Sawal la giled’a 35:1 - Bible azumeina

¹ Ni sawal la David mi hlata. Ma didina, ang nde man suma djangûna ayîna, ang dur ayîna ki suma a nga dur ayîna ki sed’ena.

Sawal la giled’a 35:1 Referans Kwoze

Sawal la giled’a 43:1

Alo mana, ang kan sariya manda, ang ngomon abo andjaf suma bei we hohowa suma, ang prud’un ndei abo suma lemba ki suma mbut ira.

Sawal la giled’a 119:154

Ang ve zla manda abongû, ang ndjununu, ang aran an kak ki iran yam vun mang ma hled’a.

Jeremi 51:36

Ni kayam ndata ba, Ma didina mi dala: Gola! An nga ni ndjun kagu, an mba ni sak atchugulugu, an mba ni so alum ma ngol ma Babilon-na woyo, an mba ni so mbiyo mat ma laud’a woi mi.

Isai 49:25

Ma didina mi dala: Gagazi, magumeina hi grang suma durâ, a mba yozizi woi aboziya; vama ma te yam suma kad’engina mi hluma, a mba bad’amzi woi abomu. An mba ni dur ayîna ki mak suma djangûna, an mba ni sud’uk gro’â woi mi.

Zla d’a d’ogolâ 23:11

Kayam sama mi sazi atchuguluzina ni ma ad’engêm kal petna, mba mi ndjun kazi á kak djangûna ki sed’eng mi.

Hor ma tchina 3:58

Salad’a, ang ndjun wa kanu, ang sud’un ndei mi.

Zla d’a d’ogolâ 22:23

Kayam Ma didina nga mi ndjun kaziya, mba mi b’lak suma a b’lagazina woi mi.

1 Samuel 24:15

Ni nge ba, ang amul ma Israel-lâ i atam á durâ ge? Adi ma matna d’oze b’ab’a’â zu?

Buzuk ka Abud’a 14:25

Mi d’elezi abo pus mazi ma dur ayîna á djangâ, nga mi pret ti. Ata yi máma Ezipte-na a dala: Ei ringî woi avok Israel-lâ, kayam Ma didina nga mi duri kaziya!

Sunda hi suma a sunuzinid’a 5:39

Wani le d’i tcholï nata Alona gagazi ni, agi ndak á b’lagat tei d’i. Ar á gologi d’igi suma dur ayîna kAlonina na d’i.

Sunda hi suma a sunuzinid’a 23:9

Yalâ tchol akulo ngola. Suma ding suma hat gata hi Fariziyênina a tchol ki tuguyod’a, a dala: Ami wami nga vama tcho yam sa máma d’i. Le ba muzu’â d’oze malaikana mi dum zlad’a ni, agi mba lagi ni nana d’ang nge?

Mise 7:9

Ami mba vami tami kur ayîna hi Ma didinina, kayam me ami lami tchod’a avoromu. Wani yina nga mi mba, mba mi ndjunumiya, mba mi kami sariya mamid’a mi. Mba mi ndami woi kur b’od’a, ami mba golomi d’ingêr mamba mi.

Nehemi 4:20

Kayam ndata, le agi humugi adifa tchina ata yima agi nga kuana ni, agi togogï gevemiya; Alo meina mba mi dur ayîna keya.

Josue 10:42

Josue mi hlambasa kamulei matna pet ni kur nde d’a mi ndeza durâ yam tu ndata, kayam Ma didina Alona hi Israel-lîna nga mi dur kaziya.

Buzuk ka Abud’a 14:14

Ma didina mba mi dur ini kagiya, wani agi kagagi ni ki vunagi ma du’â.

Buzuk ka Abud’a 23:22

Wani le agi humum vunamu, le agi lagi ahlena pet suma an dagi kazina ni, an arî ma djangûna hi suma djangû maginina, an mba ni noî suma a noyôgina mi.