Sawal la giled’a 36:4 - Bible azumeina

⁴ Zla d’a de d’a ndavunamba ni zla d’a kad’a ki lop ira, ne d’a tinim á le sun nda djivid’id’a, mi wal tam mbei ki sed’ed’u.

Sawal la giled’a 36:4 Referans Kwoze

Mise 2:1

Ni zla d’a hohoud’a yam suma a nga nga huruzi andjege á le tchod’ina. Ata yima yina fona, azi ndak vun tcho mazi ndata ata yima azi nga kad’enga abozina.

Zla d’a d’ogolâ 4:16

Kayam le a le nga tchod’a d’uo ni, a nga bur sen ndi; le a b’lak nga sa d’uo ni, sen nga mi vazi d’uo mi.

Romê-na 12:9

Ar o magid’a ti ka’î od’a bei lop ira. Ar agi noyôgi tchod’a woyo, ar agi vagi ahle suma djivina ad’enga.

Isai 65:2

An nga ni mat abon burâ ki burâ mandjaf suma bei hum vuna, ni suma a nga tit hur lovot mazi d’a tchod’a yam djib’er mazid’ina.

Vama ndum mbeina 2:2

An wahlena pet suma ang lazina, an we sun mang nga kaud’a. Ang nga ve tang ki suma tchona d’i, ang kuk wa suma a yi tazi ala azi ni suma a sunuzina na, wani azi ni suma a sunuzi d’uo na, ang vazi ad’uzi woi ala azi ni suma ka zlad’a.

Sawal la giled’a 97:10

Agi suma lagi yam Ma didinina, agi noyôgi tchod’a woyo! Mam nga mi ngom arid’a hi mam suma d’engzengîd’a, nga mi prud’uzi woi abo suma asa’atna mi.

Romê-na 1:32

Sum ndazina a we sariyad’a hAlonid’a ala suma a nga lahle suma hina na a ndak á tchid’a. Wani azi nga i avogovok á lahle ndazina, wani vama kalâ, a nga ndjak vunazi ki suma a nga lahle ndazinina mi.

Sunda hi suma a sunuzinid’a 23:12

Kid’a yina mi fo dad’a, Juif-fâ a tok taziya, a gun tazi ala azi mba te d’oze tche va d’i gak azi tchi Paul mbeî tua.

Matiye 27:1

Kid’a yina fo dad’a, nglo suma ngat buzuna ki zlazi pet ki suma nglona hi Juif-fîna a ndjak vunazi yam Jesus á tchum mbeyo.

Mise 6:8

Nga na d’i! Ang sana, a tagang wa vama djivina, vama Ma didina mi halam atangâ ba wana: Ang tit ni yam d’ingêra, ang le yam djivid’a, ang ge yang kä avok Alo mangâ luluma.

Amos 5:15

Ar agi noyôgi tchod’a woyo, agi lagi yam djivid’a, ar agi tinigi sariya d’a d’ingêra. Hina wani, dam Ma didina Alo ma ad’engêm kal petna mba mi we hohowa andjafâ hi Josef ma arâ kla.

Jeremi 8:6

An tin human nga ni huma, wani a nga de zla d’a ndak á ded’a d’uo d’a. Sama adigazi ma mi mbut hurum yam asa’at mamba ma mi dala: An le ni me na ge na nga d’i. Azi pet nge nge pî mi b’at tam á i yi máma d’igi akulum ma mi b’at tam á i dur ayînina na.

Jeremi 6:16

Ma didina mi de kua ala: Agi i tchologi avun lovota, agi gologiya, agi dagi tagi yam lovot ta adjeud’a ala: Lovot ta djivid’a ni d’a lara ge? Agi tid’igi kuru. Hina wani, agi mba fagi tuk tad’a. Wani azi hulong dala: Ami min tid’imi kur ri.

Zla d’a d’ogolâ 24:23

Wana ni zla d’a tcholï ata suma ned’id’a: Nga djivid’a á ka ir suma ata yima ka sariyad’a d’i.

Sawal la giled’a 52:3

Ang sama le suma kad’eng mangina, ni kayam me ba, ang subur tang yam tcho mang nga led’a na ge? Od’a hAlonid’a ti nga ni burâ ki burâ.

Sawal la giled’a 38:12

Buniyôna ki ndrona a tchol sä woi hina dei abo mbil mana, simiyên a tchol sä woi hina dei mi.

Wana ni mbaktumba hi Job-pa 15:16

ni nana ba, mba mi tin hurum yam sama ndjendje ma tchim ma nga mi tche tchod’a d’igi sana mi tche mbina na na ge?

Ester 6:4

Ata yi máma amulâ mi dazi ala: Ni nge ba, mi nga hur azina ge? Wani Haman mi mbeï nga hur azina abu teu á djop amulâ yam Mardose á gabam akulo ata agu ma mam minim kama.

Ester 5:14

Ata yi máma amamba Zeres ki buniyôma pet a dum ala: Ang min aguna fiyagam mba akulod’a metred’a dok mbà yam vahl. Ndjivin yorogo ang djop amulâ kayambala ang gap Mardose akulo kua d’a. Hina wani, ang mba i ata yima te ma luna kamulâ ki furîd’a. Zla ndata le Haman tam djivid’a, mi min aguna mi.

1 Samuel 19:11

Saul mi tchuk suma avo hi David á ndjolom á tchum yorogo. Wani Mikal atchad’a hi David-ta, ti mba d’i dum ala: Ang le ring andjege hî d’uo ni, a mba tchang yorogo.

Zla d’a d’ogolâ 24:2

Djib’er mazid’a ni yam murud’um mba led’a, zla d’a ndavunazid’a ti mba ni ki ndaka.

Jeremi 4:22

Ma didina mi dala: Gagazi, sum mana yazi nga d’i. A wan nga d’i, a ni gro suma lilid’a, suma bei wad’ud’a, a ne heî ná le tchod’a hol, a we nga djivi d’a led’a d’i.