Sawal la giled’a 58:9 - Bible azumeina

⁹ Ar azi lau woi d’igi dubangâ na, ar azi wafata d’uo d’igi hur ma nded’a na mi.

Sawal la giled’a 58:9 Referans Kwoze

Zla d’a d’ogolâ 10:25

Ata yima mbirlimba nga d’i kalâ, nga d’i i ki sama asa’atna, wani sama d’ingêrâ mi arî tchola ngingring burâ ki burâ.

Sawal la giled’a 118:12

Azi ngruvun d’igi ayuma mi ngruf yam sana na; azi nga mit tei d’igi aku d’a ti ngal aweid’id’a na, ki simiyê Ma didina an pleyêzi woi yayak.

Ma tchi wala 7:6

Sanda hi sama lilid’id’a ti ni d’igi aweid’a ti mun ad’u deina na. Wana ni sunda hawa yaka d’ei.

Jeremi 23:19

Jeremi mi dala: Gola! Babar ma ngolâ nga mi djïya. Nayî ma bibiliuna hi Ma didinina, mi nga mi sir yam suma asa’atna.

Isai 17:13

Andjaf suma vunazi nga mi tchi wü d’igi mbiyo alum ma ngolâ vunam nga mi tchi wü na, wani Ma didina mi ngoboziya, a ring ngei dei d’igi brad’a ti fel lei abo simet ma tcholï akulo yam ahuniyônina na, d’igi ir mau d’a simetna mi sirit akulo aduk mbirlimba na mi.

Isai 40:24

A pazi nga kä dei d’i, a zarazi nga kä dei d’uo ko, abuwazi mi tchuk nga sideina andaga kä dei d’uo ko, mi sir simetna kaziya, a nga so woyo, mbirlimba nga d’i yozi woi d’igi ti yo kuzad’a woi na mi.

Zla d’a d’ogolâ 14:32

Tcho d’a sama asa’atna mi lata ti bamî woyo, wani ma d’ingêrâ kur mat mama pî, mba mi fe yima ngei tama.

Zla d’a d’ogolâ 1:27

Ata yima mandarâ mba mi mba kagi d’igi babarâ na, ndaka mba d’i mba kagi d’igi mbirlimba na, djop vuna ki kid’eî ira a mba mba kagi mi na, an mba ni lazagi mi.

Sawal la giled’a 55:23

Ang tchuk ahle suma a hang djib’erina yam Ma didina, mam mba mi ndjunung á tchola, kayam mam nga mi ar sama d’ingêrâ á ka azlard’eid’a d’i.

Sawal la giled’a 10:5

Ahle suma mi lazina nga mi fazi tatap; sariya nga d’i vum mbi; nga mi gol mam suma djangûna is mi.

Sawal la giled’a 10:2

Suma asa’atna ki yam mba ad’eng mazid’a a nga b’at ahlena abo suma hohoud’a; suma hohoud’a a nga puk kä kur dau ma suma asa’atna a gunum kä avorozina.

Wana ni mbaktumba hi Job-pa 27:21

Simet ma abo ma yorogona mba mi hlum mi i ki sed’emu, mba mi hlum mbei kad’enga ata yima mam nga kuana.

Wana ni mbaktumba hi Job-pa 18:18

A mba digim mbei kur b’od’a á im kur nduvunda, a mba digim mbei yam andagad’a mi.

Ndumba 16:30

Wani le Ma didina mi le vama sana humum nga zlam yam tu d’uo na, le andagad’a ti mal vunat ti ligizi kahle mazina pet a i azulei kä karid’a ni, ata yi máma agi mba wagi ala sum ndazina a golî Ma didina is.

Wana ni mbaktumba hi Job-pa 3:16

Ni kayam me ba, wirin mi nde woi d’igi kem mba vud’ï ki matna pang bei we b’od’ina na d’uo ge?