Sawal la giled’a 27:11 - Bible azumeina

¹¹ Ma didina, ang had’an á tit kur lovot manga, ang tinin kur lovot ta d’ingêra abo man suma djangûna.

Sawal la giled’a 27:11 Referans Kwoze

Sawal la giled’a 5:8

Wani anu, yam we hohou mang nga ngola, an nga ni i avo hatangû, an nga ni grif kä avok gong mang nga ang tinit irat vata ki mandarâ.

Sawal la giled’a 86:11

Ma didina, ang had’an lovot manga; an mba ni tit kur gagazi manga; ang han hur ma lulumana kayam an ringîng mandarangû.

Sawal la giled’a 26:12

Asen nga tchola ad’enga ngingring yam gagazid’a; an mba ni gile Ma didina aduk toka teteng mi.

Sawal la giled’a 119:10

An nga ni halang ki hurun pet; ar an d’es sei yam vun mang ma hed’a d’i!

Sawal la giled’a 64:6

Azi nga he tazi ad’enga kur zla mazi d’a tcho ndata, azi nga gun dauna kä gumunu, azi nga dala: Sa mba mi wumî nge ge?

Isai 35:8

A mba ge lovota kua, a mba yat ala Lovot ta a tinit irat vata. Sama ndjendje mba mi tit kur ri, ti mba d’i arî yam suma hi Ma didinina hol. Ni azi ba, a mba tit kua; suma lilid’a pî a mba vit tei d’i.

Jeremi 20:10

An hum ndjak vuna hi suma ablaud’a ala: Ar mandarâ mi nguyum ata yina pet. A nga de tazi ala: Agi dumu! Ei dumu! Buniyôn suma kokodjona pet a nga djup puk manda, a nga dala: Ei i lobomu, dam ei mba kuzï kamu, ei mba hlei atchuguli ki sed’em mi.

Sawal la giled’a 25:9

Nga mi tin suma lulumana kur lovot ta d’ingêra, nga mi hat suma lulumana lovot mamba.

Wana ni Zla d’a Djivi d’a Luc mi b’irita 20:20

Kayam ndata, azi nga tchiged’emu, a tchuk led’et suma a nga golozi d’igi suma d’ingêrâ na na á vum ki zla d’a avunamba á hum abo suma te yamba, á ka sariyad’a kam mi.

Zla d’a d’ogolâ 8:9

Sama wad’ud’a mi ndak á wahle ndazina woi tetet, suma a had’azi wed’ina a wazi woi yed’et mi.

Sawal la giled’a 25:12

Sama mi le mandara Ma didinina, ni Ma didina ba, mi tagam lovot ta mbeî mi manata.

Zla d’a d’ogolâ 15:19

Lovota hi sama azulombid’a ti ni d’igi kangâ ma aweid’a na, wani lovota hi suma d’ingêrîd’a ti ni minda woi papana.

Sawal la giled’a 54:5

kayam angoyogeina a tchol á dur ayîna ki sed’enu, suma asa’atna a min á tchan ndeyo, kayam azi nga djib’er kang ang Alona d’i. Tchol ndjö

Sawal la giled’a 5:9

Ma didina, yam d’ingêr manga ang tinin kur lovota abo man suma djangûna, ang blas lovot manga kä woi avoronu.

Sawal la giled’a 139:24

Ang golonu, na ni an nga ni kur lovot ta tchod’a zu? Le an nga ni kur lovot ta tchod’a ni, ang tinin kur lovot ta didinda.