina, mba mi djini mbiliya.

Isai 30:26

Kur bur ma Ma didina mba mi djin mbilâ hi sum mamina, ata yima mam mba mi tchilizi mbilizi ma a kazizina, b’od’a hi tilîd’a ti mba d’i mbut ni d’igi b’od’a hafatid’a na, b’od’a hafatid’a ti mba d’i b’o kal b’o d’a ti b’o kur burâ b’ob’o kid’iziyad’a na.

Ezekiyel 34:16

An mba ni hal suma a vit teina, an mba ni hulongî suma a ba woina, an mba ni djin mbuleina hi suma a fe dakina, an mba ni had’enga mi suma tugud’eid’a. Wani suma d’orâ ki suma ad’engâ, an mba ni tchazi woyo, an mba ni polozi pol la d’ingêra.

Jeremi 48:38

Ma didina mi dala: Kur azì ma Mowap ma lara ki ir palum mamba pet ni tchi ma hohoud’a vam tu, kayam an ni to azì ma Mowap-ma woi d’igi dei ma sana hurum vum mbuo na na.

Jeremi 10:10

Wani Ma didina nAlo ma gagazina, nAlo ma arina, namul ma didina. Le hurum zala ni, suma yam andagad’ina a nga zlak avoromu. Andjaf suma a ndak á ve tazi avok ayî mam ma bibiliuna d’uo mi.

Jeremi 4:24

An gol ahuniyô suma fuyogeina, a nga giged’a; yima ndingâ nga mi giget mi.

Isai 5:25

Kayam ndata, Ma didina hurum zal ngola yam sum mama. Mi hlabom akulo, mi toziya, ahuniyôna a giged’a, mad’a suma mi sam kä woi ir palumba d’igi asuna na. Hina pet pî, hurum mi b’leng nga d’i, abom mi ar nga zid’a akulo kamzi.

Sawal la giled’a 18:7

Kur yor ta manda, an yi Ma didina, an tchi yam Alo mana. Ata yam ma kaka mi humun delen kur gong mamba, tchi mana mi ndeza humamu.

Matiye 27:51

Gola! Baru d’a ka ir ra kur gong nga kud’ora hAlonid’a ti haû woi aduk mbà tcholï akulo dei gak ti tchuk kä, andagad’a ti yira, ahuniyôna a wak kei mi.

Habakuk 3:10

Ahuniyôna a wangû, a nga zlaga; mbiyona nga mi djang oî kä yam andagad’a, zul la yiyika vunat nga mi tchi wü, abilâ nga mi sulul akulo huhubup mi.

Amos 8:8

Ambasa mba d’i zlak yam zla ndata d’uo zu? Suma a nga kaka katna a mba tchi horâ d’uo zu? Ambas ndata mba d’i hop akulo d’igi alum ma ngolâ na, mba d’i hulong kä d’igi alum ma Nil-lâ na mi.

Jeremi 30:17

Ma didina mi dala: A nga yagi ala Suma a arazi woina, a nga de kagi ala Siyon nda sa nga mi djobot zlat tuo d’a. Kayam ndata, an mba ni mbud’ugi lafiya, an mba ni tchiligi mbiligi mi.

Jeremi 14:17

Ang dazi zla ndata ala: Iran nga d’i yak simina falei kandjege bei ara ba, kayam a ka sum mana mbilâ. Ni b’lak ka ngola, mbil mazina ni mbil ma ngol ma kalâ.

Sawal la giled’a 114:7

Ndak andagad’a, ndak zlak avok Salad’a, avok Alona hi Jakob-ma.

Wana ni mbaktumba hi Job-pa 9:6

Andagad’a nga d’i yir abomu, ad’ut ta ged’a nga d’i giget mi.

Isai 7:8

kayam Damas nazì ma ngol ma Siri-na, Resin mi te ni kat ndat hol, Samari nazì ma ngol ma Efraim-ma, Peka mi te ni kat ndat hol mi. Ar bizad’a dok karagaya yam vahl, a mba b’lak suma Efraim-ma woyo, a mba ndumuzi andjafâ bugol luo d’a. Le agi tinigi hurugi yam Ma didina d’uo ni, agi ndak á tchologi avorozi d’i.

Sawal la giled’a 104:32

Ang gol andagad’a, andagad’a ti zlaga, ang do ahuniyôna, andosâ rip kaziya.

Sawal la giled’a 89:40

Ang b’lak vun ma djin ma ang djinim kazong mangîna woyo, ang gum avaval mamba kä woi andaga.

Wana ni mbaktumba hi Job-pa 5:18

Alona ni ma le sana ndaka, mi hulong mi sud’uma; ni ma ka sana mbilâ, mi hulong tchilim abom melâ mi.

Hor ma tchina 2:13

Ndak gor weid’a Jerusalem, an dak ana ge? An mba ni nga’î ki nge ge? Ndak gor wei d’a Siyon nda bei ngaf ki mandjuf ba d’a, an mba ni nga’î ki nge ba á b’lengêk huruk ke? Kayam mbil ma’â mi ngola d’igi alum ma ngolâ na. Ni nge ba, ndak á tchiliksi ge?

2 Samuel 22:8

Ata yima hurum zalâ, andagad’a ti yir gigidji, ti giget mi; ad’u ged’a hakulod’id’a ti yira, andagad’a kakulod’a a giget mi.

Buzuk ka Abud’a 15:11

Ma didina, ni nge ba, aduk alo ma tetengâ d’igi ang na ge? Ni nge ba, ma kal papa ma yed’et ma kal tegles ma ndak á hud’a ma lahle suma ndandalâ d’igi ang na na ni nge ge?

2 Samuel 8:1

Bugol ahle ndazina, wana nahle suma a lena: David mi dur ayîna ki suma Filistê-na, mi hulongôzi yazi kä ad’umu, mi yozi ziyozi ma tamula abomu.

1 Sunda Hamuleinid’a 18:3

Kid’a Hadadezer amul ma Soba ma abo ma Hamat-na mi hulong á hle leu mam mba avun alum ma Efrat-nid’a, David mi dur ayîna ki sed’emu, mi kus kamu.

1 Sunda Hamuleinid’a 18:5

Kid’a suma Siri suma Damas-sâ a mba á ndjun Hadadezer amul ma Soba-nid’a, David mi tchi sum mazina 22.000.

1 Sunda Hamuleinid’a 18:12

Abisai Seruya gorotna, mi tchi suma Edom-ma kur hor ra ndjuvuna 18.000.