Sawal la giled’a 39:6 - Bible azumeina

⁶ Gola! Ang ngan burun ni gid’enga d’igi hur abona na, kak man nda yam andagad’id’a ni va avorong ngi. Gagazi, sama lara pî ma nga tchola ad’engina mi ni vama hawa ya’â. Tchol ndjö

Sawal la giled’a 39:6 Referans Kwoze

Ma tchi wala 2:26

Sama mi le Alona tam djivid’ina, Alona nga mi hum ned’a, wed’a ki furîd’a. Wani sama tchona Alona nga mi aram lovota á tok ahlena, mi moloziya, kayam mam hazi woi mi sama mi lum tam djivid’ina. Wan pî, ni hawa hina yak d’igi sana mi dik simetna na!

Jacques 4:14

Agi wagi nga vama mba ndjivina d’i. Agi ni me ge? Agi suma d’igi amborogei d’a ti ge ndjö bugola ti b’rau woid’a na na, agi ni me ko ge?

1 Korente-na 7:31

Ar suma a nga mbut abozi kahle suma yam andagad’ina a ka’î d’igi suma a nga ki va d’uo na na, kayam ahle suma yam andagad’ina a mba kal leyo.

Ma tchi wala 12:13

Zlad’a hi suma ned’id’a ni d’igi kawei ma vunam feta ma a hat kamuzleinina na, ni d’igi ponde ma a b’alam kä ad’enga ngingina na. Zla ndata ni zla d’a ti ndeï avun Ma pol ma tunid’a.

Ma tchi wala 5:14

D’igi mi ndeï woi kur asum na, mi hulongî gandila d’igi mi mbeï na, nga mi hle vama mam kau ki tama abom tu d’uo mi.

1 Pierre 5:7

Agi tchugugi ahle suma a hagi djib’erina pet kamu, kayam mam nga mi ngomogiya.

Wana ni Zla d’a Djivi d’a Luc mi b’irita 12:29

Ar agi halagi vama agi tuma d’oze agi tchuma d’i, ar vunadigagi d’i pat ti.

Isai 55:2

Ni kayam me ba, agi wuragagi beged’a yam vama ala nga ni vama tena d’uo na ge? Ni kayam me ba, agi nga kawagi tagi yam vama nga mi hop sa d’uo na ge? Agi humunu, agi mba tagi vama djivina. agi mba d’orogi kahle suma mbul suma sor kä djudjuguna.

Ma tchi wala 12:8

Kayam ndata, ang djib’er yam Ma langâ, avok ka bei ziyo kawei ma hapma mi djala bei dei ma lora mi to, bei angot ta ganda ti djal kä golongô, bei vama tan mbina mi kus kä golongô,

Ma tchi wala 2:8

An tok kawei ma hapma ki lora ki ndjondjoîd’a hamuleinid’a ki ndjondjoîd’a hi suma nglonid’a yam andagad’a teteng. An yo andjof suma a hle sawala karop suma a hle sawala kahle suma bud’a teteng suma a le suma tazi djivid’ina, an yo aropma ablaud’a mi.

Ma tchi wala 1:14

An gol sun nda a nga lat yam andagad’a ka hid’a pet. An gol ni sun nda hawa yaka, ni d’igi sana mi dik simetna na mi.

Zla d’a d’ogolâ 13:22

Sama djivina mba mi ar djona mi grom ngolona, wani ndjondjoîd’a hi suma tchonid’a mba d’i arî mi suma d’ingêrâ.

Sawal la giled’a 127:2

Agi tchologi akulo yorogo tcholol ni hawa na, agi tugugi tagi atogo d’uo ni hawa na mi. Agi nga kid’eyêgi iragi á fe tena. Ma didina nga mi he tena mi mam suma mam hurum vazina ata yima a nga bur senina.

1 Pierre 1:24

D’igi mbaktumba hAlonid’a ti de na ala: Suma pet a ni d’igi asuna na, subur mazid’a ti ni d’igi b’od’a hasu ma abageinid’a na mi. Asuna mi so, b’o mamba ti yak keyo,

Jacques 5:3

Lor magid’a ki bege magi d’a hapa a tchor wa. Tchor ndata mba d’i le glangâs ma tchona kagiya, mba d’i ngalagi hliwigi d’igi akud’a na mi. Agi togogi wa ndjondjoî magid’a yam bur ma dabid’a.

Zla d’a d’ogolâ 27:24

kayam ndjondjoîd’a nga d’i kak didin ndi, avaval la amula mba d’i i avogovok kur atchogoi d’a lara ge pet tuo mi.

Zla d’a d’ogolâ 23:5

Ang min tin irang yam ndjondjoî d’a kal leina zu? Gagazi, ndjondjoîd’a nga d’i min gigingâ d’igi agigilauna na, ti pir akulo aduk alona, ti vit teyo.

Wana ni mbaktumba hi Job-pa 7:7

Alona, ang djib’era, ari manda ni d’igi simetna na, iran dok we djivid’a d’uo d’a.

Wana ni mbaktumba hi Job-pa 7:16

An gol tan is, an min kak ki iran tatâ d’i. Ang aranu, kayam an ndak va d’i!

Wana ni mbaktumba hi Job-pa 14:1

Job mi de kua ala: Sama atchad’a vud’uma, burumî akid’eid’a hina yegre, mi ni oîd’a ki ndaka mi.

Sawal la giled’a 89:48

Ang djib’er yam burunu, mi ni gid’enga, sana mi we d’uo ni d’igi ang le suma ná bad’a woi hawa na.

Sawal la giled’a 144:4

Sana mi ni d’igi fo d’a avun sanid’a na, burumî d’igi angusâ nga mi pret na mi.

Wana ni Zla d’a Djivi d’a Luc mi b’irita 12:26

Le agi ndagagi á le va ngiyeû d’uo ni, ni kayam me ba, agi djib’eregi yam ahle suma arâ ge?