Sawal la giled’a 42:9 - Bible azumeina

⁹ Ma didina, ang tagan djivi manga faleya, ar an hle sawal manga andjege á tcheneng ang Alo ma han arid’ina.

Sawal la giled’a 42:9 Referans Kwoze

Sawal la giled’a 38:6

Mbilin mi bu heî, mi his mi, ni kayam lili manda.

Sawal la giled’a 43:2

Alo mana, angî ma ndjununa. Ni kayam me ba, ang gan ndei na ge? Ni kayam me ba, ang aran kur ndaka abo man suma djangûna na ge?

Sawal la giled’a 18:2

Ma didina, an nga ni le kangû, angî ad’eng manda.

Isai 40:27

Agi Israel-lâ, agi suma hi Jakob-ma, mi kayam me ba, agi nga dagi ala: Zla manda ti ni ngeid’a ir Ma didina, sariya manda Alo mana mi wat nga d’uo ge?

Sawal la giled’a 62:2

Nata Alona tu ba, an kak ki halasa; sut manda ti tcholï natamu.

Sawal la giled’a 28:1

Ni sawal la David mi hlata. Ma didina, an nga ni tchi kangû; Ahina manda, ang hle yang ngei kan ndi. Le ang humun nduo ni, an mbut ni d’igi sama mit teina na.

Isai 49:15

Ma didina mi hulongôt humba ala: Na ni atchad’a ti mar yam gorot ma ndat nga d’i hum aponina zu? Ti we hohowa gorot ma ndeï kurutna d’uo zu? Le ti mar kam pî, an mba ni mar kak ki.

Ma tchi wala 4:1

An we djop vun ma suma a nga djobom mi suma yam andagad’a ka hina kua. Gola! Suma a nga djobozi vunazina a nga tchiya, sama mba mi d’igilizi irazina mi nga d’i. Suma a nga djobozi vunazi burâ ki burîna a nga kad’enga kaziya, wani sama mi mba á d’igilizi irazina mi nga d’i.

Sawal la giled’a 88:9

Ang wal buniyôn suma kokodjona woi dei ki sed’enu, ang mbud’un vama ndjendjed’a avoroziya; an nga ni djinda kä, an ndak á nde woi d’i.

Sawal la giled’a 78:35

Azi nga djib’er ala Alona nahina mazi d’a ngei tazid’a; Alo ma sä akulo ma kal teglesâ ni grang mazina mi.

Sawal la giled’a 77:9

O mam mba didin nda mi lat keid’a, ti dap mi daba ki irat fafat tchu? Mba mi dei zlad’a kua bugol luo d’ang zu?

Sawal la giled’a 55:3

Ang tin humang hulongôn humba. An nga ni tcha tata, djib’era kal kan

Sawal la giled’a 13:1

Ni sawal la David mi hlat mi hat mi ma ngolâ hi suma hle sawalina.

Sawal la giled’a 92:3

Ni vama djivina á de zla o mang nga didinda woi ki yorogo tcholola, á de zla d’engzeng manga woi kur andjeged’a