Sawal la giled’a 58:10 - Bible azumeina

¹⁰ Avok ka azi bei wala ang mba gad’aziya d’a, ang fozi woi d’igi sana mi fo butna woi na.

Sawal la giled’a 58:10 Referans Kwoze

Sawal la giled’a 68:23

Salad’a mi dala: An mba ni hulongî magi suma djangû suma Basan-na, an mba ni hulongî magi suma djangû suma a ngei kä kur alum ma ngolîna mi.

Sawal la giled’a 91:8

Ang kak tchugot gola, ang mba we ni nana ba, Alona mba mi wurak suma asa’atna ge?

Sawal la giled’a 64:10

Suma pet a nga le mandarâ, a mba de woi yam sunda hAlonid’a, a mba wäd’u sun nda mam lata mi.

Zla d’a d’ogolâ 11:10

Ata yima suma d’ingêrâ a nga ki furîd’ina, suma hur azì ma ngolîna a le furîd’a mi; ata yima suma asa’atna a bona, suma hur azina a nga aî mi.

Sawal la giled’a 107:42

Suma d’ingêrâ a we hina, a le furîd’a; suma bei d’engzengâ vunazi mi seng silil mi.

Gat ta a hat á mbàd’id’a 32:43

Ar andjaf suma pet a le furîd’a yam sum mama! Kayam Ma didina nga mi hlatchugula matna hazungeî mamina, nga mi hlatchugulum ki mam suma djangûna, nga mi mbut ambas mamba yed’et ki sum mama mi.

Vama ndum mbeina 18:20

Ndak akulod’a, agi suma a tinigi iragi vagi mAlonina ki suma a sunuzina ki suma djok vun Alona, agi lagi furîd’a yam b’lak mamba, kayam Alona mi kam wa sariyad’a kam kayam sun nda tcho d’a mam lagizid’a.

Sawal la giled’a 52:6

Ang ma ka zlad’a, ang min ni zla d’a b’lak yina.

Wana ni mbaktumba hi Job-pa 29:6

an mbus asen ni ki mbul ambira, ahinad’a nga d’i djangî mbulâ kan kä d’igi toliyonda na mi.

Wana ni mbaktumba hi Job-pa 22:19

Suma d’ingêrâ a mba we b’lak mazid’a, a mba le furîd’a; suma bei zlad’a kazi ba na a mba san ad’uzi a dala:

Suma ka sariyad’a 5:31

Ma didina, ar mang suma djangûna a dap pei pet, ar suma a le kangâ a wile d’igi afata ti deî ki wile mata na! Bugol ahle ndazina, ambasa ti kak ki halasa gak bizad’a dok fid’i.

Vama ndum mbeina 14:20

A miret guguzlu ndata woi bugol azina. Buzuna ndeï djangâ woi ata yima a miret guguzlud’a kua na, mi djang i kilometred’a kikis hindi, yiyik mamba ni d’igi metred’a tu ki nusâ na.

Zla d’a d’ogolâ 10:25

Ata yima mbirlimba nga d’i kalâ, nga d’i i ki sama asa’atna, wani sama d’ingêrâ mi arî tchola ngingring burâ ki burâ.