Sawal la giled’a 45:3 - Bible azumeina

³ Ang djif mangâ kal suma pet. Zla d’a sumad’a nga d’i buzuk kei avunangû. Ni kayam ndata ba, Alona mi b’e vunam kang ki iram fafat.

Sawal la giled’a 45:3 Referans Kwoze

Hebre-na 4:12

Kayam zlad’a hAlonid’a narid’a, ti nga d’i le sunda. Te matna kal mbigeu d’a fiyak ka siyat mbàd’a. Nga d’i te gak ti wal tad’a ki muzu’â, gak ti wal ir aso’â kandjulora mi. Ti nga d’i ka sariyad’a yam djib’era hi sana d’a mi ngat kurum krovod’a.

Vama ndum mbeina 1:16

Tchitchiud’a kid’iziya a nga ved’a abom ma ndjufâ, mbigeu d’a fiyak ka te d’a siyat mbàd’a, ti nde woi avunamu. Iram mba gola nga d’i wile d’igi afat ta faleid’a na.

Vama ndum mbeina 19:15

Mbigeu d’a fiyak ka tena heîd’a, ti nde woi avunamu, ni d’a mba mi ka kandjaf sumid’a. Mba mi polozi ki totogo d’a kawei ma wurana, mba mi miret guguzlud’a, d’ala nayîna hAlo ma ad’engêm kal petna na.

Isai 49:2

Mi mbud’un vunan d’igi mbigeu d’a fiyak ka te heîd’a na, mi dugun kä kangus abomu, mi mbud’un d’igi yeû d’a vunat feta dedelemba na, mi ngeyen kä kur azì yeû mamba d’igi ir yeûd’a na.

Sawal la giled’a 96:6

Ngola ki subura ni mamba, ad’eng mamba ki wile mamba a nga kur gong mam mba kud’ora.

Sawal la giled’a 21:5

Mi tcheneng ala ar va mi lum mbi; ang humumu, ang hum bizad’a ablaud’a gak didin.

Vama ndum mbeina 19:21

Suma a arâ a tchazi ki mbigeu d’a fiyak ka nde woi avun mam ma mi nga kaka yam akulumina; aluweina pet a hop ki hliwiziya.

Jude 1:25

Mam tu nAlo ma sud’i yam Saleina Jesus Christ-sâ. Subura ki ngola kad’enga ki yam mba ted’a katchogoi d’a kala pet ki d’a tchetchemba ni mamba gak didin. Amin!

Hebre-na 8:1

Zla d’a kal papa d’a ami dagizid’a ba wana: Ei nga ki ma ngol ma ngat buzu ma i kak sä akulo ata bik ka ndjufa hi zlam mba amula hAlo ma ad’eng ma kal papanina.

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

Romê-na 14:9

Kayam ndata, Christ mi mid’a, mi tchol akulo aduk suma matna karid’a á mbut Sala suma matna ki suma arina mi.

Sawal la giled’a 145:12

Azi mba tak suma yam andagad’ina sun nda ad’eng nga ang lata, ki subur ra kal papa d’a ang nga te ki yambid’a mi.

Sawal la giled’a 145:5

An mba ni de woi yam ngol manga, wile mata ki subur mata, an mba ni djib’er yam sun mang nga ndandala.

Sawal la giled’a 104:1

An min gile Ma didina! Ma didina Alo mana, angî ma ngol ma kal teglesâ, angî ma nga ki subura ki b’o d’a ngal wiwilikina.

Sunda hi suma a sunuzinid’a 10:36

Agi wagi zla d’a Alona mi sunut mi Israel-lâ d’a. Mi sunuzi Zla d’a Djivi d’a b’leng nga halas sa tcholï ata Jesus Christ-sa. Mam mi ma Sala suma pet.

Suma ka sariyad’a 3:16

Ehut mi zle mbigeu d’a fiyak ka siyat mbàd’a, fiyagat ni santimetred’a dok vahl, mi kalat ata d’ik mama kä krovo kur baru mama yam ab’alam ma ndjufâ.

Wana ni mbaktumba hi Job-pa 1:16

Kid’a sama sun ma avo’â nga mi de zlad’a tua d’a, ma sun ma dingâ mi mba, mi de mi Job ala: Akud’a ti tcholï akulo hur alona, ti nde yam tumiyôna kazungeîna, ti ngalazi woi pet. Ni an tu ba, ni sud’a, ni mba á dang wana!

Sawal la giled’a 21:7

Ang mbud’um vama b’e vuna gak didin, ang mbud’um sama le furîd’a avorongâ mi.

Sawal la kal teglesa 2:3

Ti dala: Ma an le kam heî ma aduk gro azungeînina mi ni d’igi agu pom ma aduk agunina na. An min kak ad’u anguzamu, vud’um mbi adjib’eta avunanu.

Sawal la kal teglesa 5:13

Agozlomî d’igi asine ma a pe agu ma his ma afufuîna kua tetengâ na. Vunam ma dalalâ ni d’igi tamas sa mirâ nga mi djang ngei kuad’a na mi.