Sawal la giled’a 34:19 - Bible azumeina

¹⁹ Ma didina mi nga go ki suma huruzi b’la’â, nga mi sut suma huruzi nga mi vazi yam tcho mazid’ina mi.

Sawal la giled’a 34:19 Referans Kwoze

Sawal la giled’a 34:17

Ma didina mi mbut iram á kak djangûna ki suma asa’atna, á hled’ezi woi yam andagad’a tala sa djib’er kazi bugol luo d’a.

2 Korente-na 4:17

Ndak ka afefet ta nga d’i lami kä ndjö wanda, mba d’i mba ki subur ra ngol la didinda, kal ndak ka ka tchetchem wanda.

Jean 16:33

An dagi ahle ndazina, ni yam zlap pa tu d’a ki sed’enda ba, agi mba fagi b’leng nga halasa. Agi mba fagi vun ma djopa kur duniyad’a ka hî, wani agi vagi tagiya, an kus wa yam duniyad’a.

Sawal la giled’a 34:6

Suma a hle irazi á goloma, irazi b’o woyo, azi nga mbut zulona d’i.

Sawal la giled’a 34:4

Agi hagi ngola mi Ma didina zlapa ki anu; ei pet suburum simiyêm mi.

Zla d’a d’ogolâ 24:16

Kayam sama d’ingêrâ le mi puk kä yam kid’iziya pî, mba mi tchol akulo, wani suma asa’atna a nga tchuguzi kä kur ndaka atogo zak.

Wana ni mbaktumba hi Job-pa 5:19

Mba mi sud’ung ngei kur ndaka yam karagaya. Le ndaka mba kang yat kid’iziya pî, mba d’i dong nguo mi.

Sawal la giled’a 71:20

Ni ang ba, mbami ndak ka ngola kami ki hohoud’a, wani ang mba hulong hami arid’a, ang mba hlan ndei kur zul la yiyika mi.

Wana ni mbaktumba hi Job-pa 42:12

Ma didina mi b’e vunam yam kaka hi Job pa bugola kal kak mam mba avoka. Job mi nga ki tumiyôna 14.000, djambala 6000, amuzleina kakapa 1000 ki koro d’a aropma 1000 mi.

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.

Wana ni mbaktum mba a b’irit yam Rut-ta 1:3

Elimelek mi mid’a, wani amamba Naomi ti ar kaka ki grot suma mbàna.

Sawal la giled’a 51:19

Alo mana, vama ngat buzu ma ang minima ni mbut ta d’a hohou d’a avoronga; Alo mana, ang nga noî hur man ma b’laka ki ge yam man nda kä d’a woi d’i.

Sawal la giled’a 147:3

nga mi b’leng hur suma huruzi b’la’â, nga mi djinizi mbilizi mi.

Isai 55:6

Agi halagi Ma didina kid’a mi nga tua d’a; agi yum kid’a mi nga go ki sed’egi tua d’a.

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.