Sawal la giled’a 31:11 - Bible azumeina

¹¹ An nga kur pupuluka, an nga ni zam tan bizad’a ki bizad’a, ad’engên dap wa woi abo tcho manda, asogon mi kus wa d’ad’ameî mi.

Sawal la giled’a 31:11 Referans Kwoze

Sawal la giled’a 38:11

Vunadigan nga d’i tumun ngola, ad’engên nga d’i, iran nga d’i we d’uo mi.

Sawal la giled’a 88:8

Ayî mangâ mi nek kanu, abiling van batei. Tchol ndjö

Matiye 26:56

Wani ahle ndazina a le hina pet ná ndak vun b’ira hi suma djok vun Alonid’a memet. Ata yi máma, mam suma hata pet a aramu, a ringâ.

Sawal la giled’a 88:18

Kur burâ kaf azi nga nguyun d’igi mbina ngui sana na, azi nga nguyun ata yima lara ge pet mi.

Isai 49:7

Ma didin ma wurak yam suma ma tin tam irat vat yam Israel-lîna, mi de mi sama suma a golom isâ, mi sama andjaf suma a golomî vama ndjendjed’ina, mi magoma hi suma te yambina ala: Amuleina a mba wangû, a mba tchol akulo avorong mi. Suma nglona a mba grif kä avorong yam an Ma didin ma d’engzeng ma an tin tan irat vat yam Israel ma ni manangâ.

Sawal la giled’a 64:8

Wani Alona nga mi yed’ezi ki yeû mamba, nga mi yed’ezi ki mbuleina bei azi we ba.

1 Pierre 4:14

Le suma a nga ngulugi kayam agi ni suma hata hi Christ-sâ ni, agi lagi furîd’a, kayam Muzuk ma subura hAlonina mi nga kaka kagiya.

Hebre-na 13:13

Kayam ndata, ei i gevem bugol azina, ei vei tei kur lasa d’igi mam na mi.

Hebre-na 11:36

A las suma dingâ ki sanda, a to suma dingâ ki blafâ, suma dingâ a djinizi ki kindjingâ, a tchuguzi dangeina mi.

2 Timote 4:16

Wani ata yima sariya man nda avoka, sa nga ki sed’en ndi, wani azi pet a aranu. Ar Alona mi ndum tcho ndata kazi d’i.

Romê-na 15:3

Kayam Christ tamba mi hal nga vama mi lum tam djivid’ina d’i, wani d’igi mbaktumba hAlonid’a ti de na ala: Ngul la suma a nga ngulunga ti hulong kanu.

Marik 14:50

Ata yi máma, mam suma hata pet a aramu, a ringâ.

Matiye 26:74

Wani mi nde yahlena kamu, mi gun tam ala: An we nga sa máma d’i. Ata yi máma na wat, ahle’â mi hela.

Mise 7:6

Kayam gorâ mba mi ngul abumu, gora mba d’i tchol huneîd’a kasud’u, atchad’a akunot ta hi gorotnid’a mba d’i tchol huneîd’a ki sed’ed’u, nge nge pî suma avo hatama a mba kak djangûna ki sed’emu.

Jeremi 12:6

Kayam b’oziyongâ tazid’a ki suma habungâ a nga mbud’ung irang a nga er ad’uzi akulo ad’ung mi. A le nga dang zla d’a djivid’a pî, ang he gagazid’a kazi d’i.

Sawal la giled’a 22:6

A tchi kangû; ang sud’uziya; a deng tazi atangû; a mbut nga zulona d’i.