Sawal la giled’a 32:1 - Bible azumeina

¹ Ni sawal la David mi hlata. Sama Alona mi vat hurum mbei yam tchila mamba mi zlubum yam tcho mamba kä mi na, mi le furîd’a.

Sawal la giled’a 32:1 Referans Kwoze

Isai 44:22

An has tchila magid’a woyo, an has tcho magid’a woi mi. A val lei d’igi d’ugula ti val lei na. Agi hulongôgi gevenu, kayam an wurak kagi ni wuraga.

Sawal la giled’a 85:2

Ma didina, ang we hohowa ambas manga, ang hulongî andjafâ hi Jakob suma a yozi magombina.

Isai 43:25

Ni an ba, nga ni has tcho magid’a woi yam o man nda kagid’a, an mba ni djib’er yam tcho magid’a bugol luo d’a.

Vama ndum mbeina 22:14

Suma a nga mbus baru mazid’a a mba le furîd’a. Ni azi ba, mba fe lovota á te vud’agu ma he arid’ina, a mba kal ata vun azì ma ngol máma krovo mi.

Isai 1:18

Ma didina mi dala: Mbeigïya, ei dei tei zlad’a. Le tcho magid’a ti ni hleud’a diliu pî, mba d’i mbut hapa d’igi nesâ na; le d’i ni hleud’a kekeng d’igi gangeîna na pî, mba d’i b’o hapa d’igi b’od’a hi tamasid’a na.

Sawal la giled’a 40:4

Mi had’an sawal la awilid’a á gilem mam Alo meina. Suma ablaud’a a mba we hina, a mba le mandarâ, a mba tin huruzi yam Ma didina mi.

Sawal la giled’a 106:3

Suma a nga tit yam gatina a le furîd’a, suma a nga le sunda yam d’ingêra teteu na a le furîd’a mi.

Wana ni Zla d’a Djivi d’a Luc mi b’irita 11:28

Wani Jesus mi hulong dat ala: Suma a nga hum zlad’a hAlonid’a a nga ge yazi kä ad’utna, a mba le furîd’a kala.

Sawal la giled’a 53:1

Ni sawal la gile d’a David mi hlat mi hat mi ma ngolâ hi suma hle sawalina.

Sawal la giled’a 42:1

Ni sawal la Kore groma a hlat a hat mi ma ngolâ hi suma hle sawalina.

Matiye 16:17

Jesus mi hulong dum ala: Ang Simon Jonas goroma, ang le furîd’a, kayam ni sana ba, mi tagang gagazi ndata d’i, wani nAbun ma sä akulona.

Sawal la giled’a 128:1

Ni sawal la suma a djak Jerusalem á lü vun tilîna a hlata. Sama ring mandara Ma didina ma tit kur lovot mamba mi na, mi le furîd’a.

Sawal la giled’a 89:15

D’ingêra ki sariya d’a ka d’a irata nad’u ged’a hi leu mang nga ted’id’a, o mang nga didinda ki gagazid’a a nga tit avorongû.

Sawal la giled’a 84:12

Ma didina, Alo mamina, angî afata, angî mbareid’a, angî ma ve sumad’a, angî ma subur suma, ang nga d’el djivi manga mi suma a nga tit d’ingêr avorongâ d’i.

Sawal la giled’a 52:1

Ni sawal la gile d’a David mi hlat mi hat mi ma ngolâ hi suma hle sawalina.

Sawal la giled’a 45:1

Ni sawal la Kore groma a hlat kadingâ a hat mi ma ngolâ hi suma hle sawalina. Ni sawal la od’a.

Sawal la giled’a 55:1

Ni sawal la gile d’a David mi hlat kadingâ mi hat mi ma ngolâ hi suma hle sawalina.

Nehemi 4:5

Ang vat hurung ngei kazi d’i, ang has tcho mazid’a woi avorong ngi, kayam azi nga ngulumi ami suma nga minimi gulumunina.

2 Samuel 12:13

David mi de mi Natan ala: An le tchod’a avok Ma didina! Natan mi de mi David ala: Ma didina nga mi vat hurum mbei yam tcho manga, ang mba mit ti.

Sawal la giled’a 103:3

Mam mi ma vat hurum mbei yam tcho mandina; mam mi ma sud’un ndei kur tugud’ei mandina.