Sawal la giled’a 45:9 - Bible azumeina

⁹ Mbul ma his ma afufuîna, nala, mirâ, alowena ki kasâ, a nga his ata baru mangâ. Ata yima ang nga nde woi kur azì mang ma a minim djifâ ki sï ahlo’îna, suma a nga gileng ki furîd’a kadingâ.

Sawal la giled’a 45:9 Referans Kwoze

Vama ndum mbeina 21:9

Bugola, ma dingâ tu aduk malaika suma kid’iziya suma a nga ki angulei suma kid’iziya suma a nga oîd’a ki tugud’ei d’a tcho d’a kid’iziya d’a dabid’a abozina, mi mba, mi dan ala: Ang mbeya! An mba ni tagang atcha d’a tela hi Gor timinid’a.

1 Amuleina 2:19

Ndat i gen amulâ Salomon á dum zla d’a djivid’a yam Adoniya. Amulâ mi tchol lei akulo á ngavad’u, mi grif kä avorod’u. Bugola, mi hulong mi kak akulo yam zlam mam mba amula. Azong mama mi tin zlam mba dinga yam bigam mba ndjufa; asum ti kak kua.

Vama ndum mbeina 21:2

An we azì ma ngolâ hAlonina, ni Jerusalem mba awili d’a tcholï akulo gen Alonid’a, ti tchugï aset kä, ti min tat d’igi a min gor weid’a á gat avo mi ndjuvut na.

Vama ndum mbeina 19:7

Ei lei furîd’a, ei lei hur ma hapma, ei suburiziya, kayam yima tela hi Gor timinina mi mba wa, amamba ti min wa tat da’.

Jean 3:29

Sama vatchad’ina, mam mi sala tela, wani sala tela banam ma nga tchola ma nga mi humum delema, mi nga ki furîd’a ngola á humum delemu. Kayam ndata, furî manda ndak wa memet.

Sawal la kal teglesa 7:1

Aropma ki yuguneina a dala: Ndak hulongîya, ndak hulongîya, ndak ka Sulam-mba, ndak hulongîya, ndak hulongîya, ar ami gologu! Ni kayam me ba, agi gologi d’a Sulam-mba d’igi suma a gol ades lü ma mbàna na ge?

Vama ndum mbeina 21:24

Suma yam andagad’ina a mba tit kur b’o mamba, amulei suma yam andagad’ina a mba mba ki ndjondjoî mazid’a kurumu.

Isai 49:23

Amuleina a mba mbut nabuyok suma a wulu’â, amulei suma aropma a mba mbut nasuyok suma a wulu’â, a mba grif kä avorok ki irazi andaga, a mba trâk gugum ma huyok ase’â woyo. Ndak mba d’i wala an ni Ma didina. Suma a tin huruzi kana a mba mbut zulona d’i.

Sawal la giled’a 45:13

Suma Tir-râ a mba mba ki he d’a hawa mazid’a, suma ndjondjoî mazid’a kal teglesâ a mba hal djivi maka.

Wana ni mbaktumba hi Job-pa 22:24

Ang tchuk lora woi aduk andaga d’a gugud’upa, ang tchuk lor ra Ofir-ra woi aduk grei ma kur alumina.

Sawal la giled’a 72:10

Amulei suma Tarsis-sâ ki suma yam tilina, a mba mbam ki he d’a hawad’a, amulei suma Saba-na kamulei suma Seba-na a mba hum he d’a hawad’a mi.

1 Amuleina 10:11

Batod’a hamulâ Hiram-mba ti i avo Ofir, ti yoï lora kagu sandalâ ngola kahina d’a guzut kal teglesa teteng ngola mi.

1 Amuleina 2:9

Wani ki tchetchemba, angî sama ned’a. Ang vum d’igi sama bei zlad’a kam ba na na d’i, ang we vama ang le ki sed’ema. Kayam ndata, ang aram mi mit mat ma zlatna d’i.

1 Sunda Hamuleinid’a 1:23

azi pet ni Joktan groma.

Zla d’a d’ogolâ 7:17

An yam wa mbul mirâ, mbul alowena ki mbul sinamoma yam azang mana.