Sawal la giled’a 59:3 - Bible azumeina

³ Ang prud’un ndei abo suma bei d’ingêrâ, ang sud’un ndei abo suma tchi suma mi.

Sawal la giled’a 59:3 Referans Kwoze

Sawal la giled’a 56:6

Burâ ki burâ a nga mbut zla manda tchod’a, djib’er mazid’a pet ná lan tchod’a.

Sawal la giled’a 69:4

An seî wa abo tchina, delen ndi so wa ndandang, iran ndi so wa woi ngolol á djubung ang Alo mana.

1 Samuel 24:11

Ki tchetchemba, ang we ki irang ala Ma didina mi hang ini abon kur zul ahinad’a. A dan ala an tchangû, wani an arangû, an dazi ala: An min tin abon ata salana d’i, kayam mam mi ma Ma didina mi tinim amulina.

Zla d’a d’ogolâ 12:6

Zla d’a ndavun suma asa’atnid’a, ti burî suma kä á tchid’a, wani zla d’a ndavun suma d’ingêrîd’a, ti prud’uzi woyo.

Jean 15:25

Azi le hina kayam zla d’a a b’irit kur mbaktum mazi d’a gata ala: A noyôn ni hawa d’aru d’a ndak memet.

Mise 7:2

Sama d’engzeng nga kur ambasa d’i, sama irat nga d’uo mi. Azi pet ni suma a bur suma kä á tchid’ina, nge nge pî nga mi gun dauna kä yam wiyema.

Sunda hi suma a sunuzinid’a 23:21

Wani ang humuzi d’i, kayam suma a ngei nga tazi á tchumu, ablawazi kal suma dok fid’i. Azi gun tazi ala azi te d’oze tche va d’uo mi, gak azi tchum mbeî tua. Ki tchetchemba, azi min wa tazi da’, azi djup mi zla ma anga.

Sawal la giled’a 38:12

Buniyôna ki ndrona a tchol sä woi hina dei abo mbil mana, simiyên a tchol sä woi hina dei mi.

Sawal la giled’a 2:2

Amulei suma yam andagad’ina a tchol ki huneîd’a, suma te yamba a ndjak vunazi tu á kak djangûna ki Ma didina ki ma mam minim tinim amulina.

1 Samuel 26:18

Mi dum kua ala: Salana, ni kayam me ba, ang digin an azong mangâ hina ge? An le ni me ge? An le ni tcho me ge?

1 Samuel 24:17

Ata yima David vunam dap zla d’a ded’a mi Saul dapma, Saul mi dala: Gorona David, gagazi ni deleng zu? Saul mi nde tchina ki delem akulo.

1 Samuel 19:1

Saul mi de mi goroma Jonatan azi kazungeî mama pet ala a tchi David teyo. Wani Saul goroma Jonatan hurum ve David heî.

Sawal la giled’a 140:2

Ma didina, ang prud’un ndei abo suma asa’atna, ang ngomon abo suma murud’umba.

Zla d’a d’ogolâ 24:15

Ar ang bur kä gumun á b’lak azina hi sama d’ingêrîna d’oze á b’lagam yam ma burâ woi d’igi sama asa’atna na d’i.