Sawal la giled’a 27:14 - Bible azumeina

¹⁴ Ang tin hurung yam Ma didina, ang ve tang ad’enga, ar tang tchuk lus si. Ang tin hurung yam Ma didina.

Sawal la giled’a 27:14 Referans Kwoze

Isai 40:31

Wani suma a tin huruzi yam Ma didinina a nga fad’eng nga dinga kam kua, a nga pir d’igi b’aruna na, a nga ringâ, a nga seî d’i; a nga tid’a, a nga kau d’uo mi.

Sawal la giled’a 31:24

Agi suma d’ingêrâ hi Ma didinina, agi lagi kamu. Ma didina nga mi ngom suma a hum gagazid’ina, nga mi gat suma yam mba ad’enga gat ta tchod’a.

Isai 30:18

Kayam ndata, Ma didina nga mi djup á vagi sumad’a, mba mi tchol akulo á wagi hohowogi mi, kayam Ma didina nAlo ma d’ingêrâ. Suma a tin huruzi kama pet a nga le furîd’a!

Sawal la giled’a 37:34

Ang tin hurung yam Ma didina, ang tit kur lovot mamba; mam mba mi hlang yang akulo, ang mba tandagad’a djona. Fata mi tchi suma asa’atna woid’a, ang mba wazi ki irangû.

Sawal la giled’a 130:5

An nga ni tin hurun yam Ma didina ki tan pet, an nga ni djup mi zla mam mba ded’a.

Filip-ma 4:13

An ndak á lahlena pet yam ad’eng nga Christ mi handjid’a.

Habakuk 2:3

Kayam zla d’a ndat teid’a mba d’i ndak vun sun mata kur atchogoi mat ta a ngata, ti nga d’i i ata dabi mata, ti mba d’i ba bei led’a d’i. Le yat nga d’i ve pî, ang djubud’u, kayam mba d’i ndak vun sun mata gagazi, mba d’i ba hawa d’i.

Efes-sâ 6:10

Vama arâ, agi siragi ngingring zlapa tu ki Salad’a, kur sib’ika had’eng mambid’a mi.

Sawal la giled’a 62:5

Agi ndjagagi vunagi ná zud’um kä kur ngol mamba, tagi nga d’i lagi djivid’a ni yam zla d’a kad’a, agi b’agi vunagi yam suma ni ki vunagiya, wani kurugi krovo agi nga yagi nahlena kaziya. Tchol ndjö

Kolos-sâ 1:11

Kayam ndata, ami nga tchenemi Alona kayam mi siragi ngingring kad’enga hi subur mambid’a. Hina wani, agi mba fagi ad’enga á so tad’a, á ve tad’a mi.

Sawal la giled’a 138:3

Kur bur ma an yangâ, ang humunu, ang siranu, ang han ad’enga atan mi.

Zla d’a d’ogolâ 20:22

Ar ang dala: An mba ni hulong tchod’a yam tchod’a d’i. Ang tin hurung yam Ma didina; mam mba mi sud’ung ngeyo.

Sawal la giled’a 33:20

Ei tini huri ni yam Ma didina; mam mi ma ndjunina, mam mi mbarei meid’a mi.

Romê-na 8:25

Wani le ei nga djubi vama ei wum mbuo na ni, ei djubizi ni ki ve tad’a.

Hor ma tchina 3:26

Djivid’a ang kak tchugot á djup suta hi Ma didinid’a.

1 Korente-na 16:13

Ar agi kagagi ki ndjola, ar agi tchologi ngingring kur he gagazid’a, ar agi vagi tagi ad’enga mi.

Isai 25:9

Kur bur máma a mba dala: Alo meina ba wana, ni mam ba, ei tini huri kamu. Ni mam ba, mi sud’iya. Ni Ma didina ba, ei tini huri kamu. Ar ei lei hur ma hapma, ar ei lei furîd’a yam sut mamba mi!

Sawal la giled’a 25:21

An tin hurun ni kang angû; ang ngomon kur d’engzenga ki d’ingêra.

Sawal la giled’a 25:3

Suma a tin huruzi kangâ pet a mba mbut zulona d’i; suma a mba mbut zulonina ni suma a le suma tchod’a bei zlat ba na.

Ad’u Tinda 49:18

Ma didina, an djib’er ala ang nga sud’unu!

Wana ni Zla d’a Djivi d’a Luc mi b’irita 2:25

Sana mi nga Jerusalem, simiyêm ala Simeon. Mam mi sama d’ingêrâ, ni ma nga mi ring mandar Alona, nga mi djup Ma sut Israel-lîna. Muzuk ma bei tchod’a ba na, mi nga ki sed’emu,

Isai 8:17

An tin hurun ni yam Ma didin ma ngei iram mbei avok suma hi Jakob-mina, an deng tan natam mi.

Efes-sâ 3:16

An nga ni tchen Alo ma subur mamba kal teglesâ, kayam mi hagi ad’enga kurugi kad’enga hi Muzuk mamid’a.

Sawal la giled’a 62:1

Ni sawal la gile d’a David mi hlat mi hat mi ma ngolâ hi suma hle sawalina ki Jedutun.

Sawal la giled’a 40:1

Ni sawal la David mi hlat mi hat mi ma ngolâ hi suma hle sawalina.

Isai 26:8

Gagazi, Ma didina, ami tinimi hurumi ni kayam angû. Lovot mang nga ang tagata ni d’a d’ingêra. Ami nga yangû, ami nga tchenengû. Wana ni djib’er ra kurumi d’a ami minita.

Wana ni Zla d’a Djivi d’a Luc mi b’irita 2:38

Ata yi máma, ti mba, ti le mersi mAlona. Ti de zlad’a hi gor mámid’a mi suma pet suma a nga djup pat ta Alona mba mi pat Jerusalem mbeid’a.

Sunda hi suma a sunuzinid’a 28:15

Kid’a b’oziyoi suma kur azì ma ngol ma Rom-ma a humumi zlamid’id’a, a tcholï dei gak a mba d’ugulomi ad’u Suk ma Apiyus-sâ, avun Gong nga akoi d’a hindid’a. Kid’a Paul mi we sum ndazina, mi le mersi mAlona, hurum b’lengâ.

Sawal la giled’a 37:7

Ang kak irang sik avok Ma didina, ang ve tang djubumu; ar hurung zal ata sama nga mi fahlena kur lovot mambina d’i, ar hurung zal ata sama nga mi ndak vun djib’er mam mba tchod’ina d’uo mi.