Sawal la giled’a 55:22 - Bible azumeina

²² Vunam ma ded’a ni mbulâ, wani kurum krovo nayî ma durâ. Zla mam mba ded’a tugung tang d’igi mbulâ na, wani ti ni d’igi mbigeu d’a fiyak ka pad’at tei kur aziyata na.

Sawal la giled’a 55:22 Referans Kwoze

1 Pierre 5:7

Agi tchugugi ahle suma a hagi djib’erina pet kamu, kayam mam nga mi ngomogiya.

Sawal la giled’a 37:5

Ang ar zla manga mi Ma didina, ang deng tang atamu; mam mba mi le sunda kat mi.

Matiye 6:25

Jesus mi had’azi kua ala: Kayam ndata, an nga ni dagiya, agi djib’eregi yam ari magid’a tala agi mba tagi ni me d’oze agi mba tchagi ni me d’oze agi mba tchugugi ni me ge d’a d’i. Arid’a kal tena d’uo zu? Tad’a kal baruna mi d’uo zu?

Sawal la giled’a 62:6

Nata Alona tu ba, an nga kaka ki halasa; deng ta manda ti tcholï natamu.

Sawal la giled’a 16:8

An nga ni gol Ma didina avoron teteu. Ata yima mi nga tchola yam bigan nda ndjufina, an nga ni giget ti.

Sawal la giled’a 37:24

Le mi puk kä pî, nga mi ba kä d’i, kayam Ma didina nga mi vum abom akulo.

Sawal la giled’a 27:14

Ang tin hurung yam Ma didina, ang ve tang ad’enga, ar tang tchuk lus si. Ang tin hurung yam Ma didina.

Sawal la giled’a 62:2

Nata Alona tu ba, an kak ki halasa; sut manda ti tcholï natamu.

Sawal la giled’a 62:8

Sut manda ki subur manda a tcholï nata Alona. Mam nahina d’a ndjununda, ni yi man ma ngeid’a mi.

Matiye 11:28

Agi pet suma kawagi abo anekina, agi mbeyegï gevenu, agi tugugi tagiya.

Sawal la giled’a 63:8

Kayam angî ma ndjununa, an nga ni le furîd’a ata yi ma an nga ngeid’a ad’u gigingângâ.

1 Samuel 2:9

Mba mi ngom suma a nga ge yazi kä avoroma, wani suma bei hum vuna ba na, a mba ba woi kur nduvunda, kayam sana mi ndak á kus ayîna kad’eng mamba tata d’i.

Sawal la giled’a 121:3

Mam mba mi arang aseng mi ka azlard’eid’a d’i; mam ma ngomongâ nga mi bur sen ndi.

Isai 50:10

Ni nge adigagi ba, mi le mandar Ma didina, mi hum del azong mama ge? Sama lara ma nga mi tit kur nduvunda ma mi kid’ak b’od’ina, ar mi tin hurum yam simiyê Ma didina, ar mi deng tam ata Alo mama mi.

Wana ni Zla d’a Djivi d’a Luc mi b’irita 12:22

Jesus mi de mi mam suma hata ala: Kayam ndata, an nga ni dagiya, agi djib’eregi yam ari magid’a tala agi mba tagi ni me d’oze agi mba tchugugi ni me ge d’a d’i?

1 Pierre 1:5

Ni kayam agi suma Alona nga mi ngomogi kad’eng mamba yam he gagazi magid’a, gak bur ma mam mba á sud’ugi woi kur bur ma dabid’ina.

Sawal la giled’a 12:3

Suma a nga de tazi zla d’a kad’a, zla d’a avunazid’a ni mbulâ, azi ni suma mbàmbàd’a mi.

Sawal la giled’a 64:4

A nga gur sinazi d’igi suma a gur mbigeud’a na, zla mazi d’a ded’a ni d’igi yeû d’a zala na.

Jeremi 9:7

Ni kayam ndata ba, an Ma didin ma ad’engên kal petna ni dala: Gola! An nga ni yoroziya, ni kuguziya. Le hina d’uo ni, an mba ni le ni nana yam sum mana ge?