Sawal la giled’a 48:2 - Bible azumeina

² Ma didina ni ma ngol ma mi ndak á giled’a kur azì mam ma ngol ma yam ahina mam mba a tinit irat vatina.

Sawal la giled’a 48:2 Referans Kwoze

Sawal la giled’a 50:2

Siyon nazì ma djif ma kal teglesâ; Alona nga mi wileï kuru.

Matiye 5:35

d’oze kandagad’a d’i, kayam ndat ni vama mi tin asem kama, d’oze ki Jerusalem mbi, kayam ndat nazì ma ngolâ hamul ma ngolîna.

Hor ma tchina 2:15

Suma a nga kalâ pet a nga tchabozi kagu, a nga tchi kukurup, a nga kidjik yazi kak ndak gor weid’a Jerusalem, a nga dala: Wana nazì ma ngol ma a yum ala Ma djif ma kal tegles mala ni Furîd’a hi suma yam andagad’a petna na ko zu?

Hebre-na 12:22

Wani agi mbagi go ata ahina d’a Siyon-nda, nazina hAlo ma arina, ni Jerusalem mba akulod’a, ni yima malaika suma bubupma a nga kuana.

Isai 14:13

Ang de kurung ala: An mba ni djak akulo, an mba ni tin zlam man nda amula akulo kal tchitchiu d’a hAlonid’a, an mba ni kak akulo yam ahina d’a abo ma norâ d’a alona mi tok kuad’a.

Daniel 11:16

Ma mba mi ndum ayînina mba mi le ni vama hurum minima, sama mba mi tchol avoroma nga d’i. Mam mba mi kak kä yam andagad’a abot ma djivi ma kalâ, mba mi b’lak ahlena woi ata yima mam kak kuana.

Ezekiyel 20:6

Kur bur máma an hlabon akulo ni gunuzi tan á buzuguzï woi yam ambas sa Ezipte-d’a, á i ki sed’ezi yam ambas sa an manat kazid’a. Nambas sa ambira ki mbul ayuma a nga sor kä kuad’a, nambas sa djif fa kal ambasa peta.

Malatchi 1:14

Vun ma ged’a yam sama lop ir ma mi nga ki timi mam ma djivina aduk d’uwar mama, mi hle vunam kam á ngad’andji mi an Ma didina ko ba, mi vragam ki ma dakina. An Ma didin ma ad’engên kal petna ni de na, kayam an namul ma ngolâ, simiyên ni ma kal papa aduk suma petna mi.

Daniel 8:9

Adif ma dingâ mi deî aduk adif ma fid’i máma hina ngiyeû, nga mi se atogotogo, nga mi i iram abo ma sutna, abo ma yorogona kabo ma hambas sa djif fa kalina.

Isai 66:10

Agi pet suma a lagi katna, agi lagi furîd’a ki Jerusalem, agi mbud’ut ni vama agi lagi furîd’a kama. Agi pet suma nga yorogi tagi katna, agi lagi furîd’a ki sed’et mi.

Malatchi 3:12

Ata yi máma andjaf suma pet a mba dagi ala: Agi lagi furîd’a, kayam ambas magid’a mba d’i mbut nambas sa duzîd’a. An Ma didin ma ad’engên kal petna ni de na.

Jeremi 3:19

An Ma didina ni dala: Ni nana ba, an min tchugugi aduk grona, ni hagi ambas sa djivid’a, ni hagi djo ma djivi ma kal teglesâ aduk suma kur duniyad’ina ge? An djib’er ala agi mba yan ala Abugiya, agi mba walagi woi ki sed’en nduo.

Sawal la giled’a 76:2

Alo mamina mi tak tam mbei navo Juda, simiyêm ni ma kal papana aduk Israel-lâ.

Sawal la giled’a 87:3

Ang azina hAlonina, ahle suma azi dazi kangâ pet ni subura. Tchol ndjö

Sawal la giled’a 99:9

Agi hagi ngola mi Ma didina Alo meina, agi grivigi kä yam ahina mam mba a tinit irat vata, kayam Ma didina Alona ni ma bei tchod’a ba na!

Sawal la giled’a 135:21

agi suma avo Siyon-na, agi suburugi Ma didin ma nga kaka avo Jerusalem-ma. Agi gilegi Ma didina!

Isai 2:2

Kur atchogoi d’a mba d’i mbad’a, ahina d’a a min gong nga kud’ora hi Ma didinid’a kata, a mba b’alat akulo yam ahuniyôna yazi d’a ked’iwurenga, mba d’i kal akulo yam ahuniyôna pepet. Ata yi máma andjaf suma pet a mba i kua nunuk.

Isai 60:14

Suma a lak ndakina grozina a mba hulong yazi kä avorogu, suma pet suma a golok isâ a mba grif kä avorogu, a mba yak ala Azì ma ngolâ hi Ma didinina, Siyon-nda hi Ma tin tam irat vat yam Israel-lînid’a.

Daniel 11:45

Mam mba mi tin zlub’u mam mba amula aduk alum ma ngol ma Mediterane-na kahina d’a a tinit irat vat kur ambasa yat ma djivi ma kalîd’a. Ata yi máma matna mba mi mba kam atogo dumuzi bei sa mi ndjunum ba.