Sawal la giled’a 50:21 - Bible azumeina

²¹ Wana nahle suma ang lazina, an nga kaka mudjuk. Kayam ndata, ang djib’er ala an ni d’igi ang na. Wani an nga ni ngobongû, an mba ni tagangzi woi irang pid’ak mi.

Sawal la giled’a 50:21 Referans Kwoze

Isai 57:11

Agi lagi mandarâ nabo nge ba, agi kandi zlad’a, agi djib’eregi kan nduo, agi walagi woi dei ki an nge? An kak bei de zlad’a ni dedei. Ni kayam ndata ba, agi nga gagi yagi kä avoron nduo wana.

Zla d’a d’ogolâ 29:1

Sama suma a ngobom yazi ablaud’a nga mi hum vun nduo na, mba mi b’lak kei atogo zak. Kuma ma a mbud’um ki djivid’ina mi nga d’uo d’a.

Sawal la giled’a 90:8

Tcho mamid’a nga ni tinda pid’ak kei avorongû, zla mami d’a gumunda, ang wat tei kur b’o manga mi.

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.

Isai 42:14

Ma didina mi dala: Avok dei an kak bei de zlad’a, an kak mudjuk bei de zlad’a, wani ki tchetchemba an nga ni er ad’un akulo d’igi atcha d’a nde vutid’a na. An nga ni muzuga, an nga ni muzuk kad’engên pet mi.

Ma tchi wala 12:14

Gorona, vama arâ, ang hum hat ta yam ahle ndazinid’a. Le a le ni mbaktumba ablaud’a pî, ti nga d’i dap pi; hat ta ngola ni kaud’a yam hliu tad’a.

Sawal la giled’a 50:3

Alo meina nga mi djïya, nga mi kak ki vunam ma du’â d’i, aku d’a b’lak yina nga d’i ngal avoromu, babar ma ngolâ mi nguyumu.

Amos 8:7

Ma didina mi gun tam yam subur tad’a hi suma hi Jakob-mid’a ala: An mba ni mar yam sun mazi tu d’i.

Sawal la giled’a 73:11

A nga dala: Alona mba mi we ni nana ge? Ma sä akulo ma kal teglesâ, mi nga ki wed’a ko zu?

Vama ndum mbeina 3:19

Suma an nga ni le kazina pet, an nga ni ngoboziya, an nga ni gad’azi mi. Kayam ndata, ar ang b’at tang á mbut hurung yam tcho manga.

Isai 26:10

Le sana nga mi we hohowa sama asa’atna ni, nga mi hat á tit tit ta d’ingêra d’i, nga mi mba ki tchod’a yam ambas sa d’ingêra, nga mi djib’er yam ngola hi Ma didinid’a d’uo mi.

2 Pierre 3:9

Salad’a nga mi le lilinga á le vama mam hle vunam kama d’igi suma dingâ a djib’er na d’i. Wani mi ve tamî kagiya, kayam mi min ala sa tu mi ba woi d’i, wani mi min ala suma pet a mbut huruzi yam tcho mazid’a.

Ndumba 23:19

Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

Buzuk ka Abud’a 3:14

Alona mi de mi Moise ala: AN NI MA NGA NA. Mi dum kua ala: Wana ni zla d’a ang mba hulongôt ded’a mi Israel-lîd’a: Ma yi tam ala AN NGA na, mi sununï gevegi ni mamu.

Sawal la giled’a 50:8

Ni yam ahle magi suma ngat buzuna ba, an nga ni ngobogi d’i, kayam agi nga han he d’a hawa magi d’a ngala teteu.

Wana ni mbaktumba hi Job-pa 34:33

Na ni Alona mba mi ngop sa máma yam zla manga zu? Djib’er manga na na ge? Ang min d’oze ang min nduo zu? Nga ni zla manda d’i. Vama ang wuma, ang dum mbeyo!

Jeremi 2:23

Ni nana ba, agi mba dagi ala: Ami mbud’umi nga tami ndjendjed’a d’uo, ami zlabami nga ki Bäl á kud’urom mbuo ge? Gola! Asegi mi kä kur hora wana, agi wagi vama agi luma. Agi ni d’igi djambal la arop pa afefet ta i abo hî i abo hî d’a na.