Sawal la giled’a 42:8 - Bible azumeina

⁸ Ndaka nga d’i djang kan kä d’igi mbiyona nga mi djang kä yam ndrama wü na, abil mangâ nga mi sulul kan akulo d’igi sama mbina mi hlubum kä na na.

Sawal la giled’a 42:8 Referans Kwoze

Sawal la giled’a 149:5

Ar suma d’engzengâ a suburumu, ar azi le furîd’a gak yam azang mazina.

Sawal la giled’a 63:6

An mba ni hop pei kahle suma djivina d’igi te ma djivi ma mbulâ na, an mba ni le furîd’a, an mba ni gileng mi.

Sawal la giled’a 16:7

An nga ni suburung ang Ma didin ma nga dan d’alîna, andjege pî djib’er manda nga d’i han ad’enga.

Wana ni mbaktumba hi Job-pa 35:10

Wani sa tu pî mi de nga ala: Alo ma mi lan ma nga mi mba ki sawal la furîd’a andjegena mi ni lara ge d’i.

Gat ta a hat á mbàd’id’a 28:8

Ma didina mi b’e vunam yam ahle suma kur avurei maginina, mba mi b’e vunam kagi kur sun nda lara ge pet ta agi mba lagizi kabogid’a, mba mi b’e vunam kagi kur ambas sa mam nga mi hagizid’a mi.

Sawal la giled’a 133:3

Ni d’igi mbad’ï d’a nga d’i ge yam ahina d’a Hermon nda nga d’i sor kä yam ahina d’a Siyon-ndid’a na mi. Kayam ni kur Siyon ba, Ma didina nga mi b’e vunam yam suma, nga mi hazi ari d’a didinda mi.

Kolos-sâ 3:3

kayam agi bogi wa woyo, ari magid’a sä ngeid’a zlapa tu ki Christ abo Alona.

Sunda hi suma a sunuzinid’a 16:25

Wani tcha andjege dangâla, Paul azi ki Silas a nga tchen Alona, a nga gilem ki sawala. Suma dangeina a nga humuziya.

Matiye 8:8

Ma ngol ma azigarâ abom kisâ mi hulong dum ala: Salana, an ndak nga d’ala ang kal avo hatanu d’a d’i, wani ang de ni zlad’a tu go; azong mana mba mi tchol akulo.

Sawal la giled’a 44:4

Azi hlambasa nga ni ki durâ d’i, azi kus ayîna nga ni kad’eng mazid’a d’uo mi. Wani ni kad’eng manga, ang tin irang kaziya, kayam me ang hurung vaziya.

Isai 30:29

Wani agi suma Jerusalem-ma, agi mba hlagi sawala kur andjeged’a d’igi suma a hle sawala ata yima vun tilîna na. Agi mba lagi furîd’a kurugi krovo d’igi suma a tit ad’u tchina hi taulâd’a á i yam ahinad’a hi Ma didinid’a gen Alona ahinad’a hi Israel-lîd’a na.

Sawal la giled’a 77:6

An nga ni djib’er yam bur ma kal leina, yam biza d’a kal lei dedeid’a mi.

Sawal la giled’a 57:3

An nga ni yang ang Alo ma sä akulo ma kal teglesâ, ang Alo ma nga lahlena pet kana.

Sawal la giled’a 27:1

Ni sawal la David mi hlata. Ma didina ni b’o manda ni ma sud’una; ni nge ba, an mba ni lum mandaram nge? Ma didina ni ma ngomona; ni nge ba, an mba ni zlak abom nge?

Sawal la giled’a 32:7

Angî yi man ma ngeid’a, ang nga ngomon kur ndaka, ang nga nguyun kä ki sawal la bangâna. Tchol ndjö

Sunda hi suma hi Levi-nid’a 25:21

gola! An mba ni b’e vunan kagi kur biza d’a karagayad’a, mba d’i wulugi awuna ndak ir bizad’a hindi.

2 Samuel 22:5

Kayam abilâ hi matnina mi nguyunu, abil matna mi mbud’un mandarâ d’igi mbiyo ma djang wü na na.

Sawal la giled’a 88:8

Ayî mangâ mi nek kanu, abiling van batei. Tchol ndjö

Sawal la giled’a 124:4

Ladjï mi nga ki sed’ei d’uo ni, mbina mi hlubiya wa, aluma mi djang wa keya,

Jonas 2:4

Ang gan kä kur galileina halumina, mbiyo ma djangâ mi nguyunu, abil mangâ nga mi kal akulo kanu.