Sawal la giled’a 44:15 - Bible azumeina

¹⁵ Ang mbud’umi vama lasa mi suma; a nga kidjik yazi ad’umi aduk suma.

Sawal la giled’a 44:15 Referans Kwoze

Sawal la giled’a 69:7

Salad’a, Ma didin ma ad’engêng kal petna, ar suma a tin huruzi kangâ a mbut zulona kan ndi; Alona hi Israel-lîna, ar suma a nga halangâ a mang ngei kayam an nduo mi.

Jeremi 51:51

Suma hAlonina a dala: Zulona mi vami yam ngul la a nga ngulumid’a. Zulona mi vami kekei, kayam andjaf suma dingâ a mba, a tchuk kur gong nga a tinit irat vata hi Ma didinid’a.

Jeremi 3:25

Ami nga burâ kä ki zulo mamina, zulo mamina mi vamiya, kayam ami kabuyomi ki gugurei tami dei gak ini ami nga lami tchod’a avorongû, ami humumi nga dela hi ang Ma didina Alo maminid’a d’i.

Sawal la giled’a 89:45

Ang pad’am subur mamba woyo, ang zud’um zlam mam mba amula kä.

Sawal la giled’a 71:13

Ar suma a nga tchugun zlad’a kana, a mbut zulona, a dap peyo. Suma a nga hal á lan tchod’ina, ar zulona mi laziya, a mang ngei mi.

Esdras 9:6

an tchenem ala: Alo mana, an nga kur tcha d’a tatad’a, an nga ki zulona á hle iran akulo á golongû, kayam tcho mamid’a ti kal ngola, ti kal akulo kamiya; tchila mamid’a ti i gak do hur alona.

2 Sunda Hamuleinid’a 32:21

Ata yi máma Ma didina mi sunï malaikana tu, mi dap suma gangrangâ ki suma nglona ki suma avok suma woi tchid’a kur kangâ hamul ma Asiri-nina. Ata yi máma amul ma Asiri-na mi hulong yam ambas mamba ki zulona, mi kal kur gong nga kud’ora halo mamid’a. Ata yi máma grom suma vuta a tchum ki mbigeu d’a fiyaka.

1 Amuleina 9:7

an mba ni digigi agi Israel-lâ woi kur ambas sa an hagizid’a, an mba ni ge gong nga an tinit irat vat á kud’uron kuad’a woi dei ki sed’en mi. Ata yi máma Israel-lâ a mba mbut ni vama sanda ki vama lasa aduk suma pet mi.

Wana ni mbaktumba hi Job-pa 17:6

Mi mbud’un vama tin ndala mi suma, an mbut sama suma a tuvom ayôna irama,

Hor ma tchina 2:15

Suma a nga kalâ pet a nga tchabozi kagu, a nga tchi kukurup, a nga kidjik yazi kak ndak gor weid’a Jerusalem, a nga dala: Wana nazì ma ngol ma a yum ala Ma djif ma kal tegles mala ni Furîd’a hi suma yam andagad’a petna na ko zu?