Sawal la giled’a 29:11 - Bible azumeina

¹¹ Ma didina nga mi had’enga mi sum mama; Ma didina nga mi b’e vunam yam sum mama ki b’leng nga halasa.

Sawal la giled’a 29:11 Referans Kwoze

Isai 40:31

Wani suma a tin huruzi yam Ma didinina a nga fad’eng nga dinga kam kua, a nga pir d’igi b’aruna na, a nga ringâ, a nga seî d’i; a nga tid’a, a nga kau d’uo mi.

2 Tasaloni’â 3:16

Ar Salei ma b’leng nga halasa, mi hagi b’leng nga halasa teteu ata yina pet. Ar Salad’a mi kak ki sed’egi pet mi.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Jean 16:33

An dagi ahle ndazina, ni yam zlap pa tu d’a ki sed’enda ba, agi mba fagi b’leng nga halasa. Agi mba fagi vun ma djopa kur duniyad’a ka hî, wani agi vagi tagiya, an kus wa yam duniyad’a.

Isai 40:29

Mi nga mi had’enga mi sama kauna, nga mi had’enga mi sama ad’engêm ar go á dapina.

Sawal la giled’a 68:35

Agi dagi woi yam ad’enga hAlonid’a. Ngol mamba nga yam Israel-lâ, ad’eng mamba nga akulo hur d’ugula mi.

Sawal la giled’a 37:11

Wani suma lulumana a mba tandagad’a djona, azi mba le furî d’a ngola kur b’leng nga halas sa kal teglesa.

1 Korente-na 1:3

Ar sumad’a ki b’leng nga halasa hAbui Alonid’a ki d’a hi Saleina Jesus Christ-sa a kak ki sed’egid’a.

Romê-na 14:17

Kayam leud’a hAlonid’a nga ni yam vama te d’oze vama tche d’uo mi, wani ni d’ingêra, b’leng nga halasa ki furî d’a Muzuk ma bei tchod’a ba na mi heizid’a.

Jean 14:27

An aragi b’leng nga halasa, an hagi b’leng nga halas manda, an hagizi nga ni d’igi suma duniyad’a a nga he na d’i. Ar hurugi mi hat ti, ar agi lagi mandar ruo mi.

Zakari 10:12

An mba ni hazi ad’enga, a mba tit ni ki simiyênu. Ni an Ma didina ba, ni de na.

Efes-sâ 3:16

An nga ni tchen Alo ma subur mamba kal teglesâ, kayam mi hagi ad’enga kurugi kad’enga hi Muzuk mamid’a.

Sawal la giled’a 138:3

Kur bur ma an yangâ, ang humunu, ang siranu, ang han ad’enga atan mi.

Zakari 10:6

An mba ni had’enga mi suma Juda-na, an mba ni sut suma hi Josef-fâ, an mba ni hulongôzï ata yaziya, kayam an wazi hohowoziya. Azi mba mbut ni d’igi suma an arazi woi d’uo na na, kayam an ni Ma didina Alo mazina, an mba ni hum tchen mazid’a mi.

Sawal la giled’a 72:3

Ar ahuniyô suma Israel-lâ a mba ki duzîd’a, ar yi mat ma ndingâ mi zul ahlena yam d’ingêra.

Efes-sâ 2:17

Hina, Christ mi mba, mi tchi wal Zla d’a Djivi d’a b’leng nga halasa mi agi andjaf suma ding suma woi deina, mi Juif suma go ki sed’ema mi.

Sawal la giled’a 85:8

Ma didina, ang tagami o mang nga didinda, ang sud’umiya.

Sawal la giled’a 84:7

Ata yima azi nga kal kur hor ra Baka-d’ina, ti mbut hor ra djang mbina avoroziya, alo ma hod’ogeid’a mi mbud’ut ni yima a b’e vuna kama.

Vama ndum mbeina 1:4

An Jean nga ni b’ir mbaktumba mi agi Tok ka kid’iziya d’a kur ambas sa Asi-d’id’a. Alo ma nga na, ma nga adjeu deina, ma nga mi mbana azi ki muzuk mam ma kid’iziya ma nga avok zlam mba amulina zlapa ki Jesus Christ ma glangâs ma d’engzengâ, ni Gor ma a vud’um avok ma tchol akulo avok kikidji aduk suma matna karid’ina, mam mi amul ma kal teglesâ hamulei suma yam andagad’ina, a vagi sumad’a ki b’leng nga halasa. Christ ni ma le keina, ni ma pad’ei woi kur tcho meid’a ki buzuwama.

Sawal la giled’a 85:10

Gagazi, sut mamba ti nga go ki suma a nga lum mandarama tala subur mamba mba d’i kak yam ambas meid’a d’a.

2 Timote 4:17

Wani Salad’a mi nga tchola gevenu, mi han ad’enga á tchi wala ata yina pet kayam andjaf suma dingâ pet a huma, mi prud’un ndei avun azlona mi.

Sawal la giled’a 72:7

Kur atchogoi mamba, suma d’ingêrâ a mba zul avogovogo. Suma a mba kak ki b’leng nga halasa gak dabid’a hatchogoid’id’a.

Isai 26:12

Ma didina, ang ngomomi ki halasa, kayam ahle suma ang nga lazi kamina pet, ni ang ba, ndagazi vunaziya.