Sawal la giled’a 51:12 - Bible azumeina

¹² Alo mana, ang mbud’un ndei yed’et, ang han djib’er ra djivi d’a ndaka kurunu.

Sawal la giled’a 51:12 Referans Kwoze

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Sawal la giled’a 13:5

Ar man ma djangûna mi de kan ala, mi kuzun wa d’i, ar man suma djangûna a le furîd’a yam puk manda d’uo mi.

Isai 61:10

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

Jude 1:24

Mam ma ndak á ngomogi tala agi pugugi kä d’uo na, mba mi buzugugi woi avorom kur subur mamba bei zla d’a kagi ba ki furîd’a.

2 Korente-na 3:17

Zla ndata ala Ma didina d’a, ad’ut ala Muzu’â d’a. Ata yima Muzu’â hi Ma didinina nga kuana, but ta akulod’a nga.

Wana ni Zla d’a Djivi d’a Luc mi b’irita 1:47

An nga ni le furîd’a yam Alo ma sud’una,

Sawal la giled’a 35:9

An mba ni le furîd’a yam Ma didina, an mba ni le hur ma hapma yam sut mamba.

Sawal la giled’a 119:133

Ang siran ad’enga yam zla manga, ar tchod’a ti te kan ndi.

1 Pierre 1:5

Ni kayam agi suma Alona nga mi ngomogi kad’eng mamba yam he gagazi magid’a, gak bur ma mam mba á sud’ugi woi kur bur ma dabid’ina.

Romê-na 8:15

Kayam Muzuk ma Alona mi hagizina mi mbud’ugi ni magumeina d’i, ná lagi mandar ruo mi, wani mi mbud’ugi Alona groma. Hina, yam ad’enga hi Muzuk mamid’a, ei nga yi Alona ala Aba, nala, Abunu.

Jeremi 10:23

Jeremi mi dala: Ma didina, an we sana mi ndak á tit memet ti, mi nga kad’enga á tak tam á tit kur lovot ta djivid’a d’uo mi.

Romê-na 14:4

Angî nge ba, ang ka sariyad’a yam azongâ hi ndrangîna ge? Le mi nga ni kaka ad’enga kur sun mamba d’oze mi puk kä ni, ni zlad’a hi salamid’a. Gagazi, mam mba mi kak kad’enga, kayam Salad’a mi nga kad’enga á tcholom akulo.

Sawal la giled’a 21:1

Ni sawal la David mi hlat mi hat mi ma ngolâ hi suma hle sawalina.

Sawal la giled’a 19:13

Ni nge ba, mi ndak á we vama mam lum ata yam mbuo na ge? Ang vat hurung ngei yam vama an lum ir vitina.

Sawal la giled’a 17:5

An nga ni tit kur lovot manga, asen nga mi djok kei d’i.

Isai 49:13

Ndak akulod’a, ndak er ad’uk akulo ki furîd’a; ndak andagad’a, ndak le hur ma hapma; agi ahuniyôna, agi eregi ad’ugi akulo, agi ayâgiya, kayam Ma didina mi b’leng wa hur sum mama, mi wazi wa hohowozi kur ndak mazid’a mi.

Sawal la giled’a 24:4

Ni sama abom nga mi do vama tcho d’uo na, ni sama hurum yed’etna, ni sama nga mi he tam yam ahle suma hawa ya’â d’uo na, ni sama bei gun tam ir gurzula ba na.