Sawal la giled’a 34:1 - Bible azumeina

¹ Ni sawal la David mi hlat ata yima mi mbut tam d’igi sama lilid’a na avok Abimele’â. Abimelek mi digim mbei avoromu, mi ge tam mi i mi.

Sawal la giled’a 34:1 Referans Kwoze

1 Tasaloni’â 5:18

Agi lagi mersi mAlona yam ahlena pet. Wana ni minda hAlona d’a yam kak magid’a zlapa tu ki Jesus Christ.

Kolos-sâ 3:17

Kur ahlena pet suma agi lagizina, le ni zla d’a ded’a, d’oze le ni sunda, ar agi lagizi pet ni ki simiyê Salad’a Jesus. Agi lagi mersi mAbui Alona ki simiyêm mi.

Efes-sâ 5:20

Ar agi lagi mersi teteu mAbui Alona yam ahlena pet ki simiyê Saleina Jesus Christ mi.

Sawal la giled’a 71:8

Hurun nga oîd’a ki furîd’a á gilengû, á suburung burâ ki burâ mi.

2 Tasaloni’â 2:13

B’oziyomi suma Salad’a mi le kagi heîna, ami nga lami mersi mAlona teteu kagiya. Agi ni suma Alona mi managi avok dei á fe suta yam ad’enga hi Muzuk mam ma mbud’ugi sum mama yam gagazi d’a agi hatina.

Sunda hi suma a sunuzinid’a 16:25

Wani tcha andjege dangâla, Paul azi ki Silas a nga tchen Alona, a nga gilem ki sawala. Suma dangeina a nga humuziya.

Sawal la giled’a 71:6

An tin hurun kangî ei kur asun dei, ni ang ba, ndanï woi kur asunu. Kayam ndata, an nga ni gileng teteu.

Zla d’a d’ogolâ 29:25

Sama mi le mandara sumina mi gun ni dauna kä kamu, wani sama mi tin hurum yam Ma didinina, va nga mi lum mbi.

2 Tasaloni’â 1:3

B’oziyomina, ami nga lami mersi mAlona teteu kagi nata yad’u, kayam he gagazi magid’a nga d’i wul heî, o magi d’a agi nga lat yam tagid’a nga d’i zul avogovok mi.

Sunda hi suma a sunuzinid’a 5:41

Hina, suma a sunuzina a buzuk kei ata yima b’ak zlad’a, a nga le furîd’a kayam azi ndak á fe djop vuna yam simiyê Jesus.

Ad’u Tinda 20:2

Abraham nga mi dala amamba Sara ni wiyemba. Ni kayam ndata ba, Abimelek amul ma Gerar-râ, mi vad’u.

Ad’u Tinda 26:1

Baktarad’a ti nde yam andagad’a d’igi ti ndadjeu kur atchogoid’a hi Abraham-mba na mi. Isak mi i Gerar avo hi Abimelek amul ma Filistê-na.

1 Samuel 21:11

Azungeîna hi Akis-sâ a dum ala: Wana ni David amul ma yam andaga d’a Israel-lina d’uo zu? Ni ma a lü ndjongâ a hle sawala kam ala: Saul mi tchi suma dubu; David mi tchi dudubud’a dogo na d’uo zu?