Sawal la giled’a 50:7 - Bible azumeina

⁷ Alona mi dala: Agi humugiya; agi sum mana, an nga ni dagi zlad’a; agi Israel-lâ, an nga ni gagi humagiya, an nAlona, Alo magina.

Sawal la giled’a 50:7 Referans Kwoze

Sawal la giled’a 81:8

Kid’a ang kur ndakid’a, ang yanu, an prud’ung ngeyo, an hulongông humba ata yima ngeid’a kur breîd’a halonid’a, an kugung avun mbiyo ma Meriba-na. Tchol ndjö

Buzuk ka Abud’a 20:2

An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.

Jeremi 2:9

Ni kayam ndata ba, Ma didina mi dala: An nga ni le sariyad’a ki sed’egiya, an mba ni le sariyad’a ki grogi ngolona kua d’ei.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Zakari 13:9

An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.

Ezekiyel 20:7

An dazi ala: Ar nge nge pî mi ar ahle suma ndjendje suma mam nga mi le d’od’oka kazina woyo, ar agi mbud’ugi tagi ndjendjed’a ki filei ma Ezipte-na d’i. An ni Ma didina Alo magina.

Ezekiyel 20:5

Ang dazi ala: Salad’a Ma didina mi dala: Kur bur ma adjeuna an man Israel-lâ, an hlabon akulo ni gun tan mandjafâ hi Jakob-ma, an tagazi tan ndei yam ambas sa Ezipte-d’a. An hlabon akulo ni gunuzi tan ala: An ni Ma didina Alo magina.

Isai 1:18

Ma didina mi dala: Mbeigïya, ei dei tei zlad’a. Le tcho magid’a ti ni hleud’a diliu pî, mba d’i mbut hapa d’igi nesâ na; le d’i ni hleud’a kekeng d’igi gangeîna na pî, mba d’i b’o hapa d’igi b’od’a hi tamasid’a na.

Sawal la giled’a 49:1

Ni sawal la Kore groma a hlat a hat mi ma ngolâ hi suma hle sawalina.

2 Sunda Hamuleinid’a 28:5

Kayam ndata, Ma didina Alo mama mi hum abo amul ma Siri-na. Suma Siri-na a kus kamu, a yo sum mama ablaud’a, a i ki sed’ezi Damas. Mi hum abo amul ma Israel-lâ mi, mi kus kam kus sa ngola.

2 Amuleina 17:13

Wan pî, Ma didina mi sun mam suma djok vuna pet ki suma a nga wahle suma a nga mbana pet á ge hum Israel-lâ ki suma Juda-na kad’enga ala: Agi hulongôgiya, agi aragi sun magi d’a tchod’a woyo, ar agi gagi yagi kä ad’u vun man ma hed’a ki zla manda, ar agi tid’igi yam gat ta an he vuna kat mabuyogi ngolo avun azungeî man suma djok vuna ki hurugi pet mi.

1 Amuleina 18:39

Kid’a Israel-lâ pet a we hina d’a, a grif kä, a dala: Ma didina nAlo ma gagazina! Ma didina nAlo ma gagazina!

Sawal la giled’a 81:9

Sum mana, agi humugiya, an nga ni gagi humagiya! Israel-lâ, ladjï agi tinigi humagi á humunu ni!