Sawal la giled’a 45:7 - Bible azumeina

⁷ Alona, zlam mang nga amula ni d’a gak didinda. Ang nga te leu manga ni ki d’ingêra.

Sawal la giled’a 45:7 Referans Kwoze

Hebre-na 1:9

Ang min ni d’ingêra, ang noî asa’ata. Ni kayam ndata ba, Alona, Alo mangâ mi manangû, mi vong mbul ma furîd’a kangû, mi hang yima hud’a kal ndrongâ mi.

Sawal la giled’a 21:6

Kayam ndjun manga, subur mamba ti kal ngola, ang hum ngola, zlam nde yina mi.

Sawal la giled’a 33:5

Hurum ve ni d’ingêra ki gagazid’a; od’a hi Ma didinid’a ti oî yam andagad’a.

Efes-sâ 1:3

Ar ei gilei Alona Abu Saleina Jesus Christ ma mi b’e vunam kei zlapa tu ki Christ ki vun mam ma b’e ma lara ge pet ma sä akulona.

Sunda hi suma a sunuzinid’a 2:28

Ang tagan lovot ta i kur arid’id’a. Ang mba oyôn ki furîd’a avorong mi.

Jean 3:34

Mam ma Alona sunumïna, mi de ni zlad’a hAlonid’a, kayam Alona nga mi hum Muzuk mama ni bei ngad’a.

Sawal la giled’a 101:8

An nga ni tchi suma asa’at suma yam ambasina woi burâ ki burâ á dabazi woi kur azì ma ngolâ hi Ma didinina.

Jean 1:16

Ni yam ndak memet mamba ba, ei pet fei sumad’a yam ndrat sumad’a.

Sawal la giled’a 99:4

Ar azi gileng ang amul ma min d’ingêrina. Ni ang ba, tin d’ingêra ki sariya d’a ka d’a irata aduk andjafa hi Jakob-ma mi.

Romê-na 8:29

Kayam suma Alona mi manazi avok deina, mi nga hurum avok á mbud’uzi d’igi Goroma na, kayam Goroma mi ka’î Ma avo’â aduk b’oziyoma ablaud’a.

Sawal la giled’a 89:26

An mba ni hum ad’enga á te yam alum ma ngolâ, yam alum ma gureina mi.

Sawal la giled’a 89:20

Kur bur tu ang nde tang ngeyo, ang de mi mang suma d’engzengâ ala: An had’enga mi man ma gangrang ma dur ayîna, an subur gor azongâ aduk suma.

Sawal la giled’a 11:7

Ma didina ni ma d’ingêrâ, mi min ni sun nda d’ingêra mi; suma d’ingêrâ a mba wum iram mi.

Wana ni Zla d’a Djivi d’a Luc mi b’irita 3:22

Muzuk ma bei tchod’a ba na mi surop kamu, mi hle tam d’igi gugud’a na. Dela ti tcholï akulo, ti dala: Angî Goron ma an hurun vang heîna; tan ndi lan djivid’a heî kangû.

Matiye 3:15

Wani Jesus mi hulong dum ala: Ar ang lan ka tchetchem, kayam ei ndagei vun ahlena pet suma Alona mi minizina. Bugola, Jean mi mina.

Sawal la giled’a 2:2

Amulei suma yam andagad’ina a tchol ki huneîd’a, suma te yamba a ndjak vunazi tu á kak djangûna ki Ma didina ki ma mam minim tinim amulina.

1 Amuleina 19:16

Bugola, ang i pat Jehu Nimsi goroma, ang vom mbulâ kam á tinim amula yam Israel-lâ. Ang vo mbulâ yam Elise Safat ma Abel-Mehola-na goroma mi vrak ma djogon vunana blangângû.

Sunda hi suma hi Levi-nid’a 8:12

Mi vo mbul ma a vom yam sumina yam Aron á tinim iram vamu.

Vama ndum mbeina 21:27

Wani vama ndjendjed’a d’oze sama le sun nda ndjendjed’a d’oze ma ka zlad’a, mba mi kal kur azì máma d’i, wani ni suma a b’irizi simiyêzi kur mbaktum mba arid’a hi Gor timinid’a hol.

Hebre-na 7:26

Jesus ni Ma ngol ma ngat buzu ma ndak memet keina, ni Ma d’ingêrâ, ni Ma bei zlad’a kama, ni Ma bei le tchod’a ba na. Alona mi walam mbei ki suma le tchod’a, mi hlum sä kur akulod’a gevemu.

Hebre-na 2:14

Gro ndazina ni suma ki hliuna ki buzunina. Kayam ndata, Jesus tamba mi mbut tam d’igi azi na. Mi le hina ki mad’am á b’lak Diable ma nga kad’enga hi matnid’a aboma woyo,

Jean 20:17

Jesus mi dat ala: Ndak don ndi, kayam an djak nga gen Abun biya d’i, wani ndak i gen b’oziyona, ndak dazi ala an nga ni djak gen Abun mala nAbugiya na, gen Alo man mala nAlo magina na mi.

Wana ni Zla d’a Djivi d’a Luc mi b’irita 13:27

Mam mba mi dagi kua ala: An nga ni dagi woi mbak: Agi pet ni suma le tchod’ina, an we nga yima agi tchologï kuana d’i, agi hud’ugi sä woi dei gevenu.

Matiye 7:23

Ata yi máma, an mba ni dazi woi ala: Agi suma le tchod’ina, an wagi nga d’i, agi hud’ugi sä woi dei gevenu.

1 Samuel 16:13

Samuel mi hle mbulâ, mi vom yam David avok b’oziyoma. Muzu’â hi Ma didinina mi ve David, mi kak ki sed’em kur bur máma gak kur bur ma avo’â mi. Bugola, Samuel mi hulong avo Rama.

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Isai 11:4

Wani mba mi ka sariyad’a yam suma houd’a ki d’ingêra ki gagazid’a, mba mi we hohowa suma hohou suma yam andagad’ina, zla mam mba ded’a mba d’i mbut ni totogo d’a mi to ki suma yam andagad’ina, mba mi tchi ma asa’atna woi ki fo d’a avunamba mi.