Sawal la giled’a 33:11 - Bible azumeina

¹¹ Wani nga hurâ hi Ma didinina mi nga burâ ki burâ, djib’er ra kurum krovod’a ti nga ni kur atchogoi d’a lara ge pet mi.

Sawal la giled’a 33:11 Referans Kwoze

Zla d’a d’ogolâ 19:21

Djib’er ra kur sanid’a nablaud’a, wani ni nga hurâ hi Ma didinina ba, mba mi ndagat vunad’u.

Isai 46:10

An nga ni de woi kad’u tinda dei yam vama nga mi mbana, an nga ni de woi avok dei yam vama nga bei mbad’a tua na mi. Nga hur mana mba mi le djivid’a, an mba ni ndak vun ahle suma an nga hurun kazina pet mi.

Wana ni mbaktumba hi Job-pa 23:13

Vama mam dala: Le ni hina na, ni nge ba, mi ndak á d’elem ge? Vama mam hurum vum á luma, mi nga mi lumu.

Jeremi 29:11

Ma didina mi dala: An we nga hur ma an ngam kagina. Ni nga hur ma halasâ, nga ni ndaka d’i, á hagi vama djivi ma nga mi mba ma agi mba tinigi hurugi kama.

Hor ma tchina 3:37

Ni nge ba, mi de ba ahle ndazina a le ge? Ni Salad’a ba, mi he vuna d’uo zu?

Isai 14:24

Ma didin ma ad’engêm kal petna mi gun tam ala: Gagazi, vama an djib’erem kuruna mba mi le hina, vama an nga hurun kama mba mi le hina mi.

Isai 14:27

Ma didin ma ad’engêm kal petna, le mi nga hurum á le va ni, ni nge mba mi d’elem ge? Le mi zi abom kam akulo ni, ni nge mba mi hlum mbei ge?

Daniel 4:37

Ki tchetchemba, an Nebukanezar an nga ni gile amul ma akulona, an nga ni hum ngola, an nga ni suburum mi, kayam sun mamba pet ni gagazid’a, lovot mam mba tita pet ni d’ingêr. Ni ma nga mi hulong suma a subur tazina yazi kä na mi.

Efes-sâ 1:11

Kayam ndata, mi zlabei tu ki Christ, mi mbud’i sum mama, mi manei avok dei yam nga hur mama, mi lahlena pet d’igi mam nga hurum avok dei á led’a na mi.

Sawal la giled’a 92:5

Ma didina, an nga ni le furîd’a yam sun mang nga ang lata! An nga ni de woi yam sun nda ang lat kabonga mi.

Mise 4:12

Wani azi we nga djib’era hi Ma didinid’a d’i, a we nga nga hur mama d’uo mi. A we nga d’ala mi togoziya wa d’igi sana mi tok mbugulud’a kä ambid’ak na d’a d’i.

Sunda hi suma a sunuzinid’a 15:18

Gola! An Ma didin ma tak ahle ndazina woi kur atchogoi d’a kalina, ni de na.

2 Amuleina 19:25

Ang Sanakerip, ang we djiviya! Ni an Ma didina ba, ni min ahle ndazina dedei. An nga hurun á lahle ndazina navok dedei. Ki tchetchemba, an nga ni ndagazi vunazi wana. Ni an ba ni hang lovota á to azì ma nglo ma ad’eng ma ngunguna kä woyo.

Ma tchi wala 3:14

An wahle suma Alona mi lazina pet, a nga nata yazi hina gak didin; vama a ge kam kuana nga d’uo mi na, vama hlum mbeina nga d’uo mi. Alona mi le hina kayam suma a lum mandaramu.